تعالوا اقرؤوا قصتي ..!
 

السلام عليكم ، كيف حالكم ..ي حلوين بعلمكم قصتي المزعجة ..

طبعاً قبل 9 سنوات رحت الطبيب وقالي ظغطك مرتفع ..!!! كيف ي دكتور أنا صغير وقتها 19 سنة أو أصغر المهم جيت البيت يالله مانسئ هاذي الحالة جاني خوف شديد وهلع وسواس وكل شيء ونوم مانام ولا أكل ولاشيء
وضربات قلبي زايدة وأتحسس نفسي وصابني وسواس بالامراض وخوف من الموت وتركت أصحابي والجامعه وكل شيء صرت معزول وأه أن صحيت بالليل ، لحالي ..والمستشفيات أصبح وأمسي عليها ..رايح جاي
ومرت الايام ولا أدري أن هاذي أصلا حاله نفسية لكن أحنا غير مثقفين المهم أمي الله يجزاها خير وقفت معاي يارب أجزاها عني كل خير ..أمم لدرجة من قوة الخوف أنام جنب أمها عشان أحس بالامان لاتضحكون علي ، بس والله مو بيدي
ومرت الايام والشهور وحسيت بتحسن بدون ماخذ أدوبة ، وبالنسبة لنوبات الهلع كانت تجيني ولا أدري وش هي أخر شيء أستسلمت ولا صرت أروح مستشفيات لاني تعبت خلاص هذا الكلام أستمر يمكن سنة أو أقل شوي ..
والانسـأن أحيان يتعايش مع وضعه خلاص يمل ويعرف حالتة تمام ..وجلست كم سنة كذا لاسفر ولا شيء بس أسير خوفي وسواس مايوقف ومرت الايام وطبت مادري كيف ماصرت أهتم خلاص مليييييت وراح كل شيء ..بس لسئ مانتهت القصة
أنتهت أغلب الاعراض ، قبل يمكن خمس سنوات ..وباقي بعض الوسواس وضربات قلب زايدة بس ماهتم وعشت حياتي سفرر وفلة وكل شيء عادي حتئ نوبات العلع راحت بالعكس صرت أقوئ من أول ،يعني أن رحنا البر أرقد لحالي جنب الجبل ..

لكن ! ..يالله قبل أسبوعين جاتني صدمة عاطفية ..حسيت بتعب منها جيت بنسدح وبنام ، جاتني فكرة نوبة الهلع وجات يالله يالله يالله قمت وجاني خوف ماحسيته من سنين حسيت الدم يمشي بعروقي وبرود برجولي ورجعت الاكل الله يعزكم ،
وأدور بالبيت ومن بعدها ظغطت نفسي بالتفكير أنا ليه رجعت ، تذكرت ايامي الي راحت ودخلت بدوامة ولازال الخوف ماقدر أنام وش أسوي ! قلق شديد مايفك وأفك وأفكر وأفكر لين خلاص تعبت أبي أنام ماني قادر ، أبي أغفي ماني قادر .
يوم صحيت مكتئب وخايف ومتلحف يعني حالتي صعبة ، لكن جاني شيء غريب ، حسيت شد باعصابي شيء غريب أول مرة أحس فيه لدرجة أصبعي يتحرك من حالة ، وخمس أيام كذا أو أسبوع ورحت الدكتور قالي هاذي نتيحة التوتر العصبي الشديد ،
لكن تدرون في شيء ماعلمتكم أياه طلع القولون عندي ملتهب وأنا مادري يوم قلقت وخفت زاد علي ، يوم أخذت عسل خلطة مسويتها أمي حسيت ببرود بجسمي وخف القلق كثير ..وأخذذت أقراء طلع في ناس كثير زيي تعاني ولا أني أصلا ماخااف من النوبة ، ولا علي منها متئ ماجات جات ..لازم أنهي القلق وأحطله سناريو وأنهيه أوك ِ جات طيب ؟ يعني بموت عادي كله كم دقيقه وبرجع مثل أول ..أنا الحين أستخدم زيلاكس عطيناه الدكتور مرتين باليوم وأنا أشعر بتحسن لله الحمد والمنة


سوري ع كلامي الي مو مرتب ، <بيروح يصلي وجاتة فكرة أن بتجية نوبة الهلع $$$

اهلين بالأخ التائه..
ارحب فيك بموقعنا ان شاءالله تستفيد اخي وتكون اقامتك مريحة...

بالنسبة لقصتك...
كل هاد صاير معك لأنه كان ضغطك مرتفع شوي

كيف لو شي تاني شو بتعمل ههههه
يا اخي الضغط بعمركم عرضي ...او بسبب ما
طلع عندك القولون..واعراضه تسبب ضغط بسبب الخفقان

هون المشكلة انتوا اللي بتكبروها وبتضخموها بلا داعي
وبتصير الوساوس تشتغل يمين شمال
وتتحول الى سيناريوهات هههههههه

الحمدلله انك تحسنت
معافى اخي :)

هلا بك أختي ، ظل الله يسعدك أتشرفت فيكم واسستفدت من الموقع كثير وريحتي أنه في ناس مثل حالتي ، رغم أن أعاني من زمان ..
عاد بالنسبة للظغط أنا خفت ..وهذا بقدر الله ورحمتة مايجي من الرحمن ألا كل خير ..

دمتني بخير أختي ظل

ماشاء الله تبارك الله
برافو عليك قدرت تحارب وتقاوم
الله يشفينا ويشفيك
استمر

اخي ثائر
انا قصتي مثلك من يوم قال الدكتور ضغط
مرتفع وصرف لي علاج كنكور.2.5 وتوسوست
وعشت في قلق لكن الضغط انتظم بعد مده وتركت
العلاج لكن ظهر معي خوارج الانقباض البطينية
يلي قلبت حياتي رأس على عقب
وإلى اليوم وانا كل يوم توتر وقلق
مع ان كل الأطباء قالوا تعايش مع حالتك

ي أخ أبراهيم ، انا معاي خوارج نبض من بداية أصاباتي بالقلق ونوبات الهلع ، بس تعايشت خلاص ، والله مرة عادي ونسيت الموضوع أنام وأكل وأتمشيء وأسافر الحمد لله ماعمرها شكلت لي خطر ، اللهم إلا إني أراقبها أحيان بس ،
تجيني وأنا أكلم صاحبي وأنا أسوق وأنا أصلي وأنا بنام بس عادي تعايشت الحمد لله ..عرفت كيف يعني تبي تطيب تجاهل بس وتمشيء أمورك

اكثر شئ اللي يجي مع الهلع الخفقان وليس الخوارج مثل ماحصل معاي ومع غيري
بس الان اختلف الوضع معاي احس بشئ بالرئه كانه تافه ومتشنجه
ومعاي حاله غريبه احس بنبض قلبي ينبض نبض منتظم طبيعي لثواني وتذهب هذه الحاله

الله يجزاك خير ع ذكر قصتك لاني استفدت جداااا منها اتمنى لك الشفاء ولجميع الاعضاء بالمنتدى يارب.

لا حفظك الله ..أقصد من بداية نوبات الخوف عندي والهلع جاني خفقان والخفقان غالبا يسبب خوارج نبض ، خاصتن أن كان فترة طويلة ـ وعموما النبض دائما ، متعلق بالحالة النفسية وهي حميدة ،
الي أبي أنك تفهمه مهما كانت خوارج النبض تاكد أنها حميدة وماتضر القلب ، أن كان تصحئ وانت معك خفقان ، أعلم يقين أنك خايف وتفكر كثير بس تهدا وامورك تسير وتتعايش ، لاتراقب نبضك خليه ع راحتة
والله حميدة ، كلام متخصص وطبيب يقول مافيه احد مات بسبب بقدر الله ..لانها حالة عادية والقلب يدق 200 نبضه بالدقيقه لمدة أسابيع متواصلة تخيل ، ولا يصير شيء ولايتاثر وأنت زعلان عشان الخوارج ..هدي نفسك
أنا مريت بنفس حالتك تماماًُ وأنا أكلمك أحس بنبضي وجداً عادي ..

الخلاصة = خوف = خفقان = هلع = خوارج نبض زيادة طفيفة بنبض القلب ماتضر ..
أتمنئ أني أفدتك من واقع تجربة وخبرة لسنين ..

أهلا أخ غموض ، ويجزاك راب كل خير ..ويارب يشافينا كلنا وكل مرضئ المسلمين ..

ههههه اتفكر اول نوبة هلع معي كنت احط يدي على صدري كل اليوم و انتظر متى يتوقف قلبي و صرت اذكر الشهادة مئات المرات كنت متأكد اني ماراح عيش اكثر من يومين زيادةVv

اللي معاي ليس خفقان او خوارج هو الشعور بنبضات القلب طبيعي لثواني وتختفي
مثل الخفقان بس بنبض طبيعي بدون خوف او سرعه بالنبض