حاله لن تمر على البشريه
 

والله ياعضاء المنتدى تحصل معاي امور غريبه
حالاتي اللي مرت علي اجزم مامرت على احد

اذكر مره كنت مع ربعي في البر مخيمين
واحد قال خالد انا حلمت فيك حلم مو زين

قلت قوله ولا تكدر قال حلمت بتموت عمرك 21

كت توني داخل 20 عشت بعذاب 360 يوم
كل ماشوف لوحه بشارع احصل رقم 21

كل ماشوف ساعه احصلها 8:21 |10:21 |4:21 | 2:21
شفت مواليدي بطاقه المدنيه لقيت 11/10 /1992

حسبو 11+10=21 قسم بالله اني ماجذب عليكم اقولكم الصج
كان تلفوني ابو بست ماستعمله واجد قبل لاينزل الايفون بس كنت اشوف الساعه وارد ع الاتصالات

بس كل ماشوف ساعه احصل دقيقه على 21 شمعنى 21 ورفيجي قال بتموت عمرك 21 تاريخ شهري ويومي مجموعهم 21

اذكر قناة mbs 2 رقمها 21 جبت فني خليته يغير الرقم قناه ههههه

بذكر لكم موقف اذكر يوم من الايام طالعين انا وربعي البر تخيلو بنص البر نسمع صوت ورع يبحي
كملنا القعده بعدين وانا اضبط القهوه صاحبي جاته رساله مني وانا اضبط شاي والقهوه قالي ليه تدزلي صوره

قلت صاحي انت مادزيلتك شي وانا اكمل كلامي جاته رساله صوره مني وتلفوني بجيبي

جيت شفت صوره الا واحد مصررنا من بعيد ؟؟ من عقب ساله شغلنا الموتر وهربنا

جيت البيت حطيت على قناة قران من خوف قلت بيني وبين نفسي تلفوني في جني المهم التلفون طفى عيا يستغل قسم بالله ياجماعه
انصدمت رحت 3محلات قالو مايتصلح انا مادري ليه كل هذا يحصل معاي

حاليا عمري 24 دكتور يقولي عندنا بعلم نفس حالتك استثنايه قليله ف بسر عقلك يخاطب روحك واذا حطيت شي بالك حتى لو مستحيل يصير مادري عن كلامه صج ولا جذب الله اعلم

اتوقع طبيعي والعلم عند الله انا قبل أسبوعين كنت متضايق وكاره الدنيا فتحت على قناة الصحراء جت شيله عن الضيق والهم وكأنه يتكلم عني

ههههههههههههههههههه

تصدق اني كل ما انظر الى الساعة اجدها اما 6:06 او 7:07 او 8:08

شيء محير فعلا هههههههههههههههه

هههههه اي والله تحير حاله عجييه غريبه

??همره شتقول عني سنتين على الحال

طبيعي صدقني زمان حلمت كان احد بالحلم يناديني،ويقول بتموتين يوم كذا سنة كذا وعشت بعذاب سنه كامله وهذاها هالحين مرت 8سنوات او اكثر على الحلم واختي صار لها نفس الشي الغريب انه بعد هالحلم تعبنا يعني،بداءت المعاناة النفسيه واستمرت سنوات
واتذكر قبل يمكن5سنوات فيه ايه بالقرآن وربي اني وسوست ان هالايه تتكلم عني لكن هالايه فيها تهديد قوي وانا الحمدلله مازكي نفسي لكن ماحس اني جالسه اسوي الشي اللي تتكلم عنه الايه فبتالي ما استحق هالوعيد اللي تتكلم عنه
المهم اني اشغل اذاعة القرآن بالبيت القى هالايه لما اطلع من غرفة اروح المطبخ على طول تجي باذني ولما افتح راديو السياره اسمعها ولما افتح راديو الجوال ولما اقلب في القنوات اخر شي بحثت عن الايه وتفسيرها وبعدها ماعدت اسمعها تتكرر علي سبحان الله فما ادري وش السر يمكن لان تركيز الانسان على شي،معين فيصير يترقبه ويلفت انتباهه بسرعه يعني لو شخص عادي شاف الرقم 21ماراح يهتم مثلك لانه مايمثل له شي مثله مثل غيره من الارقام يعني الحين كل الارقام تتكرر علينا بشكل يومي لكن مانتتبه لها ولا تشغل تفكيرنا بس لو احد قال لنا بتموتون بتاريخ كذا وكذا طبيعي نصير ندقق وطبيعي،بيكون هالرقم موجود من ضمن الارقام اللي تتكرر كل يوم وماكنا نلقي لها بال

عدل كلامج

أما اسم العنوان يا سجين و لا اسم فيلم أكشن هههه على البشرية حتة وحدة ..
و طيب إذا صار لك ما ذكرت إيش بيصير يعني ..
فيه تفسير لهذا الشيء .. و تحصل معي أحيانا ..
يعني مو بس أنت 😂😜 أنت مو إستثناء ..
هذا يسمى التركيز .. و الجذب .. مو الكذب الجذب ..
يعني مثل الشخص الي يشتري سيارة حمراء .. من بعد ما شرى سيارة حمراء صار يشوف إنو كل الناس صارت تشتري مثلة و كثيييير صار يشوف هاللون .. الناس ما تغيرت و صارت مثله تقلده مثلا .. مخه صار يركز على هذا اللون فقط فتقع عينه على اللون الأحمر فقط على الرغم إنو فيه ألوان ثانية و موجودة بس هو علشانة مركز في هذا اللون طبعا بدون قرار أو إدراك ..
شغلة بسبطة جدا و ما تستاهل الأمر بسيط ..
بس الله يخليك .. يكفي mbc action
ما نبغى إكتئاب أكشن ههههه

ايه صح فعلا لما قررنا نشتري سيارة جديده واتفقنا على سيارة معينه صرنا نشوفها بكل مكان حتى بالاعلانات مع انه قبل ماكنا نشوفها او لاننا وقتها مافكرنا فما نهتم لها
واتذكر جتني،حاله لما نكون بالسياره ويكون فيه لفتين وحده يمين ووحده يسار كنت اقول هالسياره بتروح يمين وفعلا تروح يمين حتى لو كانت بنص الخط يدق اشاره ويروح يمين ولا سياره قلت وراحت العكس ههههههههه فضاوة