متضايقه شوي
 

بدخل فالموضوع على طول ..
يمكن من عقب رمضان وانا الحمدلله حالتي تحسنت ما بقول وايد
لكن احسن عن قبل يعني عادي ما اخاف بديت اعيش مثل اول
صح احياناً تزورني نوبة هلع لكن تكون سريعه يعني ما تلعب فيني مثل اول
و الاعراض اللي كانت تخوفني اختفت ولله الحمد
اصلا انا تقريبا نسيت وسواس الموت لان الشيطان ما قصر دخلني في وساوس ثانيه
بس تقريبا من يومين احس بديت ارجع نفس اول
يعني نفس قبل عقب المغرب لازم ييني خووف مش طبيعي كأنه بيصير شيء
و طبعاً نوبة على ضيق و خوف و الاحساس بطلوع الروح
اليوم حلمت اني في الحلم اكون مب مستوعبه يعني اختلال انيه و خيال
قعدت من النوم واحس صدق انا مب مستوعبه نفسي فيني ضيق و خوف و ترقب
مابا اعيد نفس الموال و اصيح
خصوصاً لان العام اصلا بدا الخوف تقريباً نفس الشهر هذا و هالايام
خايفه وايد ..
مادري تحسون هالشي طبيعي
و يصير لكم ان تكونون بخير لايام
و ايام تحسون نفسكم لا ؟
كيف تتصرفون ؟

اكتبي في يوتيوب الوسواس بيضة التمساح

عااااادي جدا
اصلا مستحيل تشفين كذا فجأه
لازم شوي شوي وتروح الاعراض
وطبيعي تجيك انتكاسه بسيطه
بس مو معناتها رجعتي للصفر
وكل ما جاتك فكره قولي انا اعرف هذي الاعراض مافي شي جديد !

يا عمري انا باليوم نفسه بيجيني شعور بالضيق
وساعات شعور ارتياح لا اعرف له سبب
كوني بخييير وتجاهلي الماضي مو شرط وجع امس بينعاد
فكري في اليوم فقط كل يوم لازم نشوفه يوم جديد ونعيشه هو بس
ونحاول نعيشه بدون مخاوف ووسواس وضيق وهذا كلو لا يجي الا بالتجاهل :)

السلام عليكم ..
الاخت الفاضلة أتمنى لنا ولك الشفاء العاجل والدائم وجميع مرضى المسلمين ..
هناك أمر يغفل عنة الكثير للأسف بل ولا يؤخذ على محمل الجد إلا وهو قضية العين والحسد .وهذه تسبب الكثير والكثير من الأمراض خاصة النفسية .هناك علامات تدل على هذه الأمراض ومنها الضيقة بلاسبب في أوقات معينه مثلا عند غروب الشمس اويوم الجمعة .أو أيام الإجازات والأعياد عند تجمع الناس هذه ممايدل على أن الشخص مصاب .ايضا الاحلام المزعجة والكوابيس. لذلك لابد من التأكد والحمد لله العلاج بين أيدينا أليس القرآن كماذكر سبحانه وتعالى شفاء. يجب الالتزام باذكار الصباح والمساء وقراءة ورد يومي وبإذن الله يحصل تغيير طبعا ليس الكل يستطيع ذلك أحيانا المرض يمنع من الإلتزام في ذلك ولاكن لابد من المجاهد ه ومساعدة من حول المريض له لأنه أحيانا لايستطيع . .

انا اكثر وقت اتضايق فيه واتعب فترة المغرب

الله يشفيكم ويعافيكم

تاخذين دواء والا تاركته طيب وعموما انتي تقدرين ترجعين زي اول بتغيير تفكيرك والتطنيش