طريقة عمل اللانشون مضمون خطوه بخطوه
 

اقدم لكل سيده فى عالم نفسانى طريقة عمل الانشون فى البيت بطريقه ومقادير مضمونه وفى نفس الوقت فان طعمه هو نفس طعم الانشون المصنع خارجيا والذى يحظى على اعجاب الجميع خاصه الاطفال. لكى تستطيع كل ام من خلال هذه الوصفه ان تعوض عائلتها خاصة الاطفال عن تناول مثل هذه الاطعمه الغير مضمونه من خارج المنزل
اولا: مقادير طريقة عمل الانشون:
1كيلو و1/2 من اللحم المفروم ويجب ان يكون لحم صافى باقل نسبة دهون
3/4 كوبمن البقسمات الناعم (مطحون)
1/4 كوب زيتون اخضر مملح كامل(صحيح) منزوع البذر
1 ملعقه كبيره من الملح
1 ملعقه من الفل الاسود
1 ملعقه بهارات لحمه
1 بيضه
4فصوص ثوم مفروم


ثانيا: طريقةعمل الانشون:
1- اول حاجه هتعمليها هى انك هتخلطى كل المكونات مع بعضها ما عدا الزيتون وهتفرميهم مع بعض باستخدام مفرمة اللحم حوالى مرتين لحد ماتلاقى اللحمه ناعمه جدا
2- طلعى اللحمه من الكبه واخلطيها مع الزيتون وشكليه فى هيئة استوانه
3- ولفيها فى ورق نايلون وبعدين فى ورق الالومنيوم متنسيش على شكل اسطوانة الانشون المصنع
4- حطيها فى ماء مغلى مع ملعقة من الملح والخل وسبيها على النار لمده ساعه كامله لحد ما تستوى بشكل كامل
5- ارفعى اللانشون من الميه وسبيه لحد ما يبرد تماما وهو ملفوف ممكن تبيتيه فى التلاجه
وبعدين فكيه وقطعيه شرايح رقيقه قدر استطاعتك وقدميها لاولادك واسرتك
والف هنا

تسلمي على الوصفه يا ترى جربتيها ؟ الخل مش بيتفاعل مع الالمونيوم ؟
اللانشون اسهل من اللحمه البارده و البسطرمه
عندنا هنا في السعوديه بيسموا اللانشون مرتديلا

يعطيك العافيه 🌹

طبعا جربتها وبقت شيئ اساسى فى ثلاجتى ومن صنع ايدى مش مصانع ووالله نفس الطعم ولو بدك نفس الشكل ممكن تضيفى لون طعام احمر
لا ن اللون الطبيعى بيكون عامل زى لون الكفته

لو رشة بهار احمر زي البابريكا افضل من اللون
ماله لون الكفته جميل 😁
حمستيني اعملها و افاجئ ماما بيها على الاقل السلق
افضل من التشميع بتاع اللحمه البارده.

ما شاء الله باين عليكي ست بيت شاطره 👍

لو تقدري بعدين عايزه منك طريقه عمل الحواوشي بس يكون
بطريقه مش دسمه بدون قلي اذا ممكن و تكوني مجرباها.

يا سلام انا بعشق الحواوشى وبحب اعمله كتير بعيش وبعجين ومقلى وفرن رووووووعه

اه واهم حاجه ماتنسيهاش فى اللانشون بهارات اللحمه لانها هى اللى بتعمل ريحة اللانشون

ايش هي اللانشون ؟؟
ليش مافيه صوره عشان نتحمس
يعطيكي العافيه اختي الشيفه الجديده
لاتحرمينا اطباقك $

اللانشون نوع من مصنعات اللحوم
اسفه اختى بظن ما اعرف ارفق صوره عن طريق تليفونى

نزلت الصوره

لعيون صاحبة الموضوع

حياتى شكرا كلك ذوق

لولو انا كتبت عندنا اسمها مرتديلا
يعطيكي العافيه يا امتياز
اميره اعطيني وصفتك بتاعه الحواوشي اللي في الفرن
من مده نفسي فيه بس عايزاه خفيف بدون دهون.
ممكن تعرفيني على بهارات اللحمه اللي بتستخدميها ؟

في سؤال كمان يا اميره بعد السلق متأكده مافيش تشميع ؟
الاحظ اللي بناخده بالكيلو من السوبر ماركت لازم نقشر الحواف بتاعه التشميع .

جميل

انا اولادي يحبوها جداا ،، لكني اتجنب اشتريها كثير... لاني اتخوّف من هذا النوع من اللحوم .. الي ما تعرفي اصله من فصله و من نوع المواد الحافظة و الملونة..

و بما انك جربتيها فهذا يشجعني اني اجربها ..

لكن فقط اشرحيلي ما معني البقسمات ،، ما فهمت

و شكرا ع الوصفة

لاء حبيبتى انتى هتسيبيه ملفوف فى ورق النايلون فى التلاجه علشان مينشفش وكل ما تحتاجى تفتحيه وتقطعيه
على فكره انا اعرف كمان طريقه روعه للانشون بس اصعب من دى وفيها مكونات اكتر بس احسن من دى جربتها كمان
وجربته بالفراخ
وفى طريقه من غير لحوم بس جربتها مكانتش حلوه زى اللى بالفراخ واﻷحمه

البقسماط
هو نوع من انواع الخبز على شكل اصابع رفيعه مقرمشه هتاخديه وتطحنيه فى الكبه
زى اللى بنحطه على البفتيك والفراج علشان نخليها مقرمشه

هههههه انا بعشق اللانشون اكتر من اولادك ههه
علشان كده مهتمه بيه واتعلمت كل طرقه واكتشفت انه اطعم من اللى بيتباع كمان
بس انا كتبتلكم اسهل طريقه
هبقى اقلكم على كل الطرق اللى انا جربتها بنفشى بما انكم مهتمين بيه زيى
وابقو قولولى جربتو ايه ههههه