هل هناك أدوية تنافس دواء كونكور و سلامتكم
 

السلام عليكم

لا أحد يقولي علاج يبغاله وصفه أنا ما ذبحني إلا أبو وصفه

لو تكرمتوا في علاج يشبه لعلاج الكونكور للقلب أو ينافسه و لو يكون حتى إبر و سلامة عمركم

انا ذي اليومين صلف صلف

خخخخخ

انت عندك ضغط و لا ألم و لا تعب قلب ضعف العضله

ما عندي ضغط بس القلب تعبان تقول اني ما آخذ برج الفيصلية بالدرج تمتير من البادروم إلى المطل

عالي ابغى اسألك انت بدأت تاخد الكونكور ولا لسه ؟

اي نعم مستكفة

لي شهر و أنا أتعالج منه و طيب معي لكن يبغى له شوي تعزيز و أطلع تمام التمام

صعب تغيره يا عالي
امي تاخذه من سنين طويله اللي ياخذه ما يقدر يوقفه
امي حاولت تغيره بدواء مشابه لخبط لها ضربات القلب بس هي عندها الضغط و ادويه الضغط كلها تشتغل على القلب.

سلامتك يا عالي ربي يغنيك عن كل هالادويه ولا يحوجك لها.

كوردارون افضل علاج لدقات القلب غير الطبيعية

ههههه دنتا مزاجك ميه ميه هههههههه شكله طبت من الاكتئاب الحمدلله

شوف يا عسل سوي تصوير تفلزيوني للقلب echo

و شوف نسبة ضخ الدم

و ايضا سوي تخطيط القلب

و بعدها لكل حادثة حديث و ان شاء الله ما فيك الا العافيه

و قيس الضغط .. ودعنا نرى ودعنا نرى وضعنا معك في الصوره

يا انسه مستكفه ابغى تتكرمون تسون لي ترقيه نجوم اكثر و قمر

و تخلعون علي لقب .. أرطبون العرب ...

اهلين يا سالم انت تبغانا ندلعك على كذا نجوم و قمر و لقب
شوف يا سيدي بالنسبه للنجوم تلقائيا تزيد مع عدد مشاركاتك
واللقب انت تقدر تكتبه مثلي و مثل رسوم و تنسقه من خانه
تنسيق الخيارات الخاصه بك المظلله باللون الاحمر فوق بشريط
المنتدى.
اما القمر فصعب نحطه ههههههههه
ربي يحفظك.

الله يسلمك خلود و اللهم آمين يا رب يجيب لدعواتك

أنا رحت لعيادة مستشفى الأمل و دخلت ع الدكتور و معي كونكور مع أدوية أخرى و قلت له أبغاكم تصرفون لي ياه قال هذا ما يصرفه لك إلا دكتور القلب أما مستشفى الأمل ما عندهم هذا العلاج و لا أشباهه و طحت بيد دكتور جدا غشيم قالي الإندرال بينفع قلت لا ما نفعني وجوده كعدمه

أميمتك يا خلود الله يطمن قلبها و يسعدها و يشفيها و لا يريها أي بآس و شر و مكروه

اللهم آمين يارب و اياك.
الدكتور الباطني ممكن يوصفه او يصرفه لك يا عالي
مو شرط دكتور قلب .
سلمك الله و عافاك من كل مكروه و شر.

اعتقد حتى لو طبيب عام دام لك ملف بالمستشفى بالحالة
ماهو معضله الكونكور و سعره ماهو مرتفع عشان ما يوفروه.
بس ارجعو انصحك لا تغيره و لا تبدله عشان لا تحصل لخبطه عندك.

أشكرك محمد البراهيم هل تعتقد إنه أفضل من الكونكور من ناحية قلة الأعراض الجانبيه و أيضا الإنسحابيه

أنا ما رأيت أي عرض جانبي للكونكور و الحمدلله بس لا زال يحتاج الكونكور لتدعيم

العلاج حفظته و الله يكتب اللي فيه الخير لي و لك و لجميع المسلمين

هههههههههههههه الله يسعدك و الله و أنا أخوك الإكتئاب شوي و أقضي عليه بحول و قوة الجبار جبار الكسور وحده لا شريك له

أنا يئست من أي شيء إسمه مستشفى ما عاد يتحمل راسي و قلبي كثرة أوجاع ما عاد فيه طب يا سالم ؛ الأطباء كلهم كان يا ماكان في قديم الزمان و الحين صاروا في القبور

إن شاء الله تجيني فرصة و أحجز موعد على عيادة القلب

أشكرك جدا :)