يا فرحه ما تمت، القطوه انحاشت.
 

امس القطوه حطت رجلها انحاشت.مع اني موفر لها كل شيء.ما ادري وين راحت.هي انثى رقمها قطو ذكر وسحبها ابن الذين.الحيوانات هذي مالها خاتمه.قال لي ولدي الصغير حطها بقفص قلت لا حرام تبيني اسجنها(خاصه إني مجرب السجن).آه يالقهر ما ادري وين راحت.الحاره اللي أنا فيها مليانه افارقه كل يوم يطلع لنا افريقي.أخاف هم اللي أخذوها خاصة أن هي لونها أسود.وأنا كاشخ مهتم فيها ومدلعها هههههه.بحط رقم جوالي اللي يحصلها يدق علي.هههههه

شكلي بجيب لي كلب صغير.بس المشكلة إذا نبح وازعج الجيران.فضيحه.ههههههههه.

بخصوص اختفاء القطط لدي تجارب طويله مع هذا الموضوع واختفو لدي الكثير من القطط الي مستحيل تختفي بسبب تعلقها وحبها للمكان الذي اضعهم فيه ولكن يختفو بين يوم وليله بدون اي اثر وللابد...احس ورا الموضوع الجن....اي انهم جن متلبسين في قطط يجلسو فتره معاك ثم يختفو او ان الجن تخطفهم من اجل اذيتك اذا كنت متعلق فيهم

خليها تتزوج و تشوف نصيبها ههههههه .. انا اشوف الببغاء اونس .. و كمان وفي جددددا

شكل القطو لعب عليها
وهي المسكينه صدقته وراحت معه
لكن بكره بتندم

صاحب تجربه اذا تبغى طاقه ايجابيه ألعب مع اطفالك اترك عنك القطط 😚

ههههههه.
يعني شلون،أنا اكرمها واشتريها من صاحبها اللي حاطها بقفص أربع وعشرين ساعة وافتح لها أبواب الحريه وفي الاخير تحط رجلها.القطوه هذي مالها خاتمه.هههههه.وبعد كلام اخي متحري خاص ما عاد اجيب قطو للأبد.الحمد لله فكني ربي لأني يوم جيت اشريها قال لي الهندي خذها هي واعيالها فقلت له أنا أنا أبغى الصغيره هذي مالي شغل بالباقين.الهندي يبي يدخلني بمصيبه،اشتري الأم واعيالها وبعد كم يوم ينحاشون كلهم.
كلام هبة الرحمن صحيح بس ترى القطوه صغيره يعني لما جيت اشريها سحبها الهندي وهي لازقه بامها ترضع.كل هذي عجله على العرس.تخلي الأكل والشرب والاهتمام وتروح تتشرد في الشوارع علشان العرس.القطوه هذي مجنونه.
الاخت ساره تقول القطو ضحك عليها.ومنين يضحك عليها يا ساره؟ قطو مشرد مغبر لا عنده بيت ولا اكل ولا شرب.معقوله شافته الخبله واعجبت فيه.ما استبعد.
أخ فيصل كلامك هو الراجح عندي.فعلا تركوا المدينه كلها.بس على كذا وينها ووين الراحه.اللي من اولها يسحب فيها من شارع بشارع ويعرضها للسيارات ويمكن يدهسونها.وش الكاريزما اللي عند القطو هذا اللي سحر الخبله وخلاها تنحاش معه.انا ما شفته بس أتوقع انه قطو شخصيه.

يا خساره هذا وانا كنت ناويه اعطيك توصيات عليها عشان
تطعمها و تفتح لها ملف في العياده البيطريه.
كشختها الين شافت نفسها عليك هههههههههه
الله يعوضك خير يارب.

انا اشوفه مزعج مره ما حبيته
شوفي الارنب جبان يستحيل يحطوه في محل جنبه ببغاء
لو بس صرخ بيموت الارنب اكثر ما يزعجني اذا دخلت محل
الحيوانات هوا الببغاء صوته صاخب .

يا الله ربي يستر عليها

دامها صغيرة ترضع يعني ما بلغت يعني عمرها في حدود شهر و شهرين

و هي ما تبلغ غير بعد الثمان اشهر

ياخي حرام عليك لا تستوثم فيها دورها زين لا تكون مدعوسة لا قدر الله

بعدين القطة صارت عندها صدمة يوم تركت امها و غيرت المكان

تدري ان الكثير منهم يوم يتغير عليهم المكان يمتنعون عن الاكل و الشرب لين يموتون تجيهم حالة اكتئاب حادة هذا و هم كبار كيف اجل الصغيرة الله يلطف فيها بس

كيف بالله اجل صغيرة لسة ما فطمت و الله حرام

عشان كذا اكره تجارة القطط و التجار الله ينتقم منهم

تلقى حتى امها نفسيتها دمار بسبب بعدها عنها

بعدين القطط امانة عند المؤتمن عليها كان من البداية امنت لها المكان الآمن بحيث تغلق الابواب و المنافذ مو تحبس بقفص

لان الرسول صلى الله عليه و سلم سماها طوافات لانها تطوف مو تحبس

الله ينتقم منه البائع اللي استعجل على بيعها و هي ما زالت ترضع

بعدين وش جن و ما جن وش ذا التفكير المحدود

اهملوا و ضيعوا الامانة بعدين قولوا جن

لو تشوف ان الجن يتلبس تراه حتى يتلبس الانس

اللي مو قد الامانة لا يلزم نفسه من البداية

عيون متفائلة الله يشرح صدرك،تقول قطو عنده اكتئاب حاد!!!
وتجيه صدمه وما ادري ايش!!!
هذي تذكرني بسالفة اللي يقول" تدرون ليش البعير يقوده طغل صغير ؟؟قالوا ليش؟؟؟ قال لأنه يشوف حجم الطفل كبير مره اضعاف حجمه الطبيعي.!!!!!!
انتم وش دراكم؟؟؟؟
ليه فيه احد كان بعير وصار بشر وقالهم الكلام هذا!!!
والا تجرأ بعير وسولف مع الراعي وقال له"أنا اشوفك أضعاف حجمك"!!!!
فكونا من السوالف هذي تكفون.
تدري يقولون حتى الكلاب الله يعزكم يجيها اكتئاب!!!
أنا سمعت الخبر من القناه وكان عندي اصدقاء يعرفون أن عندي اكتئاب.اصدقائي قاموا يضحكون وقال واحد انبسط يا عم ما انت وحدك اللي عنده اكتئاب!!!!.وأنا انحرجت مره.
وقعدت اسب القناه،يا كذابين يا دجالين،وش دراكم أن الكلب
جايه نوبة اكتئاب،يا نصابين!!! كله كلام فاضي.

لعلمك الحيوانات فيها من الاحاسيس و المشاعر ما يفوق بعض البشر و من تجربة ايضا

ليش ما عمرك شفت الفزع في عيون القطط و الهرب يوم تقبل عليهم السيارات

ما شفت مقاطع لحوار حزين جنب امه الميتة او طير يحوم حول شريك حياته الميت

انت وين عايش و الا تغالط نفسك ؟

ما عمرك سمعت حديث الرسول صلى الله عليه و سلم يوم راى الصحابة يلعبوا بعصفور صغير و امه تحوم حوله و قال عندما رآهم من فجع الام بصغيرها

عن عبد الله بن مسعود رضي الله عنه قال: ((كنَّا مع رسول الله صلى الله عليه وسلم في سفر، فانطلق لحاجته فرأينا حُمرة معها فرخان، فأخذنا فرخيها، فجاءت الحُمرةُ فجعلت تفرِش، فجاء النَّبي صلى الله عليه وسلم فقال: (من فجع هذه بولدها؟ ردُّوا ولدها إليها ))

فجع = خوف

حتى كلمة فجع اشد وطأة من اخاف

و كل هذا و ما عندهم بزعمك مشاعر ؟