مشكلتي هل فيه احد عنده حل ؟؟
 

الحل تضعين المنبه بعيد عن مكان نومك عشان تظطرين تقومين لاغلاقه

انا ما احس فيه عشان اقوم يعني بعيد ولا قريب ماعمري حسيت فيه ابد ما احس بشي نومي ثقيل مرررة مدري هل للاكتئاب علاقه وهل فيه احد منكم عنده نفس المشكله وابي حلول ؟
واحيان اقولهم صحوني وقت معين ويصحوني ولا احس وبعدين اقوم واشوف الوقت راح علي واجلس اقولهم ليه ماصحيتوني ويقولون قومناك بس ماقمتي ؟ يعني ابد م احس الله يعين وهالشي صعب مع الدوام : (

سوي حجامه بتفييييدك ...باذن الله

لا يقولون تطلع اثار والانثى غير عن الرجل يعني الرجال يقدر يسوي بينما الانثى عادي لو ماسوت

يجب معرفة الحاله الصحيه هل تعانين من امراض عضوية او لا .... هل تأخذين ادوية للإكتئاب او لأ وما انواعها واسمائها وجرعاتها ... وايضا هل هناك ارق في النوم وهكذا حتى نستطيع ان نرى ما اذا كنا نعلم او لا نعلم ونساعدك اذا كنا نعلم

الحمدلله ماعندي اي مشكلة سويت اكثر من مرة واخرها قبل اسبوعين فيتامين د والغدة وفيتامين ب واملاح والدم والحمدلله عندي كل شي كويس وادوية اكتئاب ماعندي كنت استخدم سيبراليكس تركته من سنتين .. انا عندي هالمشكلة من زمان والحين اختي الي دايم تصحيني بتتزوج ف ماعندي احد وعندي دوام الاحد وصعب مررة يعني اززمة بتكون الله يعين يارب فعشان كذا ابحث عن حلول للموضوع

اذا كان كل شي سليم ( الحمد لله ) فأعتقد ان النوم عندك يبيله تضبيط فقط وتعويد

افضل نصيحه اخذتها من سنوات قبل دخولي بعالم الامراض النفسيه طبعا لان نومي الان صار معركه اساسا .... لكن افضل نصيحه اخذتها ايام نومي الثقيل كانت تثبيت وقت النوم

يعني امشي لمدة شهر بوقت نوم ثابت تماما يعني انام الساعه عشره يوميا ،، اجازه عمل ما تفرق النوم الساعه عشره يوميا واحط المنبه بنفس التوقيت الصبح يوميا الساعه خمسه.

يوم اصحى ، يوم ما اصحى ويوم اصحى اطفي المنبه وانام ويوم اصحى اطفي المنبه واقوم .... بس للحق ايام مدري عن المنبه انه ضرب اصلا واصحى ثمانيه والاقي المنبه شغال يعني ع الفاضي


المهم مثل ما قلت تثبيت وقت النوم و وقن المنبه لمدة شهر وكل ما زادت افضل المده بنفس التوقيت ورح تشوفين ان النوم تعدل والثقل راح

بالسلامه

مثل ما قالو ضبطي نومك
و ابعدي ع الاكل الدسم وغيري مكان نومك
انا احس هالحاله بتجيني باماكن معينه ولما غيرتها الحمدلله
وامشي ع نصايح الشباب

انا نفسك انام غصبا عني حتى لمدة يوم كامل بسبب الاكتئاب و اصحى الشغل منأخر اخذ 600ملجم من السيروكويل و هو المسبب للنوم لكن ما اقدر اتركه لان الارق اصعب منه

ياختي العافيه اهم من الاثار اللي تتركها الحجامه وبعدين نومك الثقيل يمنعك من اداء بعض الصلوات اذن لازم تسوين حجامه حتى وان كان لها اثار مع اني تحجمت مرتين وكلها اضطريت احلق جزء بسيط من الشعر لكن فترة قصيره ورجع الشعر طلع والاثار انمحت تماما واصلا الحجامه راح تكون بالكاهل والاخدعين واليافوخ وكلها مناطق مو ظاهره
اول ماتتحجمين ادهني هالمناطق بزيت زيتون او عسل اصلي وبسرعه يختفي اثرها

الناس اللى عندها نوم ثقيل بهذا الشكل عليهم شرب القهوه والاستعانه باقراص تحتوى على الكافيين وهناك دواء اسمه برافاماكس يعلاج النوم الثقيل ويساعد على اليقظه التامه وقت الصحيان

ما في فايدة والله جربت كذا بكل الاماكن نفس الشي هذا انا كل يوم انام بوقت معين ولا به اي فايدة والمشكلة انه لو يتركوني انام ( عادي انام اكثر من 16 ساعه ) بدون م اقوم يعني انام كثير مرة مرة والاحساس بالمنبة ابد م احس بادنيا حتى لو فكككرت اني بصحى بهذا الوقت مدري ليه هلمشكلة عندي زادت بشكل كبير للاسف يوم صابني الاكتئاب من 10 سنين

والله العظيم زاد الشي هذا من يوم جاني الاكتئاب من 10 سنين من بدااايته وهالحالة زادت بشكل كبير صعوبة الاستيقاظ من النوم وحتى لو صحيت احس راسي ثقيل مرة مرة ما اقدر اشيله يعني امسك راسي بيدي لاني احسه ثقيل مرة واضغط علي عينيي بقوة ابي اصحى مافي فايدة