احتاج مساعدتكم الله يجزاكم الجنة .
 

السلام عليكم جميعاً
مدري إذا موضوعي مكانه هنا او لا
بس جد احتاج لمساعدتكم بعد الله سبحانه
انا كنت اعاني من اكتئاب سابقاً والحمدلله تعالجت منه وصرت افضل من اول ياربي لك الحمد
لكن بعد سنه جاني مره نوبه هلع واحساس بالموت كأن روحي بتطلع من رجولي وجلست معي تقريباً اسبوع وراحت
وصارت تجيني بين فتره وفتره متباعده يوم يومين وتروح .. نوبات هلع خفقان بالقلب وترقب للموت وجفاف بالحلق وقله نوم وانسداد للشهيه
لكن الان لي 3 اسابيع تقريباً اول يوم جاني هلع ونفس الاعراض لكن بتوتر وقلق اشد من قبل وجاني معاها كتمة وضيقه صدر ومالي خلق لاي شي
تحسنت كم يوم ورجعت لي باحسسسساس مسستمر للموت كل شي اربطه بالموت لاسمعت احد توفى قلت خلاص بعد كم يوم انا بموت اي شي صار يوترني لكن مع اعراض مختلفه احسها متناقضه ..احس خايفه ومو خايفه بنفس الوقت ، قلقه ومو قلقه احس يوومي قرريب اطرافي بارده كتمه ضربات قلبي احسها ضعيفه يالله اخذ نفس صداع احس لساني ينربط تنميل برجولي احس يدي تخدر الم بالمعده احيانا معي عصبيه افكر بالماضي كثير واحاسب نفسي ع اخطائي واقول بموت قريب وانا كلي ذنوب احس اني مو مع العالم ضايق صدري اشوف اهلي اقول شكلي اخر مره بشوفهم ،حتى الحين وانا اكتب لكم اقول شكلي بموت وماراح اقرا ردكم قلق مسستمررر احس اني مو طبيعيه ابداً
طلعاً لا اخلو من الذنوب الله يغفر لنا لكن الحمدلله محافظه على صلاتي ، ومسجله بدار تحفيظ القران
ومؤمنه انه كلنا بنموت ، لكن الشعور صعب جداً
رحت لدكتور وصرف لي سوليان ..طبعاً لسى م استعملته اليوم صرفه لي
بس هالاعراض والمراحل المختلفه احد مر فيها هل هذا شي طبيعي ،طمنوني الله يطمنكم
ان شاء الله مانسيت شي وقلت كل اللي احسه
وششكراً مقدماً لكم جميعاً ، احتاج ردكم ومساعدتكم

حالتك واضحه
نوبات هلع ووسواس موت
وكثير ناس مثل حالتك وانا اخوك
امشي مع الدكتور وقدامك العافيه باذن الله

الله يطمنك يارب ويجزاك خير
ويشفي كل مريض ..
احاول قد م اقدر اسيطر عليها بس فجأه تصير الدنيا سودا بعيني
بس الحمدلله يارب ، ربي يحبنا ..
وبنقدر نتغلب عليه 💗

حالتك تعتبر اشهر حاله ومعروفه وانتي شرحتيها بوضوح
وتعتبر بسيطه جدا رغم انك تحسي انها نهاية الدنيا
شوفي انا ما اعرف العلاج اللي كتبه لكي
الدكتور ..لكن
خذي نصيحتي وست شهور بتجي وتقولي
الحمدلله شفيت ورجعت احسن من اول
واستمري عليها 6 شهور ويفضل سنه
ويومين لا لمدة شهر بعدين خذي مره وحده بالاسبوع
لمدة شهر واتركي العلاج ..
ميزة العلاج معالج للقلق ونوبات الهلع والاكتئاب
وانتي اللي معك قلق سبب لكي هلع وشوية اكتائب بسيط بسبب القلق.
ع فكره لاتتركي العلاج اذا حسيتي بالتحسن
الا بعد الفتره كامله لان ممكن كم شهر تحسي
بتحسن كبير جدا وتقولي ما احتاج علاج

الله يسعدك ويجزاك خير ،
الان لي اسبوع على العلاج الحمدلله نوبات الهلع ماعاد تجيني وان جاني فكرة وسواسيه ماتستمر دقايق وتروح
اليوم بس معاي ثقل باللسان وكتمه واحس شي ساد مجرى التنفس مافيه اتزان احس بطيح احس بموت اليوم اطرافي جامدددة ضربات قلبي احسها ضعيفه دوخه واحس فيني نوم وقاعده اقول لو نمت بدري بموت وهالاعراض حسيت فيها لما صححت اخطاء كنت اسويها ولما اكون مبسوطة وحالتي إيجابيه
طبعاً العلاج ماراح اتركه الا بعد مايطلب مني الدكتور اتركه
لكن هالاعراض جديده احسها ، مقلقتني رغم انه اذا صرت منشغله ما احس بالاعراض

انا اقوى منكي بعد انا تجيني نغزات بالصدر والام بالصدر والقلب وحرار بالصدر
الله يكون بعونا بس

والام براس وعدم اتزان وكل دقيقه انتظر الموت

قاومها وكون اقوى منها ، لاتستسلم لها
سوي لك اي نشاط
انا قبل اسبوع ابداً ماكنت انا كنت جالسه مع اهلي واشوفهم بنظره المودع والحمدلله لي اسبوع الحين عايشه ومامت وكلها وساوس شيطانيه نعوذ بالله منه
كل الاعراض الي تحس بها وهمية، انا الان احس بالاعراض واحس بالتنميل بسس عارفه انها وهميييه مافيك شي لاتستسلم للشيطان
صدقني انت اقووى منه
خل ذكر الله على لسانك اقرا القران يشرح صدرك صل لك ركعتين
اطلع ، انسسسى الوضضع ابتسم واجهه المشكله حاورها داخل نفسك انه مافيك شي
صدقني حاسه فيك لاني جربت هالشعور حاسه بكميه الهم الي انت فيه بس لاتستسلم الله يخليك ابتسسسم فكر بااشياء تسسعدك لاتفكر بالموت

ماقدر لي فوق الشهر ضايق مره رحت حللت دم طلع سليم وانزيمات القلب وتخطيط القلب كله سليم بس خايف ان قلبي فيه شي
كل مارحت ولا تحركت المس قلبي وذا نسيت جت نغزات بالقلب قلت خلاص ولا نغزات بالصدر ولا حراره بالصدر والقلب اقول خلاص تعبت مره

طيب ليش ماتروح لاخصائي نفسي ؟
لاتستسلم وتتطور حالتك

انا تعبت من مراقبت القلب ومراقبت الجسم احس قلبي فيه شي

أهلا وسهلا اختكم أم محمد حكيم نفس المعاناه بلضبط اختي راء المتفائلة ادخلي صفحتي باسم أم محمد حكيم واقراءي المعاناه الي انا كتباها وردي عليا

الاعراض طبيعيه مع العلاج وكل يوم
ممكن الواحد يقول احس اعراض جديده
او ان الاعراض زادت عن اول واكيد بيصير فيني شي
وهذا كل قلق نفسي بكل الاحوال مارايح يصير اي شي
لان هالاعراض طبيعيه وليست خطيره رغم ان الشخص
ممكن يحس فيها بشكل قوي ويحس ان ما احد
يفهم حجم المعناه مهما وصف
لكن اطمن الجميع كل هالامور
مؤقته وبتزول مع العلاج ويرجع
الشخص طبيعي مثل اول واحسن

...

نفسسسسسك وحتى اخاف اعمل خير او اغرد شيء ديني او اكتب شيء ديني اقول يمكن اخر شيء من كل شيء الله المستعان ..

نفسس الشعور
تواصلي معي بتويتر
ra_diet_
انسخيه وابحثي عن حسابي وراح احاكيك دايركت