|
هل المستشفى الحكومي يصرف الادوية بوصفة من مشفى خاص!
ا
لسلام عليكم قمت بمراجعة طبيب نفسي في مشفى عرفان بجدة ووصف حالتي باكتئاب متوسط وقلق ادى لاضطرابت النوم التي اعاني منها كثيرا وصرف لي سبرالكس 10 قرص كل يوم و فالدوكسان 25 مع بداية النوم و ترازودون 100 قبل النوم بساعة ولكن المشكلة الدواء ترازودون 100غير متوفر حاليا بعرفان وجربت في المركز الدولي والالماني والجامعة وليس موجود لديهم فقيه الكمية مخصص لمرضى المستشفى لو اذهب لمشفى الامل او الصحة يصرفوه لي عادي بفلوس بالوصفة التي معي والا لازم ملف وكشف لديهم وماهي مواعيدهم في الحكومي وهل هناك فرق بين مشفى الامل بجدة والصحة النفسية - |
هلا اخوي ايمن حياك الله معنا
نعم يعطيك العلاج الى تبيه بس لازم تفتح ملف وتقابل الدكتور وتقول انا ماشي على العلاجات هذي ومرتاح عليها وراح يصرفه لك انا كذا اصرف علاجي من مستشفى الامل بالرياض |
فالدوكسان مامنه اي فائده مثل بندول نايت لاتضيع وقتك باستخدامه اني لك ناصح..
|
اقتباس:
طيب ياغالي لو رحت لهم اروح الصيدلية اولا وهم يحولوني لفتح ملف والاهم هل الاجراء سريع لو رحت في الصباح يعني اقدر ادخل على دكتور بسرعة والا فيها انتظار طويل وجزاك الله خير على المساعدة بالرد في الموضوع |
اقتباس:
معقولة لهذه الدرجة الدواء مامنه فائدة لا في النوم والاكتـئاب والمشكلة هالدكتور ماذكر لي انه يرفع انزيمات الكبد |
اهلا وسهلا بك
نعم تدخل أن شاء الله على طول تروح كونتر الاستقبال وتعطيهم البطاقة الشخصية ويفتح لك ملف وتقابل الدكتور ويصرف علاجك علاجاتك ممتازة |
اقتباس:
|
حسب النظام يُمنع صرف أدوية من مستشفى حكومي
بوصفات عيادات او مستشفيات خاصة انا طبيب في مستشفى حكومي وأعرف هذه الإجرائات جيداً اذا حاب تصرف الدواء اتبع الآتي :- 1- قل لطبيبك في المشفى الخاص ان يكتب تقرير عن حالتك والادوية التي تستخدمها 2- افتح ملف في المستشفى الحكومي 3- خذ موعد مع طبيب نفسي 4- عندما تقابل الطبيب اذكر له حالتك ثم أعطه التقرير وسيتم الصرف ان شاء الله موضوع التقرير ليس إلزامياً ولكن من باب الاحتياط لأن بعض الأطباء يرفض إعطائك الدواء الذي تريده ويكتب أدوية حسب ما يراه مناسباً بنظره وأحب أنبهك لنقطة قبل لاتسوي كل هالاجرائات تأكد من صيدلية المستشفى الحكومي بأن الدواء متوفر لديهم بالتوفيق |
اقتباس:
لكن مالهم علاقة بفتح الملف الملف تفتحه من الاستقبال وهم راح يرشدونك ومن ناحية السرعة على حسب المنطقة اللي انت فيها ان كان في مراجعين زحمه يمكن راح يطول واذا قليل بتدخل بسرعة عندك مثلاً مستشفى الأمل في عرعر لو تفتح عندهم ملف تدخل مباشرة للطبيب مستشفى الأمل في الرياض راح يعطونك موعد وممكن يتأخر لكن في حركة حلوة ان كنت في منطقة مزدحمة والموعد يتأخر بعد ما تفتح الملف روح لقسم الطوارئ واذكر لهم انك تستخدم هالدواء وأعطهم التقرير .. راح يصرفون لك الدواء لمدة اسبوع او يصرفون لك كمية تكفيك حتى موعدك مع الطبيب اتمنى اني أفدتك بالتوفيق |
ياليت توقف الفالدوكسان لأنه يرفع انزيمات الكبد ويستعمل في الحالات الشديده وانت تقول ان حالتك بسيطه وتوقف الترازودون لانه نفس اليه عمل السيبرالكس ومن غير المنطقي ان تتناول دوائين بنفس طريقه العمل واستشر الطبيب في دواء اخر تدعيمي |
اقتباس:
|
اقتباس:
وانت ايضاَ تنصح بايقاف الفالدوكسان عجيب امر هالدواء بالنسبة الترازودون فهو لتحسين النوم فقط لان السيبرالكس يسبب ارق شكلي باوسوس من هالدكتور اللي رحت له |
اقتباس:
عشان اكون صريح معاك الفالدوكسان لحالات معينه وشديده جدا ومعروف عن الدواء انه يرفع انزيمات الكبد بالتالي حالتك لا تستدعي هذا الامر وانزيمات الكبد ترفع من الجرعات الاوليه وبدرجه بسيطه وهو ليس لحالتك تقريبا بالتالي تغييره افضل الادويه الاخري لا تمس انزيمات الكبد اساسا ولا مشكله فيها بلاش الفالدوكسان حالتك لا تستدعي الفالدوكسان |
ايش اسم الطبيب الي رحتله؟
|
اقتباس:
والله شئ يثلج الصدر ويشعرك بالراحة ان تجد اخ لاتعرفه ويهتم بصحتك وبالفعل سئلت طبيب الباطنية وايد كلامك وطلب ايقاف الدواء لرفعه انزيمات الكبد وعدم فعالتيه كدواء جيد وتم ايقاف الدواء من الامس |
| الساعة الآن 06:33 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا