|
مراحلي مع الوسواس .. للفائدة
السلام عليكم ورحمه الله وبركاته حياكم الله جميعاً , إن شاء الله تكونون بأتم الصحه والعافيه الكثير يبحث عن الاعراض ويطابقها مع اعراضه عشان يتطمن وانا كنت وحده منهم اليوم بختصر الموضوع.. وبحكي لكم عن مراحل الوسواس معي ( وسواس الموت ) اولاً : بدأني الوسواس من سنه كانت تجيني نوبة هلع ..تستمر معي كم يوم وتختفي الحمدلله الاعراض المصاحبه - كتمة - ضيقه صدر -نغزات بالصدر بالجهه اليمنى واحيانا باليسرى - الشعور بانسحاب الروح من الاطراف - تفكير مستمر بقرب الاجل -صداع - غثيان - انعدام الشهية - عدم النوم بسبب التفكير والخوف المستمر بدايتها معي كانت كذا وتجيني النوبه بين فترات وتختفي يعني تجيني كم يوم واجلس بالاشهر مافيني شي بعدها من 6 أشهر تقريباً ..جتني نوبه هلع بنفس الاعراض الي ذكرتها قبل لكن باحساس وشعور مستمر بالموت.. يعني صرت كل لحظة تمر علي انتظر فيها ملك الموت ..وصرت كل شي اربطه بالموت لما احد يكلمني من زمان ماحاكيته اقول اكيد بموت ..لما تتغير تصرفاتي اهلي معي رغم انها بالاصل طبيعيه اقول اكيد حاسين اني بموت .. لما اسمع خبر وفاه اتعب واربطه بقرب يومي .. وعلى هالحال طبعا بعد شهر من الاحساس المستمر ..وصلت لمرحله الجنون ..ما انام ولا اهتم حتى بنفسي ومالي خلق لاي شي ابد رحت لدكتور وكان التشخيص ( قلق حاد من المستقبل بسبب التفكير في الماضي ) صرف لي دواء.. الحين نبدا مرحله العلاج..وانا اشوفها مرحله صعبه اول اسبوع من العلاج : ماحسسيت باي شي وارتحت الحمدلله واستبشرت خير ثاني اسبوع : رجعت لي الاعراض والتفكير المستمر وتعبت اكثر ثالث اسبوع : خفت نوبات الهلع الحمدلله ..لكن معي بروود في المشاعر من داخلي قلقانه وفكره توديني وفكره تجيبني , انا خايفه لكن مو خايفه وعلى هالحال رابع اسبوع: نفس الشي وكل يوم اكتشف عرض جديد -رفرفه العين - تنميل بالاطراف -خدور باليدين -ثقل بالراس - هدوء لدرجه القلق وكل يوم عرض وكل يوم فكره وكلها وساوس مهلكه ..تنكد عليك يومك كله مع الاسابيع تأقلمت على الوضع وصرت اقنع نفسي انه مافيني شي وهذي وساوس بعدها جاني مايمسى باللاواقعيه او اختلال الانيه ..تجيني فترات وتروح ماتطول معي احس بغرابه واحس كل شي كبير ومزعج حتى الاصوات مزعجه احس كل الي حولي غير صحيح او غير موجود او غير وواقعي وافكار سسخخيففه للاسف .. تجيني فترات اوسوس بصلاتي .. اوسوس بوضوئي وسريعا اتجاهله الاعراض الي دايم تحصل لي ذكرتها وهي اعراضه لامنتهيه ..لحد الهلاك اما الافكارحتى لما اكون مرتاحه اقول اكيد بموت حتى لما اقرا اذكاري ..اقول اكيد اني بموت فكره الي يموت يحس قبل 40 يوم وهي استغفر الله خرافه والموت علمه عند رب العالمين والافكار برضو لامنتهيه افضل حل له.. ذكر الله دائماً.. التجاهل ثم التجاهل ثم التجاهل عدم الاسترسال في الفكرة لما تجي وققطعها تماما من العقل والتفكير محاوله اقناع النفس كل الي نحس فيه وساوس فقققط انا الحين احاكيكم وفيني قلق ما اقول شفيت تماما ..لكن الحمدلله ثم الحمدلله ثم الحمدلله حتى يبلغ الحمد منتهاه..انا في تحسسن صح ترجع لي الحاله لكن نقول قدرنا عليها وصرنا نعرف نتصرف معها لازم نكون مؤمنين بقضاء الله وقدره ..وان الله اذا احب عبدا ابتلاه والي فينا ابتلاء من الله.. وقل لن يصيبنا الا ماكتب الله لنا أسال الله العظيم رب العرش العظيم ان يشفيني ويشفيكم ويشفي كل مبتلى ..ويجعل ما اصابنا تكفير لذنوبنا ورفعه في درجاتنا ان شاء الله اكون افدتكم لو بالشيء البسيط .. وتمنياتي للجميع بالشفاء .. محبتكم : راء المتفائله |
مرحباً أختي راء المتفائله وأسعد ربي كل أوقاتك بالخير والفرح آمين
أشكرك صراحة على هذا الموضوع الجميل والذي من شأنه تعزيز نفوسنا ضد الوسواس وإيهامه لنا بالموت والأمراض وإدخالنا في دوامة لا منتهية نسأل الله أن يكفينا شره ويبعده من حياتنا وأسئل الله أن يكتب لك أجر بكل حرف لإفادتنا بارك الله فيك وأتم عليك الشفاء العاجل آمين |
شكرا لمشاركتنا قصة مرضك وتحسنك
مو لازم الشخص يشفى تماما يكفي انه يشعر انه يستطيع العيش وان كانت نسبة التحسن تكفي للمضي الى الحياه فهذا المطلوب اتمنى لك السعاده والعافيه |
اقتباس:
هذا المطلوب لابد من التعزيز انتم ماقصرتم معي جاء دوري ارد الجميل لو بمعلوماتي البسيطة.. اللهم امييين ، اسال الله ان يكتب لنا بين الاجر والعافيه |
اقتباس:
بالضبط ، طبعاً لامستحيل مع إرادة الله .. ولك بالمثل ، الله يسعدك يارب |
اقتباس:
|
اقتباس:
|
سبحان الله وكأنك تتحدثين عني نفس الاعراض ونفس المعاناة ومع ذلك الحمد لله كثيرا انا نفس الشئ ماتشافيت 100 بالمية لكن استطيع ان اتجاهل كل الافكار السلبية وصرت اعرف انو وسواس خناس ولما ابتديت اتغلب عليه ابتدى يجيني من جهات اخرى لكن انا له بالمرصاد والله ماراح خليه يتغلب عليا بفضل الله
عليكي اختي راء المتفائلة بالاستغفار كثير انا جربتها والله نتائجها بسرعة تبان طبعا مع الاذكار اليومية والصلاة وسماع الرقية وقراءة القران والله لواحد بيرتاح وبيزول عنو الهم والقنط والوسواس والله يشفي الجميع هو قادر على كل شئ |
اقتباس:
نعم اختى صحيح كلامك التجاهل وقبل التجاهل اتوكل علي الله وحده انا لي اربع سنوات والحمدلله وحده صرت اتجاهل واحاول اغير مودي منها بس الصداع والدوخه هي اكثر شي تخوفني ومع ذاك احاول اغيري مودي معها والحمدلله ع الي احنا فيه |
اقتباس:
الله يسعدك ، بإذن الله .. الله يشفينا يارب |
اقتباس:
الله يشفينا وياك يارب . |
الله يشفينا يارب
|
انا اليوم رحت صليت بالمسجد والله رتحت كثير سبحان الله لما دخلت صار قلبي يدق بسرعة رهيبة حسيتو بيطلع من مكانوا لكن لما ابتديت الصلاة رجع يدق عادي وحسيت براحة مثل مابنقول بالمغربي عجبني الحال وفرحت
حبيت اشارككم فرحتى|| |
اقتباس:
|
اقتباس:
والعباده وان شاء الله يتوب علينا ويردنا اليه ردن جميلا |
| الساعة الآن 06:44 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا