سؤال حيرني
 

اتمنى تسمع مقطع الدكتور خالد الجبير على يوتيوب اسم المقطع لماذا يتاخر الفرج؟

على فكره يافدعوسي انا كنت هنا معكم بالمنتدى يمكن من سنه وكنت بقمة الياس والاحباط ورغم اني ارد على مواضيعك اللي كانت كلها تسخط وياس من رحمة الله الا انه كنت احيانا اقول صادق هالرجال انا بعد لي 7سنوات وانا اعاني وادعي واصلي لكن ماصار شي لكن الحمدلله عرفت ان كل هالتفكير من الشيطان عشان يحزن الانسان ويبقى متخبط بحياته وان كل ماظنيت بالله الظن الحسن كل ماتحسنت وكل ما اساءت الظن بالله كل مازاد عليك المرض وتكالبت عليك الهموم لكن ماقدر اقنعك لاني ماقتنعت لين ربي هداني لطريق الصحيح وصحاني من غفلتي وعرفت حيلة الشيطان واللي قدر يمشيها علي طول هال7سنوات
طول مانت تقول سويت وفعلت ورحت وجيت لكن ربي ماشافاني راح تبقى طول الحياه بهالداومه انا لما عرفت حيلة الشيطان وتجيني هالافكار وهي مجرد افكار ما انطقها قدام احد استغفر على طول والحمدلله ربي ماخيبني والله انه احنا ظالمين انفسنا الله يلطف بحالنا
اتمنى انك ولو مره تكون شجاع وتطبق برنامج روحاني بسيط وتستمر عليه مهما اشتد عليك المرض ولا تنظر لنتايج لان هي كذا وكذا ماشيه الحياه ليش،مانمشي بشي يفيدنا لاخرتنا مادام مو محصلين الدنيا على الاقل نكسب الاخره
الله يشرح صدرك ويسر امرك ويشفيك وكل مبتلى

المفروض ما تسالنا هذا السؤال لاننا بشر ضعوف حالنا من حالك لا نملك من امر انفسنا شي حتى نملكه لغيرنا

انفاسنا و اقدارنا بيده سبحانه

افرش سجادتك الان في هذا الوقت المبارك في الثلث الاخير من الليل و خاصة ليلة الجمعة الفضيلة و ناجيه لا ترفع من سجودك و بخاطرك شي و ادع لنا معك

خل اسئلتك و املك و طموحك و مطالبك عند اللي خلقك لان بيده كل شي

هو اللي يحقق امالك و امانيك و طموحاتك و يغير حالك و يبدل اوضاعك و يعينك و يساعدك


اسال الله العظيم لنا وياك و لجميع المسلمين القبول و الشفاء العاجل اللهم امين

https://www.youtube.com/watch?v=QH881uWkbc4

ام سما شكرا لك على الدعاء ماقصرتي


لكن انا سألت سؤال. من حقي ياخي مليت من هالحياه لي 12. سنه انتو تبغون نقعد طول عمرنا كذا ومانمل



ال عمري 35 مو متزوج



ليش الله مايشفيني وانا اعترفت وقلت يارب انا ما استطيع على هذا المرض


بصيغه اخرى وين المشكله لو شفيت وش بيصير بالارض

بعدين ترى افضل العبادة هي انتظار الفرج

و نحن وياك في حالة انتظار الفرج

يعني في عبادة

يعني تصب علينا الحسنات صب و حنا قاعدين نايمين قايمين

يوم تدري عن ذا الشي يبي يتعدل مزاجك و تزداد طاقة الامل عندك


الشاعر يقول :

حبيبي لا ذكرت انه حبيبي ........... دريت اني حظيظ و زان بالي

هذا و هو بشر

كيف اجل رب البشر حبيبك ينظر اليك بعين رحمته يدبر امرك ما يريد لك الا كل خير

ترانا محظوظين اننا مسلمين و غيرنا يعيش الضياع و التخبط

محظوظين لانه اختارنا للابتلاء لاننا اهله القادرين عليه بقوتنا و قربنا منه سبحانه

لانه ما يبتلي الا اللي يحبهم

لذلك لابد ما يرى منا الا كل صبر و تجلد و رضا حتى يرضينا

كل شي قلته وبالمسجد بعد قلت يارب انا مقدر وتعبان وماعاد اتحمل



انا اتوقع راح انجن

" و اذا مرضت فهو يشفين "

بيده وحده شفاءك و شفاءنا و شفاء كل مخلوق

يبي يشفيك بإذن الكريم صدقني ما تضيق الا تفرج

دامك عبدته حق عبادته و بذلت الاسباب و دعيته و وصلت لذي المرحلة من الالم اذن الفرج قادم بإذن الله

لأنه ما يخذل عبده الطائع المضطر الداعي سبحانه

سمعته لكن حالنا ماهو حال الاطفال انا المرض وصل بي الى الالحاد شككني في ديني انا المرض يمنعني من العبادات منعني من كل شي الى متى ملينا بنعيش ياخي



ماقلنا ودنا نعيش مثل الوزراء نبغى نعيش مثل الناس العاديين


ياخي كثير ناس بتدخل الجنه بالرحمه والعبادات نبغى مثلهم لي متى حنا معذبين



لاتلوميني منقهر قهر موطبيعي

انا مابغى الابتلاء كيف؟

اصبر لي متى مدى الحياه؟

ايه مدى الحياه مادمت تفكر بهالطريقه
وربي يعينك على السنوات الجايه
مثل ماقلت لك اسمع المقطع حق الدكتور خالد الجبير واسمع المقطع اللي ارسلت اختنا لمياء الحزينه يمكن يمكن يتغير فيك شي

انا شفت الفيديو يا اختي لمياء الي انتي وضعتيه


يا اختي افهميني انا تعبان جدا انا وصلت لمرحلة التفكير بالالحااد الي جالس يحصل شي غير طبيعي انا. دايم جالس بالبيت ما اطلع بسبب ولاتزوجت وطلعت من وظيفتي وعندي امراض كثيره الست بمظطر؟ لماذا الله لايجيب دعائي واانا مظطر


انا وصلت لمرحله صعبه جدا انتي لاتشعرين بشعوري ان شالله ماتجربين الي انا اشعر فيه


هل الله يرضى لي اني اصبح ملحد؟

الالحاد فكره انت جالس تنميها بعقلك والشيطان مساعدك لو تعوذت منه والتجاءت لربك بصدق ماكان قدر عليك وغلبك