هل نوبة الهلع لها أشكال متعدده ؟
 

السلام عليكم ورحمة الله

سؤالي مثل ماهو باين بالعنوان
هل نوبة الهلع تجي بأشكال مختلفه ؟
يعني مثلا انا احتجت كم غرض من الصيدليه
واضطريت اطلع اجيبهم
وانا بالسياره حسيت بدوخه وغثيان وفجأه حسيت بضيقه كابته على صدري
معها خوف وافكار سلبيه واحس مو انا او مدري كيف اوصف 😓
ضغطت على نفسي وقعدت اتجاهل وانا متضاااايقه مدري ليه
بس ابغى اطلع من المكان
واطالع بالناس واقول ماشاءالله بسم الله بيني وبين نفسي 😢
و لما رجعت نفس الشي متضااايقه والم بصدري وماحس بنفسي وكذا
يعني هل هذا شكل من اشكال النوبه
والا ضيقه والا عين 😢😢
والله مدري شسوي اذا طلعت تضايقت وجاني خوف
ولما اجلس بالبيت اوسوس واكتئب ماعرفت لنفسي اوقف بالنص يعني على السور !!!!
مين مثل حالتي يصير له كذا ؟

ياقلبي هذي نوبة هلع كلنا كذا وايه نعم لها اشكال
احيانا يجيك خفقان ودقات قلبك تتسارع كأنك ملحوقة
واحيانا تتعرقين بشكل كثيف
واحيانا ترجفين والم بالصدر وبكل مكان ومع كل الم توسوين ان فيك مرض معين او ماشابه
ويازحليلك اذا جلست في البيت لحالي اعلي على اصوات التلفزيونات اخلي الجيران يسمعون واقفل على نفسي البيت مع اننا في حي راقي وامان الحمدلله لكن هذي اشياء غصب عنا تصير
وغيره وغيره اشياء لها اشكال في اي موقف من المواقف اليومية تلاقينها تنط لك
واساسا هي تبدأ بفكرة سلبية ويتفاعل معها الدماغ ولازم تكشفينها من بداية الفكرة وتكذبينها
هذا انت رحتي للصيدلية ورجعتي جاك شي ؟؟
اكيد بدايتها جاتك فكرة سلبية انه بيصير لك شي لا قدر الله
توكلي على الله وحافظي على اذكارك صباح ومساء وجاهدي الفكرة السلبية
لاحظي اني اقول جاهدي لانها مو سهلة لكن مع التعود بتكذبينها زي السلام عليكم

الهلع مزعج ولكن الحمدلله له علاج فلا تقلقي

هل تاخذي علاج للهلع ام لا ؟

ايوه هذا اللي اقصده
انو نوبة الهلع مالها شكل واحد فقط
تجي بأشكال غير
لاني استغربت الدوخه والغثيان والخوف معها
الله يعينا ونتخلص منها على خير

يارب اعيننا على هذا الاحساس المؤلم جدا والله تعبت احس ببروده شديده بالاطراف مع تعرق شديد وعدم تركيز وفوران فى الجسم من الحراره الله يعيننا جميعا ويشفى ويعافى كل مريض يارب

ايه هذي هي اصلا النوبه وزياده عليها الخفقان والتنمل

انا اللي اعرفه انو النوبه شي يخنقك في رقبتك زي الموت اللي فيك اعراض قلق بس وتوتر دايم يجيني حتى وانا في البيت احس راسي مو ثابت واني بحلم

الله يسترها معنا

نعم هذه من اهم اعراضها الرئيسية وكذلك ضيق التنفس والتعرق و ضربات القلب وغيرها

اميييين يارب

اها
لان احس يختلف الاحساس
او الشكل

تقريبا جاتني نفس حالتك وانا اسوق السيارة مرة، بس تداركت الوضع وحاولت اتمالك نفسي عشان اللي معي مايحسون فيني،جاني ضيق تنفس شديد ودوخه واحس اني مو نفس الشخص، وعدت على خير

نفس اللي كان يحصل معي

أي شيء يخطر في بالك سواء من أعراض جسدية وغيرها فهي من النوبة إلى جانب الوسواس والمخاوف

يللا الحمدلله