طبيعي اللي احس فيه ؟
 

السلام عليكم ورحمة الله

طبعا يمكن بعضكم يعرف انو تجيني كتمه وكذا
بس انا صرت اخاف منها بزياااااده
اخاف ابذل اي جهد عشان ما تجيني
واذا تذكرت اي شغل او مهام لازم اسويها يضيق صدري وتبدا اعراض الكتمه
الكتمه اللي تجيني تكون بصدري مدري من داخل او من برا
واحس الهوا بصعوبه يدخل كأني انضربت على صدري
ويبدا الخوووف والبكا من هذي الكتمه
اخاف امشي طويل اخاف اروح السوق اخاف اشتغل كثير عشان ما تجيني
لدرجة تركت دوامي خوفا من الكتمه
لما راجعت الدكتور طبعا طلع عندي فقردم ونقص فيتامينات و يقول عاديه وطبيعيه مع فقرالدم
طيب انا اخاف منها احسها قويه مره
واقعد افكر بالموت والاغماء 😭
مدري انتم تجيكم نفس هذي الكتمه والا انا ابالغ !

هل يترافق مع الكتمه غثيان او مشاكل بالمعده؟

هل يوجد صفير عند التنفس ؟

هل التنفس عن طريق الفم عند حصولها يجعلك ترتاحين وتشعرين ان صدرك امتلأ بالهواء؟

هل قبل حصول الكتمه تتعرقين ام بعد حصول الكتمه؟

لا ولا شي يجي معها بس من كثر ما اكح احس بغثيان
لا مافي صفير
لما اتنفس من فمي ابغى ادخل هوا اكثر بس هو نفس الشي سواء من فمي او انفي
ومافي تعرق اذا جاني خوف معها احس جسمي يحتر

الحمد لله ما عندك مشكله مع التنفس ولا جيوب ولا اي شي يا رب لك الحمد


كتمة قلق لا اكثر مزعجه لكنها ليست خطيره ابدا ومهما شعرتي ان الاكسجين غير كافي فهي كافيه ولكن انشداد عضلاتك يجغلك تشعرين وكأن الهواء غير كافي

معافاة بإذن الله

الكتمه حقت الغبار اعرفها وتجيني مع صداع والم على الخدود وتحت العين
وتشخيص الدكتور حساسيه وصرف لي بخاخ بس ما فادني ما يسوي شي
مره يقول حساسيه ومره يقول فقردم ومره يقول قلق وخوف
فما صرت اعرف هي كتمة ايش؟
اللي اعرفه انو لما ابذل جهد او اعرف انو ببذل جهد تجيني
الزبده انها تعور مره واخاف منها

ايوه عشان كذا هي نفسيه وليست عضويه

ولهذا يبيلك معالج نفسي متخصص بالاعراض وهذا ما ظنتي بتلاقينه

نصيحتي لك اذا تعرفين انجليزي اقرئي عن كتمة الصدر بالمواقع فقط اكتبي التالي ب جوجل

shortness of breath and anxiety

اوكي تمام ببحث
اساسا مدري ليه مافكرت ابحث بالانجليزي
على انه هو الاصح والاضمن ومبني على دراسات
دايم اقرا بالعربي واغلبه تجارب وذاك موقع الحريم حق التهويل وتكبير المواضيع
مابي اقول اسمه

بغض النظر عن موقع الحريم الي تقولين عنه

يعني انتي وكثير مننا يعرف اننا نهول العلاج ونبسط المرض او العكس

يعني ابسط شئ مثل الي ضرسه يعوره يجي ويدور ويبحث وكل شوي واحد يعطيه علاج ابسط من الالم نفسه ويقوله حط قرنفل ... او تمضمض بملح ...الخ

ما نفع يبحث اكثر واكثر والي يجي اخلص لبن مع طماط وادهنه والي يقول اكسر بيضه على طحين وحطه عليه ( امثله لا اساس لها فقط للبيان ) وكذااااااا لين ضرسه انتفخ وصار مو قادر ينام الليل

وقتها يقرر يسأل شخص خبير و متخصص والي هو طبيب الاسنان فيقوله والله شوف ، لو جيتني قبل ما تعمل كل هذا كان مجرد سوس بسيط نشيله ونحشي السن وما ياخذ ربع ساعه كل الموضوع بس انت تأخرت والي حصل الان ان السوس وصل العصب ويبيلك جلسات شيل عصب ويقعد الرجال شهر كامل يعالج المشاكل الي صارت لانه ببساطه ياخذ علاجات من ناس بالواتس وغيره وهي ليست علاج بس خمبقه ولن تفيد التسوس ابدا ابدا ابدا


المرض النفسي نفس الشئ ، يسألون ويسوون علاجات كثيره منها اعشاب ومنها المشروب والمأكول ...... الخ الى ان يصبح الشخص بدال ما كان يوسوس بشي صار مكتئب و مهلوس و مهلوع وشبه ميت وبدال ما كان يخاف من الموت صار يتمنى الموت


لهذا خذي رأي خبير نفسي بموضوع التنفس يشرحلك ليش فيه هالكتمه وبكذا ترتاحين

اتمنى اني وصلت الصوره

نفس معاناتي وعندي فقردم ونقص حديد وفيتامين د وضعف عام واعاني من نفس ماذكرتي خذي مكملات غذائيه وكبسولات حديد وفيتامين د تعرضي للشمس نص ساعه حسني تغذيتك اتمنى لك ولنا الشفاء العاجل

تحسين انك بتموتين من ذي الكتمه ؟

اهلين أختي والف سلامة عليك

علاجات الكتمه وضيق التنفس يكون بسبب القلق الحاد والتوتر المفرط حينها تتقلص عضلات داخل الصدر فيضيق التنفس فتشرين ب انك لاتستطيعي التنفس

انا اول مرة جانب الهلع كنت نايم وفجاءة صحيت وانا مكتوم وما أقدر اتنفس وحسيت إني خلاص حنون وأغمي علي من الخوف تقريبا وصحيت ومافيني شي وصارت معي مرة ثانية وانا نايم وبعدها فهمت انها اعراض الهلع بعد مراجعة الطبيب واخذت العلاج المناسب لها والحمد لله زال كل شيء بفضل الله ثم العلاج

أختي الكريمه أو اخي الكريم هل تأخذ علاج الهلع أم لا

هناك علاجات جميلة ستساعدك في التغلب عليه وعلى جميع الأعراض المزعجة

لا تقلق لن تموت الاعراض مزعجة ولكن لن تموت لاتقلق

كن مطمئن

لن تموت قبل ان ينتهي عمرك

الموت حق علينا كلنا ولكن لن تموت قبل ان ينتهي عمرنا

لذلك كن مطمئن

الهلع واغراضه مزعجة جدا ولكنها غير خطيرة ابدأ ويمكن إدراكها بالعلاج

هل تأخذ علاج أم لا وإذا كنت تأخذ فما هو عبادك ومنذ متى وانت تأخذه وكم جرعتك

نعم كتمه شديده ودوخه وثقل بالرأس والصدر واشعر بنبضات قلبي قويه

انا ما اقصد هنا نوبة الهلع
اقصد الخوف من الكتمه
قبل فتره رجعت للسيروكسات وتعبت منه و وقفته من كم شهر
وما اخذ ادويه هالفتره

ياما عانيت من الكتمه لدرجه اخاف اسولف كثير وتجيني،
الحمدالله اختفت يوم استخدمت سيبرالكس بس طولت تقريبا 6 اشهور

انتي داخلك ذيبين
ذيب العافيه
وذيب النفسيه
اللي تأكلينه اكثر هو اللي راح يفوز
نصيحتي لك اللي تخافين منه سويه كم مره وينتهي
الاستسلام في الحالات النفسيه اكبر مصيبه
لازم تتاكدين ان جميع اللي فيك مجرد اعراض نفسيه
الكتمه من شد الاعصاب والعضلات اقري عنها راح تصدقيني