لمن استخدم السيبرالكس
 

بعد التحيه


اخواني كان عندي قلق وتوتر وضيق تنفس متوسط وما اقدر اطلع من البيت وحاله حزن من مرضي اللذي له اربع سنوات معي وقررت زياره طبيب وصرفلي السيبرالكس 20 بديت ست ايام بجرعه 10 واليوم السابع رفعت الجرعه 20 وضعي هو هو ما ادري هل العلاج كويس ومتى مفعوله وهل يوخر الاكتئاب والحزن وضيق التنفس والقلق والخوف وهل هو علاج او مهدي اسمع انه بيكون طول العمر

الموضوع لي ولغيري

انا ساتخدم السيبرالكس 30 من سبعه شهور تقريبا
هو من افضل العلاجات
بداية التحسن راح تحس فيها بعد شهر او شهر ونص
لكن بشكل عام العلاج لازم تعطيه وقته واقل مده 6 شهور
والسيبرالكس علاج وليس مهدئ
ولازم تعرف ان بداية العلاج يسبب بعض القلق والتوتر او بعض الاعراض وهذا طبيعي
لازم تحارب وتستمر ولاتلتفت لموضوع تستخدم العلاج طول العمر
يمكن الكلام هذا مع غيرك مو معك

هلا بن دايم طيب كيف امورك هل تحسنت او لا كان عندك ضيق تنفس وراح ام لا ضيق التنفس مجنني والاهم منه كله لك سبعه شهور والكورس ست شهور ليش ماتركته

هلا أخوي وممتاز معليك إستمر عالدواء لاتنتظر نتائجه بعجلة الأدوية النفسية تحتاج وقت وبإذن الله كلها راح تزول لاتقلق إنت بخير إن شاء الله

شكلك تمزح النتيجة ماتبان من البداية

النتيجة تبان اقل شي بعد شهر او شهرين زي ماقالولك الاخوان

اصبر عليه وبيعطيك نتيجة حلوة وترضيك

واساسا لو مشيت على الجرعه ١٠ خلال شهرين راح تتحسن مو لازم ٢٠ لأن ٢٠ للحالات القوية وللهلع

عموما استمر على علاجك وراح تتحسن ب اذن الله

ولله الحمد التحسن 90٪‏ ماشاء الله تبارك الله
ولكن الكورس حقي بخليه سنه وماعندي مشكله لو اكثر
بالنسبه لضيق النفس هذا دليل على القلق النفسي اللي فيك
اعصابك مشدوده وكل هذا يسبب ضيق النفس
باذن الله كل هذا راح يختفي
لكن لازم تساعد العلاج طنش وحارب وقاوم

انا استخدم سيبرالكس 10 تقريبا 4 شهور واضفت معه بريستيك
وقبل لا اضيف بريستيك كان مفعول السيبرالكس جبار وممتاز بس كان مسببلي خمول كثرة النوم علشان كذا اضفت بريستيك وخليت توازن بينهم واللهم لك الحمد والشكر صارلي 6 شهور عالعلاج والتحسن بنسبة 90% وماحسيت بالفرق الا بعد شهرين تقريبا صبرت وطنشت وطلعت واستانست وكان معي قلق بسيط لاكن احول الفكره واطنش وهذا اللي ساعدني واشغل نفسك بتحس انك تحسنت وتنسئ انك اصلا مريض انا من ناحيتي السيبرالكس ممتاز استمر وحارب وفالنا وفالك الشفاء التام

الله كريم يبوعبادي

يبوتركي ضيق التنفس جنني وخصوصا انا مدخن صرت اوسوس منه وما اقدر اطلع من البيت وسواس الموت بعد قام يلعب فيني

يبن دايم ضيق النفس لاعب فيني ومالقيت احد يشكي منه الله يشفينا وياك يالغالي

هلا شكسبير تصدق صابني خمول بعد وانا باليوم الثامن مدري انا افضل النوم على هالوضع

.بيروح مع الوقت انا زيك اكثر شيجنني ضيق النفس والحمدلله من لحاله راح

تبيه يروح تجاهله

على فكره لمن يضيق نفسك لاتحسب انك بتنكتم وكذا لالالا ترا النفس اساسا طبيعي جدا بس انت تحس انك متضايق

كل شي بيروح وبتضحك وبيصير من الماضي

تطمن وتجاهل

لا تخاف من ضيق التنفس ذا عرض من اعراض الهلع وكلنا مررنا فيها السبراليكس مره ممتازه لهاالحالات

الله كريم يبوتركي كان معك طول اليوم ضيق التنفس او نوبه تجي وتروح انا معي طول اليوم مرات اقول عضوي وافحص ويطلع سليم ومرات اقول من الدخان

الله يشفينا واياكم جنني والله مير رحمه الله كبيره كنه ربو طول اليوم معي ولا ينفع معه لا مهديات ولا جلسات بخار