بيحسدونك ! بيعطونك عين !!
 

بِسْم الله الرحمن الرحيم

السلام عليكم ورحمة الله وبركاته


أسعد الله أوقاتكم جميعاً 😊

كثير من الناس يصابون بالعين وهم لا يعلمون لأنهم يجهلون أو ينكرون تأثير العين عليهم فان أعراض العين في الغالب تكون كمرض من الأمراض العضوية إلا أنها لا تستجيب إلى علاج الأطباء كأمراض المفاصل والخمول والأرق والحبوب والتقرحات التي تظهر على الجلد والنفور من الأهل والبيت والمجتمع والدراسة وبعض الأمراض النفسية والعصبية ..!


وحبيت أطرح هالموضوع وهو وسواس العين والحسد
وكل واحد يحكينا تجربته معه الحمدلله على كل حال
أنا أصبت بهالوسواس بعد ماتعبت ومازلت أعاني منه
لكن أحاول أتجاهله
يقولي لاتلبسين
لاتكشخين
لاتصورين
لاتعلمين احد أنك حامل
لاتعلمين احد أنك مخطوبة

ولاتعلمين احد أنك بتروحين للمكان الفلاني
ولاتاكلين قدام احد وإلخ ..........،.......
بيحسدونك ،، بيعطونك عين والقائمة تطول


نحن مؤمنين بالعين والعين حق !
لكن بالمقابل نحافظ
على أذكارنا ونحصن أنفسنا ونتوكل على الله
ولن يصيبنا إلا ماكتبه الله لنا ؟!

يا عزيزتي انا مثلك
لأني ماعرف وش السبب اللي انا فيه
كثير اقرا واسمع ان الخوف والقلق اساسها الاصابه بالعين
بس الاطباء يقولون لي هي اشياء طبيعيه تحصل
اللي هي نوبات الهلع والقلق النفسي وغيره
انا كنت اقول اللي فيني نقص حاد بفيتامين د وفعلا هو كان ناقص
بس لما صرت اسمع سوالف العين والحسد والمس من قريباتي وصديقاتي
تغيرت فكرتي انو لا اللي فيني عين او حسد !
سمعت رقيه و البقره و كذا بس مايروح اللي فيني
ترجع لي الاعراض و البعض كانوا يخوفوني انو اللي فيني ممكن يكون اقوى
فصرت مشتته بين اعراض العين و القلق النفسي
وصار عندي خووووف شديد منها لدرجة الوسوسه😪
واكيد البعض يتذكر مواضيعي عنها
صرت ما اكشخ ما اصور ما اعلم احد عن اموري صرت اتعمد ابهذل شكلي عشان ما ألفت نظر احد
والزواجات والمناسبات هذي خوووف عندي اجلس اسمي طول الوقت بحكم ان هي اكثر الاماكن تقع فيها العين 😓
ولما اجي اشوف ناس عندهم نقص فيتامينات مثلي يمارسون حياتهم طبيعي
وناس فيهم عين وحسد واعراضهم مثلي وبعد يمارسون حياتهم طبيعي!
و معالجي يضحك علي ان اعراضي مالها علاقه بالعين والحسد!
ماعندي رد واضح للأمانه لأني مشتته بين الاسباب

ي اختي لو حافظتي ع اذكارك ثقي بأن الله وحده جل في علاه يحميك
ولاتدخلي الشك في قلبك طالعي بالناس ليه هم عايشين وانتي اللي تمرضي نفسك بالتفكير توكلي ع الله وحده
ولا اخبي عنك تجيني مثل حالتك لكن احاول قد مقدر اتناساها لان اللي فيني يكفي مالي طاقه اوسوس في شي ثاني كل اللي علينا التحصين وربي يحفظنا ان شاءالله
والعين حق الله يكفينا شرها ويشفينا

ياقلبي لاتقولين مايروح اللي فيني
لازم علاج نفسي واستمري عالرقية والبقرة تحملي انا عانيت كثير بقراءتها لدرجة اني اختنق وماعاد تطلع الحروف مني
وكنت استسلم واضعف احيانا واحس بروحي تطلع لكن ماراح أستسلم القران شفاء من كل داء
لاتياسين إن شاء الله بيخف كل شىء تحسين فيه
احسني الظن بالله وادعي والله مايخيب عبده🌹❤

ونسيت اقولك شغلة انا الحمدلله
امتعنت عن الزواجات والمناسبات الكبيرة الا القريب مرهه مني
لانه ماوراها خير ابد!

اللهم لك الحمد محافظة على اذكاري والحافظ الله
والناس لو اجتمعوا علي أن يضروك بشيء لم يضروك إلا بشيء قد كتبه الله عليك
والمكتوب بيصير بس هالشيطان لابد يدخل علينا بشىء جديد

اللهم امييين الله يكفينا شر من فيه شر🌹

العين حق انا دايما أتثاؤب مع دموع اقرأ قرآن واسمع القرآن الإغتسال بالماء والسدر واكل العجوه وشرب ماء زمزم والدعاء علي قد ماأقدر واحيانا اتكاسل

أضع يدي على مكان الألم ، ثم أقول بسم الله ثلاث مرات و سبع مرات أعوذ بالله وقدرته من شر ماأجد وأحاذر والأدعيه كثيرا والحمدلله علي كل حال

أسال الله ان يشفينا ويرفع عنا البلاء اللهم آمين

والله الحمدلله والشكرلله كنت زمان اعاني منها
ومن كم سنه نسيت مرة ما اقرا ع نفسي وما حدث شي
فالحمدلله اصبحت اثق بالله ولن يصيبني الا المكتوب رغم البعض غصب يربط لك اي حالة تمر بك انها عين.. اذكر مرة تعبت وجت وحده تقلي والله انا بنفسي سمعت انسانه تذكرك وما ذكرت الله وقتها خفت لكن ايقنت ان الله خير حافظ وفعلا الحمدلله مرت بسلام
المهم عدم الوسوسه والخوف مدام قراتي الرقيه فثقي بالله
وامضي ولا يستوقفك شي وابعدي عن من كلامهم كله عين هذول اكبر
جالب للوسواس :)