بدأت حالتي بنوبة هلع اثناء النوم وبعد شهر خفت الاعراض لكن صرت انهار وقت النقاش الحاد
 

السلام عليكم ورحمة الله وبركاتة

اتمنى احد يشرحلي ويطمني ايش حالتي بالضبط !!
لأني والله قاعده اضيع وقتي وفلوسي مع التحاليل

انا في البدايه مر علي اسبوع كان سني جدا يعورني مع اذني وحلقي وماشريت مسكن إلا بعد ماهلكت من الالم ورافقه التهاب شديد في البول حاولت اسهر الى الصبح عشان اروح المستشفى

بعد ماجاء الصبح رحت وعطتني الدكتوره مسكن وكنت اشكيلها ان جايتني كتمه خفيفه قالت من الالم
رجعت البيت نمت وصحيت على نوبة هلع !
جسمي ثقييييل جيت بوقف طحت ارجف وكتمه شديده لدرجة نملت كفوفي وكانت يابسه وقلبي نبضه ضعيف والعضلات كلها ضعيفه
رحت للمستشفى عطوني اكسجين وكان اكسجيني 100 والتحاليل سليمه !

ضليت اسبوع كامل مادري وش فيني ولا اقدر انام من الكتمه نفس الحديد على صدري وغصه
كنت اروح المستشفى كل يوم ولايسوون لي شي

بعد ماعرفت من النت انها ممكن تكون نوبه هلع ارتحت على الاقل لقيت سبب
صارت الاعراض تخف كل 7 ايام يخف شي
الان وبعد شهر من بداية الحاله احس يدي اليسار ثقيله ومنتفخه مع يسار الظهر والصدر واليد الثانيه شد عضلي كلما انسدح يجي والم في العصعص
بالعربي ما اقدر انام ابد احس نص عضلاتي ميته ايش السبب ؟

ولما اتهاوش مع احد انهار واقط نفسي ع السرير كن احد ضاربني ضرب ايش سبب هذا بعد ؟
السؤال الاخير هل ممكن تختفي الحاله بدون ما استخدم علاج الدكتور إلي هو ميرزاجن او تطول
ابي نصايحكم الله يسعدكم 🌹
الدكتور شخص حالتي على انها قلق وماقالي شي ثاني ولاطمني كيف اعالجها بنفسي

تكفون في احد مر بنفس الحاله

صباح الخير 🌹
سلامتك الله يشرح صدرك و يآمن قلبك
بانقل موضوعك للقسم المناسب و يارب يفيدوك الاعضاء.

من وجهة نظري اللي فيك قلق نفسي
والاعراض اللي فيك نفسوجسديه

سلامتك يارب بس نصيحة مدام كل تحاليلك
سليمة حاولي ما توسوسي بالاعراض انا مرة جاني التهاب شديد بالحلق ونفس ما جاكي جاني في فترة تعبك اما الاعراض اللي بعدين هي عندي نوبات هلع ووسواس ،
لكن ما اعرف انتي هل عملتي تحاليل شاملة وتخطيط قلب !
وطلع كمان سليم ؟

انا اللي بحسه لما أتوتر أو أزعل من أحد جسمي كله يعورني ويجيني خمول فضييع وأدور على النوم الله المستعان

التحاليل سليمه بس ماني مقتنعه
الاخت القمر انا مثلك كان سني يعورني وحلقي تحملت الالم القوي وبعدها صحيت على نوبة هلع

اقسم الك ما تخافي والله لما يوجعني ضرسي اشعر بنهيار ورجفة داخليه نبضات قلبي اشعر فيها وابكي من اي سبب اشعر بضعف كبير ويظل بعدها ما يخف حتى بعد هدوء الالم
الا بعد ايام او اسبوع كمان ..سلامتك يارب

ابن ديم كل شئ نفسي البنت تقول بعد ماستخدمت العلاج
انا مثلها من بعد علاج المضاد انكتم صدري واحس بنبضات قلبي
ليش مايكون العلاج اهو السبب

اخت دجى القمر انا اعراضي الاخيره اللي هي كتمه لصدر وكانه تالف والشعور بنبضات قلبي اتاني بعد مضاد كلافكوس اول اعراضي غير والله انا شاك بالعلاج
بس الغريب اني كد استخدمته اكثر من مره ولا صار معي هيك ممكن العلاج فيه شئ وصارت الحاله مزمنه معي
شئ محير

انت بالذات يااوهام اعرض نفسك على دكتور نفسي
اذا قال مافيك شي ماراح ادخل هالموقع مره ثانيه

القلق النفسي هو الاساس
ويتفرع منه الاكتئاب والوسواس ونوبات الهلع والرهاب
انت قلقان وواضح من كلامك ان فيك وسواس يقولك اللي فيك عضوي مو نفسي

اخوي ابن دايم انا لاحظت ان الهلع الاول بد بعد تناول مضاد اقسم بالله توني تذكرت
صح ان قبل الهلع كنت قلقان واعراض اخرى بس اتكلم عن الهلع
والان الاعراض الاخرى بدات بعد مضاد مادري ليش مرتبط العلاج المضاد

كلامك صحيح 100٪‏
استخدمت مضاد مع مسكن للاسنان واليوم الثالث قمت اطرش بعد الحبه ماتبت وضليت اخذها الى اليوم الخامس وكانت الاعراض تزيد بعدها نمت وصحيت على نوبة هلع !!
رحت المستشفى وبعد التحاليل قالت الدكتوره سليمه بس عطتني مضاد لالتهاب البول استخدمت حبه وجاني غثيان واستمريت خمس ايام ومالاحظت تحسن بحالتي إلا بعد ماتركت المضادااات
خلت اغراض نوبه الهلع وماجتني إلا مره وحده بس بعد المضاد الاول !!
حاليا باقي رجفه كني بردانه وعضلات ظهري وبطني وذراعي اليسار متيبسه تتحسن وقت التدليك لاكن احس بثقل فيها ماقدر ارفع ظهري بسهوله
صراحه تعبت مادري ايش هذي الحاله
الدكتوره قالت لو المضاد سبب لك حساسيه كان دخلتي غيبوبه
طيب يمكن لان قوته عاليه ماتحمله الجسم واتلف الاعصاب ؟

الدكتور صرفلي حبوب استخرت وما استخدمتها
الاخ اوهام اتمنى تبحث لنا بخصوص المضادات وتأثيرها ع الاعصاب لاني شفته مكتوب بالروشته حق العلاج من الاعراض الجانبيه

الدكتور النفسي استغرب ليش جايتني مافيك شي قلت دكتور الباطنيه حولني عليك
وبعد ماعلمته عن سني والمضاد قال اكيد كان شي مقلقك غير سنك قلت لا ابد قال إلا لان نوبه الهلع تجي من الخوف والقلق
طيب انا يوم جتني كنت نايمه المخ واقف مافي شي كان يشتغل غير مفعول المضاد حسبي الله عليه
ولو صحيح عندي قلق كان تكررت نوبة الهلع
الله المستعان
مالنا غير الصبر
الله يشفينا جميع