تجربتي مع مرض
 

السلام عليكم
بقولكم قصتي من بدا معاي المرض حتى الان
في سنه اعتزلت عن الناس سنه2006 كان عمري 13 لان كله اتهاوش معاهم يشوفوني ضعيف
واخر شي قلت انا ماراح استمر معاكم كنت طيب واحب الناس جميعا واحب اساعد الناس وجلست في بيت من 2006حتى 2009 تخيلو ماعندي تلفون ولا تلفزيون ولا اصدقاء ولا احب اجلس مع اهلي اقلد اخواني الكبار مايسولفون مع البنات ولا اجلس مع اخواني لاني احس اني اقل منهم 24ساعه اجلس بروحي في بيت كله اتمشى في الييت احيان اروح الجمعيه افتر واروح السوق باص مواصلات اركب مع الهنود والباكستانيين افرفر احيان لو مامعي فلوس اركب الباص يفتر فيني الكويت كلها سنه 2008جاتني نوبه هلع قويه حسيت راح انجن رحت نمت ماكلمت اهلي مابيهم يشوفوني ضعيف انفصلت من المدرسه عمري 13 تخيلو ابوي كان يضربني والناس في المدرسه كانو يضحكون علي وحتى المدرسين يستهزون فيني بين نارين كلمت قلت له بدرس مسائي رفض اصريت ووافق قعدت سنه كامل وانا مرتاح مع ناس عقليات كبيره مو مثل بزارين بعد وسنه الثانيه اللي معاي بصباحي قلدوني حولو مسائي نفسي قلت ي ليل ذولا شيبون بس صارو مايتعرضوني هم بعد بصباحي محد يمد ايده علي بس يغثوني بالكلام المهم تعرفت على اثنين كنت اجلس معاهم من نهايه مدريه حتى ساعه 3 الفجر لمدة سنه كنت ابعوض عزلتي بعدين زدنا صرنا 7 وكنت حيل استانس عليهم وتشافيت من نوبه الهلع من الله ثم فضلهم بدون ادويه كانت تجيني نوبه هلع كل اسبوع من قعدت البيت
يمكن 3سنوات ولا يوم قعدت في البيت كله اطلع ابي اعوض كنت انام بيت ولد خالي ثلاث ايام وعرفني على ربعه اموري صارت تمام بعدين انعزلت عن الناس كنت مرتاح واحب اقعد بروحي صار عندي تلفزيون وربعي ماصرت استانس معاهم نفس قبل بالعربي مليت منهم لاني الي كنت ارتاح معاه من ضمنهم دخل دوره الجيش ولا صرت اجيهم لانه مو موجود كنت انتظر يوم الخميس عشان يطلع ونروح ونجي ويا بعض 2013 كنت طالع معاه وجاتني نوبة هلع بعدانقطاع 5 سنوات وجابت معاها القلق والاكتئاب والدنيا اسودت بعيوني بس كنت اجبر نفسي واطلع من البيت والتزمت بصلاه 6 شهور ماطوف فرض من الضيق اللي بصدري كنت اضن فتره وبتعدي وقعدت سنه وانا ضايق وابوي وضفني بشركه صاحبه والناس صارت تتمصلح معاي وتلفوني 24 ساعه يدق ودخلت مع شله بخيلين لانهم ماراح يوهقون نفسهم ويدفعون وعذري انتم ماتدفعون ولا انا ابي ادفع بس والله اني كريم بس الناس الي حولي مصلحجيه قلت يمكن الشله هذي تطلعني من وضعي المزري هذا ولا طلعوني زادوني هم عشرتهم مره 2015 طلعت منهم وفصلت نفسي من الشركه وحطيت اسمي بديوان الخدمه بس سنه توضفت احلى وزاره بس الدنيا سوده بعيوني حتى الوظيفه ماونستني رحت طبيب نفسي جلست معاه سنه ولا شخصني مره يقول اوهام مره اكتئاب ومره قلق ومره انت غامض ومره مافيك شي حيرني و

انت مشتت او ضايع وهاد سبب اكتئابك او احباطك
اللي طلع معي من كلامك

شلون مشتت وضايع ارجوك اشرحلي لو ماعليك امر

يعني منت فاهم نفسك زين
تحس بنقص بس ما تعرف وين
زي اللي يتوجع من شي ومو قادر يحدده
شي يخليك تحس انك غريب وسط ناسك
تمل من الكل بسرعه و تتناقض كثير
ولا تقدر تحب احد مع انك بنفس الوقت ما تكره احد
منت لاقي نفسك في شي
اللي قدرت اشرحه

اها والله ان كلامك ميه ب ميه بس شنو الحل بوجه نضرك

افهم نفسك
انا مقدر اعطيك حل لاني اخس منك
ع القليله فضفض
او شفلك صرفه دكتور او اي شي

مبهم الله يعطيك العافيه الله يشفينا

يعافيك .. امين

هلا وغلا خالد ارحب

شف وانا اخوك الصراحة راحة

حياتك ملخبطة من الصغر

وعليك اعادة ترتيب اولولياتك

نظم نفسك


مارس الرياضة

الرقية الشرعية

لا بد من علاج سلوكي لابد من ذلك

البقا محمد ويامرحبا كلامك صحيح وبحاول اعادة بناء نفسي من اول وجديد باذن الله

بس ابو جاسم ضنتك فيني اكتئاب ولا مشكلتي غير عن الاكتئاب

شف ياطويل العمر انت طبيب نفسك من وجهة نظري م يحتاج لك طبيب دامك فاهم نفسك ف نصيحتي لك رتب نفسك بنفسك .. رياضه صلاتك بوقتها شفلك شغله تجاره . وكن راضي عن نفسك ولاتقارن نفسك ب احد خل في بالك دائماُ تكون افضل من نفسك قبل

باذن الله بسوي الي قلتلي عليه

هلا بالغالي

زي ما قلتك حاول تجلس مع نفسك جلسة مصارحة وخل معك قلم ودفتر واكتب كل الى بخاطرك وش اهدافك وش الوسائل المتاحة

حاول تمارس رياضة مع الرقية الشرعية مع الانتظام في العمل

لا تخلي عندك وقت فراغ كبير واشغل الوقت بقراءة ما تحب من الكتب

حاافظ على اذكار الصباح والمساء واجعل لك ورد من القران لا تتركه ابدا

اكيد عند شي من الاكتئاب لكن ما انصحك بالعلاج على طول يجب حل الامور واخر شي العلاج مب اول شي

التزم مع الدكتور بالجلسات السلوكية المعرفية ويكون شاطر

هناك اعشاب تعالج الاكتئاب البسيط والمتوسطة مثل حالتك مثل عشبة القديسين ولسان الثور وزهرة الاالام

جاهد نفسك واحرص عليها واعلم انها امانة عندك مب ملك لك فقط امانة استودعها الله عندك في احرص عليها

الغاية من الوجود عبادة الله احرص عليها واستعن بالله

اسف على تاخير برد باذن الله بسوي اللي قلتلي عليه وابشركم