تعبت 💔
 

ودي افضفض لاحد ماقدر محد يعرف ب مرضي ابد زوجي يوديني عند الطبيب النفسي واقوله فقط قلق نوبه هلع
حاليا استخدم ديباكين الحمدالله حالتي متحسنة وباقي بشوف الوضع لاني قاعده ازيد بالجرعة كان عندي رهاب ساح وسيطرت عليه بعد العلاج الحمدالله بقي السفر ودي اسافر لكن متردده وبس ابكي ابي اسافر زي الناس خايفة تجيني نوبة هلع هناك وش اسوي
احيان افكر اني اطلق من زوجي اخاف من الحمل واجيب طفل ويزيد بي المرض النفسي سوء الوسواس خف كثير لكن انا خايفة ترجع مع الزمن
هل اقدر اتعالج بمستشفى حكومي لان الخاص اكلوني بالفلوس انا من جدة

حلو ان زوجك عارف انا ماخبرت احد من عيلتي ساكته وصابره لين ماربي يفرجها
دامك قاعده تزيدي الجرعه اصبري لين تثبتيها وبعدها باسبوعين ثلاثه سافري عشان ماتتأثرين
بالنسبه للحمل مااقدر افتيك انتي اعلم بحالتك بس الموضوع مو مستاهل يوصل للطلاق!اذا حاسه انك مو قد هالشي اجليه لين ماتتحسني ان شاءالله
والله يشفيني واياك وجميع مرضى المسلمين

اطياف وش مشكلتك بالضبط
وايش الادويه اللي تاخذينها وكم لك
ومن متى تعبك

اختي هدي من نفسك الحياه بأمكانك تسهلينها وكمان تعقدينها بتفكيرك اهم شي انتي بالحاضر طيبه الحمدلله ليه تفكرين بالمستقبل وش يصير بالنسبه للحمل انا انصحك تجيبي طفل يشغلك عن التفكير ويغير حياتك
اما السفر بأمكانك تأجليه لبعد الحمل اذا نجحتي وتغيرتي مع الطفل ان شاءالله تتغيرين دايم

احملي وخليك ع علاجك صديقتي عندها نوبات هلع شديده وتحمل وتولد عادي وماتترك علاجها ابد وهو يرجع للزوج نفسه اذا هو شخص فاهم بتقدرين تكونين اسرة منه باذن الله ولكل داء دواء ، انا عن نفسي فشلت لان زوجي اصلا شخص مو فاهم ويحب نفسه فقط

كان عندي نوبات هلع واخذت سيروكسات 4 ايام ووقفته لان جاب لي اكتئاب وماتحملت وغلطي اني مارجعت للدكتور القديم رحت واحد جديد وقلت له عن حالتي انو عندي نوبات هلع وراحت ب سيروكسات وجابلي اكتئاب راح شخص حالتي ب اضطراب ثنائي واعطاني ديباكين رزبيركسا والحمدالله في احسن من اول بكثير الاسبوع الجاي ارفع الجرعة الى ثلاث وبعدها اثبت واستقر عليها يارب اشفني شفاء لايغادر سقما ترى في امل كبير بالله ثم للعلاج والحمدالله على ماوصلت له وانا لي 8 شهور مع المرض بدا لي من شهر العسل وبعدها ماوقف احس نسيت كيف عايشة الناس طبيعيا

الدكتورة قالت لي اذا بتحملين في علاج وقت الحمل لاتخافي كل شي له حل فعلا انا افكر بالمستقبل كثير بس زوجي يقول لاتستعجلين اهم شي علاجك واستقرار حالتك

راجعي مستشفى الامل بجده راح يصرفون لك الادويه مجانا

هل تحتاج اوراق مستشفى الامل مايسون كشفية

فقط بطاقه الاحوال
اتصلي على قسم المواعيد واسأليهم هل اقدر احجز موعد الان ولا لازم احضر للمستشفى
طبعا مواعيدهم سريعه باذن الله
اذا قالوا مافيه مشكله تحجزين الان قولي خلاص ابي موعد في اقرب فرصه او اقرب وقت

تسلم اخوي الوردي

السلام عليكم ختي انا نفسسي عانيت من الهلع لكن باستعمال الدواء (بروزاك 20) و لمدة 3 اسابيع تحسنت الاعراض و اصبحت اخرج و تحسن رهاب الساح فلا تقلقي كثيرا
هذه نوبات الهلع شائعة و علاجها متوفر و بسيط المهم زيارة الطبيب الموثوق و الاستمرار على الدواء ثم حسن الظن بالله

شكرا مولاي
انا احس معي قاق من الحياة مابعد الشفاء مدري هو وسواس

الدكتور اللي صرف لك ديباكين وش قال مشكلتك

الله يرفع عنك اختي ويحميكي يارب