الفرق بين الهلع والأكتئاب(خلق الانسان هلوعا)
 

السلام عليكم
انا شخص جديد بينكم
اخصائي طوارئ اصبت في اشياء كثيرة الفترة الماضية ولا اعلم الفرق بين الهلع والاكتئاب
ولكن الاكيد اني تشخصت بقولون عصبي. طبعاً شخص بفضل الله قوي يعني امور كبيرة عند البشر انا ما التفت لها. عندي مشكلة طلاق (زواج ابتليت فيه) والحمدلله ماشي بالمحاكم واموري طيبة يعني ماتوقع انه موثر علي كذلك العمل الحمدلله مرتاح نوعاً ما فيه
كنت في الهلال الاحمر السعودي يعني شفت انواع الاكشن والحالات من انتحار الى قتل الى تشنجات
توفي تحت يدي اشخاص كثر ماقدرت انقذهم وهذي حكمة الله سبحانه. غير الحوادث والكوارث والعمل الصعب يشوارع المتواصل لمده 16ساعه من المصايب والانقاذ قررت استقيل من عملي لني صرت حساس جداً ذيك الفترة وصرت عصبي وصار بعض الحالات تاكل وتشرب معي
المهم الحمدلله استقلت ورحت مستشفى يعني الشغل اريح واقل ومافي مصايب زي الشارع
طبعاً الحمدلله مثقف اقرأ كتب اسافر اختف من الطيارة ولكن اركب. وما اهتم. اخاف من السرعه واذا كان الشارع فاضي اسرع وما اختم
ولكن صار معي اشياء رهيبة. يعني مره قبل انام. حسيت في الم بالصدر وتعرق واستفراغ وكتمة بالنفس. هذي اعراض قلب
ومع ذلك للمستشفى رحت بسرعه طبعاً اخوي اسعفني ولكن الحمدلله الامور طبيعية بعدها بقيت فترة خفقان وارق
وقل شهية. لقترة سنه ونص. وقررت اروح اكشف عند طبيب معدة. شخصني بالقولون العصبي وقلت الحمدلله
صرت اسافر. عشان استجم وارتاح وصرت منعزل انعزال مزاجي يعني اشوف الناس توافه اكورهم ماتعننيني
كذلك حساس زيادة من ناحية المشاعر. ارتحت ومع ذلك اطلع مع الاصدقاء ولكن اقل من اول. اروح عزايم واعراس
المهم امس نفس الحالة رجعت لي. تنمل والم بالصدر مع دوخة بسيطة واحساس بالموت
ابي احد خبره يعلمني هل هذا اكتئاب او وسواس او قلق وهلع. طبيب المعده صرفلي دقماتيل 50 مره باليوم


وشكراً لكم.

الدوجماتيل عطاك إياه عساه يهدي القولون ويهديك
اللي فيك بوادر هلع
قلق نفسي

هل طبيب المعده حولك على طبيب نفسي ؟
هل قال اللي فيك ما يعالجه غير طبيب نفسي ؟
هل في كل مره تتعب فيها تروح طوارئ و لا عياده احد قالك من المختصين انك محتاج علاج نفسي ؟
كمان شي طبيعي بعد و وسط هالضغوط اللي مريت فيها قولونك يتعبك و القولون يعمل اكثر من كذا صحبتي مسكينه تتنوم بالطوارئ لما يشد عليها و ما تستقر حالتها الا بعد ابر و سلسله علاجات يالطيف كان الله في عونك و ربي يصلح حالك.
نصيحتي لك لا تاخذ تشخيص حالتك ولا تاخذ دواء خاصه نفسي الا اذا طبيب مختص يوصف حالتك و ينصحك بالعلاج و مو اي طبيب انت عارف ان الاطباء في منهم الغث و السمين
يمكن بعد ما تعدي مرحله الطلاق و تستقر اوضاعك في البيت و العمل بثقتك في الله ثم في نفسك يروح كل دا. الله يحفظك

صحيح. طيب والحل

قبل سنتين طبيب معده قالي ان هذي نوبات خوف ولازمك طبيب مفسي. مع اني الحمدلله مسيطر على خوفي عني مايمنعني من شي. اجازف واخاطر واغامر. ولكن صار عندي بعض الاحيان انعدام لطعم الحياة يعني اكور كثيرة يهتمون فيها البشر وانا صرت اشوفها تواقه بعيني.

صدقت وها انا ارجع بعد كم سنه واقولك ثبت كلامك

امين الله يسعدك وها انا رجعت لنفس كلامك واقولك تزوجت الحمدلله وتوظفت وصرت ادرس كمان بفضل الله ومازلت اصارع المرض بين حين وحين اخر.

نوبات الهلع او اضطراب الهلع هذا خوف مرضي يعني يجيك خوف من لا شي وانت تضحك وانت تسولف و انت نايم يجيك فجأة وفي اي وقت واي مكان هذا سلمك الله عليك بالرقيه مع العلاج الدوائي والسلوكي وانصح تكتب في قوقل تجربة علي اليامي مع الهلع وشوف كيف تشافى منه من غير حبة دواء وهو طبيب طوارئ مثلك ومثل حالتك بستفيد منه مره واعتبره اقوى علاج سلوكي الاخ علي اليامي وما تشوف شر اخوي

عفوا الاخ علي اليامي ممرض وليس مسعف المهم اقراء تجربتك يعطيك دافع قوي وايجابيه فظيعه

الهلع والقلق الزايد حسب ماسمعت اختلل بمواد بالدماغ والعلاج تصلحه وترجع طبيعي بحول الله لان مو معقول كل اللي كانو معك ماحد اشتكى زيك