هذي اعراض هلع ولا رهاب !!!!
 

السلام عليكم عندي الاعراض تزداد اذا وقفت عند اشاره وزحمه واقعد افكر وتبدا الافكار ان بيصير لي شي بالزحمه مع خوف واذا صليت صلاه الجمعه نفس الشي يكون تفكيري بالاعراض وخوف واحس بعدم توازن ويبدا الشيطان يوسوس لي انا بيصير فيني شي 😔

انا مثلك
تو صليت الجمعه وانا في الصلاه اشعر بنبضات قلبي تنبض نبض واضح
ومرات اقول هذه النهايه
اما عدم التركيز اذا قصدك بالنظر فهي معي 24 ساعه تخف وترجع
اما اذا قصدك في المشي لا امشي متوازن عادي
بس مشكلتي بالتركيز احس ثقل بالنظر مع دوشه وليست دوخه اللي هي تحس ثقل بالراس والنظر متشوش

الهلع سبب لك رهاب
فدائم تبي تكون في موقع أمان وسهل الخروج منه
انا اول كنت اقطع الإشارات واذا رحت مكان لازم باب الخروج قريب
لأنك برمجت عقلك انه لو جاك شي وش بتسوي وعلى فكره علاجها المواجهه
اكبر غلط اذا تهربت

هلع ليس رهاب

انت قريب من اعراضي حييل وياليت لو اتواصل معاك شخصيا

هذا هلع واضح حاول تسيطر على نفسك وتنسى الافكار المخيفه

هذا هلع سبب لك رهاب الساح نصيحة عالج نفسك قبل يتطور

هذي اسمها نوبات الفزع

ماتحب تنحط باماكن ماتقدر تتهرب منها مثل الزحمه او بمحاضره او بالطياره احيانا
الاعراض من البدايه
( فكره سلبيه مسيطره عليك ) راح اختنق او يغمى علي
يبدا جسمك يتفاعل معاها دوخة / رقعه بالقلب / تعرق / ضيق نفس
بعدين تدخل في دوامه من الافكار والاعراض وكلها اعراض كاذبه نتيجة التفكير السلبي

كلنا مثلك هني الله يعين الجميع ويشفيننا

السلام عليكم
قريت مواضيعك وحاولت ارسلك خاص بس مايصير
اغلب الاعراض اللي مرت عليك انا عانيت منها
نصيحة لوجه الله روح عالج سلوكي فيه اطباء بالكويت وايد زينين واذا تبي اسامي اقولك قبل لاتزيد الاعراض لان اللي فيك جدا جدا بسيط بس مع الاهمال ممكن يزيد

مجرد انك تتغلب على الافكار وتعدلهم فقط بدون ادويه بعد 🌹

اتمنى لك الشفاء واسفه على الازعاج

انا قريب من الكويت بس سالفه ادويه ان شا الله مااستعملهم لان مجرد تهديه فقط بس ان شا الله راح اقاوم الافكار