جدتي والجنون
 

السلام عليكم

يا اخوان جدتي كبيره بالعمره ومعاها وسواس قهري راحت مره لدكتور وهي رافضه فكرة الادويه لان مثل ماتفكر انها مو جنونه عشان تاخذ ادويه

هل يوجد اسويه عن طريق الابر ؟

حالتها صعب بكى مستمر وسواس في الامراض وهي مافيها الا العافيه

وعليكم السلام ورحمة الله وبركاته،

ممكن اللي عندها قلق وتوتر شديد عشان كذا توسوس بالامراض، حاولو تخلون الطبيب يقنعها بالادويه اذا احتاجت حالتها اي ادوية تخليها تتجاوز القلق بشكل افضل، وممكن كبار السن يكونون حساسين احيانا، عشان كذا تتأثر نفسيتهم بسرعه.

الله يشفيها ويشفي مرضى المسلمين،

عسى الله يشافيهها يارب

مفروض ماتعلمونها قولو لها بنوديج طبيب معده ودوها ل دكتور نفسي مع الاتفاق معاه طبعا هو بيسوي على اساس انه دكتور معده ويشخصيها ويعطيها حبوب على اسساس فيتامينات ولازم تستمر عليها كورس 6 اشهر وراح تضبط صدقني

طبعي حاب اسالك انا من الكويت انت اي طبيب تراجع

جدتي اذكى بكثير تعرف ووديناها وماقتنعت والحبوب تاخذهم ومحد يدري للمستشفى ويعلمونها

مافي فايده الفكره ان دكتور النفسي للمجانين

هم 2 الاول ماراح اذكر اسمه

الثاني د عبدالله الحمادي

هذي مثل الوالدة تماما

ما اقتنعت بالأدوية إلا لما عرفتني آخذ أدوية فارتاحت و أكلت أدويتها

إلا كانت ترفض رفضا قاطعا تروح للمستشفى

يا ما ودوها أخواني و أخواتي عند شيوخ و تروح عادي أما مستشفى نفسي كانت ترفض فيها عناد

هي مريضة بالإكتئاب و عند الإكتئاب كانت سادحة يومها مع نهارها و لا تآكل أبد و لا تصلي أبد

بدايتها مع الأدوية كنا نصارعها مصارعة عشان تآكل دواها

المهم في آخر المطاف لما قلت لها يا يمه تريني آكل أدويه صارت تفرح و تآكل أدويتها من نفسها و صارت تصلي الحمدلله و تسولف و تآكل مع ربعها و تروح و تجي مسايير و تعزم ضيوفها

إذا كنت تآكل أدويه علمها إنك تآكل أدويه راح تفرح و تآكلها

شاكرلك

ودي اعرف ليه ماتبي تذكر اسمه ههههههخ

اتمنى الشفاء لجدتك لكن كيف وضع جدتك من الناحية الدينيه يعني تحافظ على صلاتها واذكارها وتقراء القرآن لان اللي يسوي هالاشياء يكون عنده يقين ويكون عنده رضا بالقضاء والقدر اكثر
اذا كانت محافظه على هالاشياء وماهي مرتاحه اتمنى ترقيها وتشيك على الناحيه العضويه ممكن يكون معها قولون او مشاكل بالمعده او نقص فيتامينات
الله يخليها لكم ويطول عمرها على طاعته

في حل انك تبين لها ان العلاج يحسن المزاج بطريقتك او انك تذوب العلاج في الماء او عصير وربي يطول في عمرها

مافي فايده قلت لها اني اكل ادويه ورفضت

ههههههههههه

لانه مايستاهل اذكره في موقف معاه

?1للاسف لا ماتستمر في الصلاه ودايم الرقيه ماتفارقها بس ماهي مقتنعه

اتمنى لو فيه ابر

كل الطرق سويناها ولكن للاسف