التهاب المعده تعبني جدا
 

مرحبا اخواني

بفترة غيابي عن المنتدى اصبت بالتهاب المعده وتعبت جدا ورجعت كل الاعراض

عملت منظار واخذت العلاج ولكني مهمله بالحميه ومافيه نتيجه تذكر

الي معه التهاب معده يتواصل معي ضروري ابي استفسر منه لشياء كثيره


دعواتكم لي بالشفاء💔

بعد المنظار وش قال الدكتور ؟ وش المشكله ؟

عملت المنظار عند الشدوخي وقالي التهاب بالمعده واللاثنى عشر والمري وارتخاء بفم المعده وعطاني علاج تاكيبرون ...مرات اتعب ومرات اتحسن

بس جد جد متعبه المعده الله لايذوقكم الي شفته😔😭💔😢

المعده تغث اذا كنت جوعان تتعب واذا اكلت زياده تتعب والام غريبه فيها وانتفاخات خاصتن اول المعده انتفاخ يكتمك

انا نفسك عندي ارتخا بفم المعده والتهابات وحموظه واذا كثرت بالاكل اتعب وانكتم لان احس انتفاخي يظغط على الحجاب الحاجز واذا جيت اتكرع الله يكرمك ارتاح واحس يخف الانتفاخ الغازيات تتعبني والقهوه والشاي وبعض الاكل الدسم واذا كثرت من الدسم احس يزيد الوسواس والتعب

اخوي عبدالله ممكن ترسل رقمك لاخي زمالك عشان يرسله علي ضروري جدا

ان شا الله راح ارسله

هل حللت جرثومة المعده لأنها مسؤولة عن نسبة كبيرة من حالات الالتهاب إذهب للطبيب و تحقق من ذلك لأن لها علاج محدد و تمنياتنا لك بالشفاء

انا من اكثر الناس تعب من الجهاز الهضمي كان عندي فتق وارتجاع عصاره معدي وكبدي بعد ونزل وزني 20 كيلوا بشهور قليله والتهابات شديده بالمريء والمعده والاثنى عشر والى الان لازلت اعاني .. الحل للالتهاب الحميه التامه من غير اي اخلال بالحميه ودواء جافسكون مريح.. الراحه النفسيه والهدوء مهم جداااا اسأل الله لك ولي وللجميع الشفاء العاجل

هل من اعراضها كتمه الصدر
تحس صدرك منقبض على بعض
ويجيك خفقان منها
انا اذا سويت حميه تخف

نعم اخوي اوهام كتمة الصدر احيانا احس بالاختناق وخفقان ودوخه وتنميل بالراس الله يشفينا ويعافينا

اظن ان اامعدة من اسباب حدوث الهلع لاني قبل ان يأتيني الهلع كان لدي مشاكل في المعدة

ف اضن ان المعدة والتهاب المعدة لهم دور كبير في ذلك وايضا جرثومة المعدة لها دور

فعلا كل شخص يشكو من المعدة ان يسرع بالكشف وعلاج المعدة

لان المعدة هي ببت الداء والدواء

اظن نكسيوم مفيد للمعدة طبعا هو يجي منه ٢٠ ويجي منه اربعين شوف وش،الافضل فيهم لحالتك وجربه طبعا استشير،طبيبك عنه قبل تاخذه دواء ممتاز للمعدة ومشاكل المعدة انا استخدمت نكسيوم ٤٠ وكان ممتاز انت اسال طبيبك واذا،قال لك خذه،توكل على الله وخذه وعدل نظام اكلك .. اشرب شوربة خضار واشرب مرقة وكل دجاج مسلوق وكل سلطة خضار وابعد عن الزيوت والفلافل وافطر اشياء،خفيفه مثل بيض بس،يكون الزيت خفيف وجبن ولبن ولاتكثر في الاكل الين تشبع لانك اذا مليت بطنك اكل راح تتعب المعدة

كل شوي وقوم واذا،جعت كل شوي وقوم وكذا انت تريح معدتك وابعد عن الغازيات واهم شي ابعد عن الفلافل

وجرب العلاج بعد استشارة الطبيب ومع الوقت بتتحسن،ب اذن الله

صحيح لاتاكل وتنام على طول لان الاكل والنوم على طول يتعب المعدة