نفساني - بعد فتره طويله تقريباً عن نوبات الهلع و الخوف..

نفساني (https://www.nafsany.cc/vb/index.php)

- ملتقى أصحاب الوسواس (https://www.nafsany.cc/vb/forumdisplay.php?f=59)

بعد فتره طويله تقريباً عن نوبات الهلع و الخوف..

السلام عليكم و رحمة الله و بركاته
أخباركم ؟
طبعاً انا تقريباً من عقب عيد الفطر .. وسواس الموت خف عني
يعني مب مثل قبل حتى النوبات .. اقدر اقول لاني اصلاً دخلت في وسواس جديد ههه ف نسيت كل شيء
اليوم بعد صلاة الفجر كنت بنام .. و بالعكس كنت مافكر لا بالموت ولا الخوف ابداً
فجاءه حسيت بحراره كأن جسمي حار مع انه الغرفه بارده
و على طول حسيت كانه حلجي فيه شي مب احساس الكوره .. لا هو احساس ثاني كانه روحي بتطلع
خوووف مش طبيعي ..
امي و اختي كانوا يتكلمون بموضوع لكن انا كنت مب حاسه بشي
احس في شي فيني بيطلع
قمت شربت ماي و ماشي فايده
يلست اهدي نفسي انها نوبه
و كنت خايفه انام لكن مادري كيف نمت

بس بسألكم هل هاي نوبه يعني ؟ لان الحراره شوي كانت غريبه ؟

و للحين الاحساس فيني

عليكم السلام

هلا حياك
اشتقنا لك 💕
ايوه عادي هذا شكل من اشكال النوبات
مو لازم تجي بنفس الشكل اللي نعرفه
عادي تجي على شكل حراره او بروده
وتحسين الم بالصدر او الحلق
اهم شي هديتي نفسك ونمتي
واقنعي نفسك انها نوبه خفيفه

اقتباس:

المشاركة الأصلية كتبت بواسطة انعكاسات (المشاركة 1198576)

اهلين حبيبتي تسلمين💙

هذي نوبة هلع لا تخافين

حتى لو توقفت عليك النوبات لفترة فهي تعود بشكل بسيط , ولكن المريض عندما تعود له النوبة وهي نوبة عابرة وليست باقية يضخم الأعراض ويبدء الخوف عنده

فهذا شيء طبيعي خصوصا وقد صار لك فترة طويلة بعيده عنها , فهي تعود بعض الأحيان للمريض , ويجب عليك التعامل معها دون خوف مراقبتها وسوف تزول عنك في بضع دقائق

شفاكِ الله اختي الكريمة