فزع قبل النوم
 

السلام عليكم

يا اخوان ابغى اسألكم عن حالة تجيني قبل النوم ..
شعور غريب جدا ومخيف اكون نعسااان وتعبان جدا لكن اول ما ادخل في النومة اصحى من نومي مفزوع وكأن احد يصحيني كل ما ادخل فالنومة ، وتستمر لمدة ساعتين او اكثر وبهذا الوقت احس اني صاحي ومو صاحي ..
ماعرف اذا شرحي واضح وهل في احد تجيه مثلها .. مع العلم انها تختفي فترات وترجع

اتوقع لأن عقلك الباطن صاحي بسبب القلق والتوتر وتكون عيونك نايمة وعقلك الباطن صاحي والله اعلم

صارت معي بس تحولت لنوبات هلع واتعبتني ورحت لطبيب نفسي وصرفلي علاج وتحسنت بفضل الله واختفى كل شي ورجعت لطبيعتي والحمدلله

حاول تهدي نفسك وتروق وتسترخي هاليومين ولاتفكر ب اي شي يزعجك او يضايقك لاتفكر بشي ابد فقط استرخي وارتاح يومين ثلاثة لاتبذل اي مجهود ارتاح فقط واسترخي وسوي تمارين الاسترخاء للهدوء وتقليل التوتر وان شاءالله تتحسن

اذا لم تفيدك راجع طبيب نفسي وهو راح يعطيك العلاج بسيط ومهدي تستمر عليه فتره بسيطة بس عشان يروقك ويهديك

ولاتاخف من الطبيب النفسي هو راح يساعدك وراح يختصر عليك التعب ويريحك وترجع زي ماكنت واحسن ب اذن الله

والف سلامة عليك

هذا من اضطرابات النوم اخوي والتي غالبا تتبع القلق

تحصل بين النوم واليقظه وتشعر ان نفسك تغير او كأنه شي جاك او ان احد تحرك او تحس ان شخص شدك هذي كلها اضطرابات تتحسن لحالها مع الوقت او تحتاج علاج اذا كانت تسبب الارق

تحدث اثناء التوتر و التعب .

الله يطمنكم .. للامانه شعور متعب جدا ويتبعه قلق طوال اليوم

قم بالرقية الشرعية

انا نفسك قبل اغط بالنوم افزع احياتاً رجفه ، خوف رهيب ، وحراره بجسمي ، صرت اخاف من النوم ، دائماً مرهقه بسبب قلة النوم ومزاجي متعكر ، الله يرزقنا الصبر والسكينه والطمأنينه

انا بعد دايما تجيني .. ولكن خفت وايد مع قيام الليل والرقيه والدعاء

الله يأمن خرفنا يارب .. هذا قلق وتوتر نوبات فزع

حتى انا نفس الشيء

اخواني انا كرهت النوم واخاف منه ، ماانام ولونمت شوي احس بفزه اوصوت يوقظني اوشي يتحرك بكتفي وبعدين افز واحس بخوف وحراره بجسمي هل هي اعراض مس والا هلع ، انا خايفه ومتوتره وجداً تعبانه

نفس حالتي وهذا ممكن يكون بسبب الارق وكثرة التفكير قبل النوم والتوتر الله يشفينا اجمعين .

عندما اريد ان انام اشعر بالخوف والقلق وايضا اشعر مثل الكهرباء في الراس والجسم وتستمر لمدة ربع او نصف ساعة وتختفي الاعراض وكل يوم على هذا الحال
كنت اقرا القران قبل النوم والاذكار والمعوذتين دون فائده

ولاكن كان الحل بسيط جدا وهو النفث النفث النفث

اقرا المعوذتين واية الكرسي مع النفث

هذي ياعزيزي بكل بساطه حاله من حالات الهلع ويجب
المعالجه فوراً والا تتطور الحاله فيما بعد مابي اخوفك لكن الهلع
متعب جداً ومحير كذلك تلقا نفسك طبيعي مافيك شي وفجأه تنقلب الامور
فوق تحت