اتحدى احد مرت عليه الاحداث والمتغيرات
 

ياخوان والله اني احترت من نفسي مادري شنو اسوي حتى الاطباء احتارو ولا الومهم
ي ناس كرهت الساعه اللي انولدت فيها مشكلتي شخصيتي نادره مو فخر الا مقروود

تخيلو ياخوان جاني وسواس الموت سنه 2007 وتغلبت عليه بدون ادويه ولا طبيب نفسي
سنه 2008 جاني مرض نوبات الهلع كل اسبوع تجيني مره لمدت سنه ونا على حال وتغلبت عليها

2009 كنت مباراه ولا عيوني انعمت لمده عشرين ثانيه قسم بالله وعقبها جاني وسواس العمى اروح من دكتور ل دكتور ويطمنوني عيوني مافيها شي استمر معاي وساس لسنه 2011 وتعلبت عليه بارادتي

وعشت احلى سنه بحياتي 2012 وكل شي تمام رجعت طبيعي

مع سنه2013 ارجعت نوبه الهلع بعد فراق 7 سنوات ورجع وسواس الموت وخوف وقلق
اسمتريت على الوضع هذا ثلاث سنوات لين 2016 نوبات هلع وسواس ااموت وقلق

قلت السالفه طولت لازم استشير دكتور ورحت يم دكتور اسمريت معاه علاج سلوكي بدون ادويه لاتي واثق من نفسي راح اتشافى
لاني باعتقادي فتره وراح تروح بس مع سنه 2017 اعلنت استسلامي قلت خلاص مابي اصارع تعبت اول ماعلت استسلامي القلق ونوبه الهلع وسواس الموت راحو مني مع هذا كرهت حياتي

انا اللي اخاف من الموت اللحين ابيه وادوره ؟!

رحت يم الدكتور وقالي لازم تاخذ حبوب قلت له ليش اخذهم الحال تغير انا اللحين صرت اخاف اعيش

ي ناس انا مو فاهم شي ابي احد يفهمني انا ليش يحصل معاي جذي

انا ليش ماثبت على مرض واحد ليه كل شي يختفي مرض ويضهر مرض

قسم بالله احترت مادري وين اروح اي ملتقى😂😂😂😂😂 وانا بدنيا مولاقي مكاني

مششششششكورين على ردودكم الله يعطيكم العافيه

في مشاكل نفسية يعاني منها الإنسان و مالها علاج غير إن الإنسان يضبط نفسه و سلوكه و ما يسبب مشاكل لنفسه أو للغير و في نفس الوقت يقدر يعتني بنفسه و ما يهملها، إذا تحققت هذي الشروط مهمة الدكتور تكون انتهت، اعتبر نفسك في المنطقة الخضراء.

حتى أكون صريح معاك مشاكلي النفسية الداخلية تشبه نوعا ما مشاكلك لكن مع مشاكل إضافية، كلمت الدكتور عنها فحاول يشرح لي إنها مجرد تفاصيل صغيرة في الصورة الكاملة للنفس البشرية إذا ركزت عليها بمنظار مكبر فبدون أدنى شك راح تشوفها كبيرة، لازم الإنسان يمر على التفاصيل و يركز على الصورة العامة و يستشرف المستقبل بإيجابية.

مرضك هو واحد ، وهو القلق .... لا يوجد عندك وسواس قهري ولا يوجد عندك رهاب اجتماعي ولا الساح ان شاء الله

هو اضطراب القلق العام اخوي وترافق معاه نوع من اليأس لان المرض هلكك و واضح من قصتك

اشوف انك سويت الي عليك واصبحت محتاج لدواء مساعد لك عن طريق الطبيب

اشكركم جميعا

لا حول ولا قوة الا بالله

ما تشوف شر ابوليد

ان شاء الله اجر وعافية وكلها تكفير ذنوب ورفعة واجر وحسنات

والله يا غاالي انا مخي وقف عن التفكير تماما لم اعد افهم شي

لذلك ما املك لك الا الدعاء اسال الله العظيم رب العرش العظيم ان يشفيك

اللهم رب الناس اذهب الباس اشفى خالد شفاء لا يغادر سقما

انا مرت علي هالاعراض في شهرين فقط ، وبخصوص وسواس الموت اول مره اصابني كنت بعمر ال 15 سنه لدرجة اني كنت اخرج من المكان اللي انا فيه من شدة الهلع والخوف والنفضه اللي تجيني

ماتشششوف شر
مادري ليه نخاف الموت وننكد حياتناا بالخوف منه
وبالاخير راح نموت اذا شاء ربي ذلك
دع القلق ومافيك الا العافيه

أنا أعتقد أنك سألت و أجبت في نفس الوقت سبحان الله ..
في أخر سطر لك ذكرت هذي الجملة ( أنا خايف أعيش )
إحساسك القلق و شعورك الدائم من الحياة هو الذي يجعلك تتنقل بين هذا و ذاك و إن كنت لا أظن أن لديك وسواس مرضي ..
أنت تتغلب على مشاعرك الخوف تقريبا من كل شيء ثم تتراكم عليك تلك المشاعر لتظهر لك كما تقول بمرض نفسي ..
و كل ما ذكرت من أمراض يجمعها القلق و الخوف نوبات هلع خوف من الموت الخ ..
عالج خوفك من الحياة .. سبحان الله كثير ناس تعتقد أنها خائفة من الموت و لكنها لو وقفت بصدق و مواجهة مع الذات لتجدها خائفة من الحياة نفسها و إلا الموت أمره هين كما قال الله كل نفس ( ذائقة ) الحياة و ليس متسغرقة أو تعيش في الموت أو تتعمق في الموت مجرد تذوق أي أمره هين و سهل ..

قوي قلبك .. و عالج خوفك من الحياة .. و إلا ستظهر لك مخاوف أخرى تعتقد أنها أمراض نفسية أو وسواس من نوع أخر ..

اشكرج كوين من اعماق قلبي

كوين والله العظيم اني اكثر انسان واجهه المرض النفسي وجهه بوجهه بذكر لج سالفه حصلت معي قبل شهرين
كنت بدوام عورني قلببي عوار لايطاق تجاهلت الموضوع وسولف مع شباب كلمت واحد منهم قلت له انا احس جذي وجذي قال رح بيتكم ريح قلت والله ماروح ساعه كانت 8 ونص قعدت لين نهايه دوام رجعت البيت والعوار مرافقني جتغديت وحطيت راسي ونمت قعدت ساعه ثلاث ونص معرق وقلبي يوجعني حيل حيل تجاهلت الموضوع ولا ركضت ل مستشفى الا ساعه 8 باللليل رحت مستشفى قالو مافيك شي طلعت منهم وانا كارهه عمري اول ماطلعت منهم راح عوار جلدت ذاتي ثلاث ايام والله ياكوين دايما اذا في عزا اروح المقابر واذا المتوفي يقرب لي اشاركهم بدفان ولا يبين علي الخوف تدرين متى يبين اذا زاد الوضع عن حدها مثلا يعني انا ياكوين تمر علي ثلاث ايام ماتنفس بالمره اروح طبيب يقول مافيك شي اقوله انا ادىر الهوى ولا احصله والمصيبه اني مو متوتر وبا قلق بس المرضوع يضايقني يحسسني اني بموت ونا ماخاف الموت لاني اموت ب يوم الف مره

صح كلامج ياكوين انا خوفي كله من الحياة ويتنقل خوفي

هلا وغلا اخوي محمد
اللهم امين ولك بالمثل يالامير🌹

ههههه كوين ودي افضفض شري تحمليني

اذكر مره كان في عزا في مقبره انا صدري مصكر على اخره ماتنسم مكتوووووووووم دخلت مسجد احس بدوخ وعدم اتزاان قوي مع هذا متماسك انا احب اعاند نفسي واجبرها صلينا وانا مثل موج احس بطيح خلاص مع هذا مانطقت ولا حرف محد لاحظ المهم خلصت صلاة اللحين نصف طابور ونسلم على اهل المتوفي انا اقدر اطلع من مقبره اجيهم بكره دوانيه واسلم الحين دايخ مو طبيعي مع هذا قلت لا ىالف لا بصف دور وانطر واسلم اللي يشوفني مايلاحظ شي المهم سلمت ورحت سياره قسم بالله بجيت قلت ليه يحصل معاي جذي بجيت على نفسي لاني مارحمها بضعفها اشد عليها لو اطيح ميت جدام الناس ماحب اتراجع والله ياكوين اني مادري شلون قايل اذكر يوم كنت صغير برابعه بتدائي كان عمري 9 اعاند نفسي اصوم برمضان والله العظيم مره رجعت من مدرسه صايم جات ساعه 4دعصر نمت قعدت باقي على الامساك دقيقه اهلي ماقعدوني يبوني افطر لاني صغير قسم بالله اني صمت يوم الثاني كله اخذته تحدي بيني وبين نفسي وصمته كله 48 ساعه ماكلت ولا شي