| حسيني محمد |
22-10-2016 05:19 PM |
بهاق أم تينيا ؟!
بفضفض لكم عشان أنتوا أكتر ناس ممكن تحس بيا ..
من 10 أيام لما ظهرلي بقع بيضا ف جبهتى .. قلقت جداً مع أنها مش ظاهرة أوى أنا بس ، بس كنت قريت أن المرض النفسي له عامل كبير ف ظهور مرض البهاق .. روحت كشفت عند دكتورة جلدية ومن مجرد النظر قالتلى أنها تينيا وكتبتلي علاج مستمر ع العلاج والبقع مختفتش وكمان ظهرلي بقع تانية بيضا ف خدى ومناخيري وتحت عيني .. روحت مستشفي حوض المرصود اللي ف السيدة زينب كشفت الدكتورة هنا قالتلى مش شايفة حاجة ف وشك وفتحت كشاف الموبيل بتقوللى مش شايفة حاجة بردوا .. شافت أيدي وجسمي قالتلى أن فية تينيا بيضا ف أيدي وكتبتلى بردوا علاج .. أنا وأخواتى بيجلنا تينيا بس بني وبتيجي ف الصدر والضهر وأحيانا الرقبة .. خايف جداً من البقع اللى بتظهر ف الوش دى .. ومش عارف أعمل أية أصلاً .. هل هي بهاق ولا تينيا ولا أية! .. ولما بقول لأهلى بيقولوا أنى بوسوس .. مع أن الوسواس هو مجرد فكرة ملحة مش موجودة ، أنما البقع دى موجودة فعلاً ..
|
