اسعفوني لاهنتوا
 

السلام عليكم
انا شخص السنه الماضيه
مريت بظروف مشاكل طلاق وما انتهت
المهم مره من الايام صرفلي طبيب معده
دواء اسمة انتابرو المهم اليوم الرابع من الاستخدام
جيت بنام وحسيت الم في الصدر قوي ثم كانه مافي نفس ولا اكسجين
ودقات قلبي سريعه وتعرق وتجشؤ ورجفان بالجسم كامل وحسيت ببرد مو طبيعي مقارب للاستفراغ
ماقدرت اتحرك اخر الليل. سمعني اخوي اشهق وهو نايم جمبي
قام وعلى طول بشكل هستيري للمستشفى حسيت اني بموت وتشهدت اكثر من مره
المهم تخطيط قلب والحمدلله سليم وطلعوني بدون اي دواء بعدها وقفت على طول الدواء هذا
ورحت لطبيب المعده وقالي معدتك متهيج القولون العصبي عليك وهذا هو علاجك انتابرو
ماسمعت كلامه. وقفت الدواء المهم الحمدلله عشت بعدها فترة طويلة. الام معده متفرقه وتعايشا مع الوضع بدون ادوية
قبل يومين بالظبط رجعت لي نفس الحالة. مع تنميل كامل بالجسد
مادري وش السبب مع اني عايش يومي الحمدلله وصحيح اني فقدت طعم الحياة ولكن
خمول ومافي سعادة مثل اول وتفكير مو كويس. وساعات نوم متقلبه احيان انم كويس واحيان لا. وبعض الاحيلن الالم معدة وفقدان شهية. ومحتار مدري وش السبب. ياليت تفيدوني.


واخيراً. اتمنى تدعون لي ارجع مثل اول نشيط متفائل مرح اجتماعي. ودي ارجع مثل زمان

الله يشفيك ان شاء الله وجميع مرضى المسلمين

الحمدالله سلامتك أخي

والحمدالله مافيك الاالعافية

والأعراض التي أصابتك بسبب عدم توافق الدواء لك

سبب لك أعراض جانبيه والحمدالله على سلامتك

لاتخف مافيك الا العافيه والحمدالله

بس انتبه معدتك لان الرسول اخبرنا انا المعده بيت الداء

والله اعلم انه سبب بالحالة النفسيه التي تمر فيه الان

حاول تعالج معدتك بالابتعاد عن مايتعبها من اطعمها تسبب تهيجها

وستعود حياتك مبهجه كما كانت اهم شي التفكير الإيجابي

والله يشفيك ويعافيك

جزاكم الله خير. واعتقد فعلاً ان السبب هو المعده

انتابروا علاج اكتئاب وما انصحك في الادويه النفسيه ، اذا عندك قولون استعمل فيرين ، وسكوبينال عند اللزوم

اقرأ عن عشبة لسان الثور

رجعت لي نفس الحالة قبل امس ؟؟

رجعت اقرى كلامي الي اعتبر مر عليه زمن ورجع اقول ليتني ماتزوت ذيك الايام. المهم سبحان الله كل مايصير للمسلم عليه اجر باذن الله من الناحية الايجابية خذيت الموضوع مازلت اعاني واصارع الاكتئاب البسيط والهلع البسيط من فتره لفتره ولكن تغيرت صرت انسان اناني احب نفسي صرت اتخلى عن اي شخص مايعجبني عرفت قيمة نفسي الحمدلله صرت مثقف بحكم اني اقضي وقتي بالقراءة كتب متنوعه صرت رجل اغلب وقتي صامت مو مثل اول راعي بربره وصار عندي شي ماعرف كيف اوصفة ولكن اكتشفت اني اعيش بوسط مجتمع انا ارفض عاداته وتقاليده يعني تغيرت فيني اشياء بعد نوبات الهلع وانا اعتبرت هذا الشي ايجابي

مر على كلامي هذا سنتين و3 اشهر ويارب تكون اخر المصايب والامراض يارب تكفى طلبتك ورجيتك تكون السنه هذي اجمل واحسن من السنه وصحة اعلى وتكون نهاية مرضي. الشي الجميل الي احب اقوله لكم ولنفسي انو السنه هذي بفضل الله والحمدلله صرت ادرس وموظف ومتزوج بفضل الله عز وجل. اي احد يمر من هنا دعواتك لي لانني انسان طيب وكويس