ماذا غير فيك المرض النفسي ؟
 

السلام عليكم


حبايبي واصدقائي كل مره نذكر الاشياء السلبيه في مرضنا
اليوم ابي اتكلم عن الاشياء الايجابيه اللي حصلت لك من وراء هذا البلاء

شنو الاشياء اللي تغيرت فيك للاحسن ..

انا عن نفسي قل تعلقي بالدنيا كنت وااايد لاهيه عن عبادتي وربي

بديت اتقرب من الله ومن عايلتي اكثر ..

صرت اقوى من قبل .. الدنيا حكتني 😂

صرت انسانه افضل بديت اتخلص من السلبيات بشخصيتي

وووبس .. وانتو 💕

وعليكم السلام ورحمة الله وبركاته
يسعدك ربي ع هالموضوع يا كل الذوووق :)
ما شاء الله عليكي ربي يثبتك آمين..
انا للاسف بعدت لكن اشعر برحمة ربي وفضله علي اكثر من قبل. .
الله يرحم الحال ويردنا اليه رداً جميلاً آمين

الله يذوقك حلاوة الايمان والامن من كل خوف والقرب اليه والانس بعباداته

رددي دايما ( اللهم اجعلني اغنى خلقك بك .. وافقرهم اليك )

ما غير فيني شي للايجابي
كل صفاتي الايجابيه تحولت سلبيه
والدليل صديقاتي لما قابلتهم بعد انقطاع فتره نبهوني على بعض الاشياء
وللأسف سلبيه 👋🏻

ولله الحمد التعب هذا غير اشياء سلبيه كثير للايجابيه
واهم شي انه قربني من الله سبحانه
وانا سعيد جدا بان الله ابتلاني بهالتعب
لانه باذن الله تكفير ذنوبه وان الله لااحب عبد ابتلاه
فلك الحمد والشكر يالله

اللهم لك الحمد .. انا سعيدة بمرورك ومشاركتك بهالموضوع الله يثبتك يارب ويشفيك

طيب حاولي تفعلي شي
لاتكتفين بالملاحظات فقط ..

ولاتنغلقين لان فيج اشياء سلبيه ...

كلنا فينا سلبيات ... اقلبيها لايجابيات

انتي انسانه جميله وحيويه وانا متاكده من هالشي ينقصج بس الروح والحيويه

متاكده انها موجوده بشخصيتج ولكن فيها صدأ شوي

اتمنى انج تلقينها ... احبج في الله

اللهم آمين يارب العالمين
الله يجزاك الجنة وما قرب اليها من قول وعمل آمين

الحمد لله ما ضل في أي شيء
كل شيء سلبي ما عاد في أي شيء له طعم
لكن الحمد لله

الله يشفيك ويعافيك

جميل ان نستشعر منح الله التي منحنا إياها مع كل محنة ،،

فرؤية الجانب الإيجابي من الأشياء يهوّن على النفس الكثير و يمنحها القوة في مواجهة اي أزمة ،،