| صاحب تجربه |
17-12-2016 02:11 AM |
انت تعبان مريض ادخل لا هنت.
يا اخواني يا حبايبي استمروا على العلاج حتى لو كان نسبة تأثيره 20 بالميه استمروا عليه. انا وربي ما خليت شي ما سويته، رقيت ورحت لسحره وتعالجت بالعلاج الطبيعي وكويت وحتى الجن حضرته، وفي النهايه ما لقيت نفسي وراحتي الا بالعلاج النفسي. صحيح مرات اتعب ولكن شيء أهون من شيء. استمروا ولا تيأسوا، إذا ما ناسبك العلاج هذا جرب غيره، أهم شي لا تيأس، لأنك إذا يأست انهرت بالكامل وتكالبت عليك الأمراض من كل جهة. وبرضه فيه نقطه مهمه الا وهي أن بعض الشباب أو الأخوات يكرر مقولة ابغى ارجع زي ما كنت. هذي المقوله تكرارها أو التعلق فيها مدمر قاتل مخرب للنفسيه. لأن الأولى هو التركيز على وضعك اللي انت فيه الحين. إنسى الماضي تماما. اللي فات مات. وارضى باليسير وأحمد ربك. وصدقوني بالذكر والعطر الجميل وبالادويه راح تنحل مشاكل كثيره بإذن الله تعالى.فقط خذ الدواء وتوكل على الله. وحاول تغير طبيعة الأجواء اللي حولك. حتى شكلك غيره ملابسك سيارتك غير كل شيء علشان انت تتغير. يقولون ان الماء الراكد يفسد. ولكن الماء الماشي يظل متجدد. وفيه نقطه مهمه جدا، حاول تجلس مع نفسك سولف عليها اقنعها انك بخير، صور لها انك قوي وانك تتحمل، شجعها، وهكذا حتى تعيش بسلام كما يعيش الناس. وبالنسبه للوساوس طنشها اسحب عليها، اعمل نفسك ما فيك شيء وصدقني راح تمشي معك زي ما مشت معي.
وفق الله الجميع.
|
