الحمدالله واخيرا سويت منظار
 

السلام عليكم اخواني ، طول السنوات اللي طافت كنت متخوف من المنظار والحمدالله اليوم سويت منظار قولون ومنظار معده في نفس الجلسه ، طبعا الموضوع طلع بسيط جدا وماكان يستاهل هذا الخوف الصراحه، النتيجه النهائيه بعد خمس ايام ان شاءالله ، ولكن اللي هو مأكد طلع عندي جرثومه في المعده وعطاني علاج عشر ايام ، والقولون حصل زوائد لحميه تقريبا عشره وشالهن ، وقال ان شاءالله من تتعالج الجرثومه بتستغني عن الادويه النفسيه ، شو رايكم اخواني بهاذى الكلام.

ممتاز جدا الحمد لله ان كل شىء جيد و ان شاء الله تتعابج الجرثومة و كل شىء شفاك الله و عفاك

الف سلامة عليك

الله يسلمكم من الشر اشكركم

كيفك الآن اخوي منصور ؟؟ بشرنا عن وضعك ؟

الحمدالله كملت كورس الجرثومه وفحص العينه طلعت امس بس ماعندي وقت، في تحسن والحمدالله

يا رب يتمم لك على خير تستاهل كل خير اخوي منصور

الله يسلمك اخوي عبد العزيز، اخواني طلعت نتيجه العينه ، اول شي الحمدالله الاورام طلعت مش سرطانيه طلعت بسبب طفييليات في الامعاء سببت التهاب واورام عشان ماعالجتها ، هي سبب الخفقان والضيقه والكتمه والحين اخذ العلاج وان شاءالله يوم اشفى بخبركم اول باول ، طبعا الدكتور قال في علاج بس يباله صبر الله يشفينا وياكم.

ما شاء الله تبارك الله حمدالله على السلامه
طهور اجر و عافيه
يارب يصدق كلام الطبيب و ربي يتتم شفاءه عليك و تبشرنا
كل عام وانت بخير و بصحه و عافيه.

يا رب لك الحمد والشكر انك طمنتنا والحمدلله على سلامتك ومنه للأحسن ان شاء الله ويا رب تبشرنا بشفائك عاجلاً غير آجل

ولله الحمد و المنه و ان شاء يمن علينا و عليكم و جميع الاخوة بالصحة و العافية امين

اشكركم اخواني على دعواتكم ، ان شاءالله اخلص كورس العلاج وخبركم سواء اذا استفدت ولا لا ، وان شاءالله خير .

لا باس اخي تمنياتي لك بالشفاء العاجل..وكل رمضان وانت بصحه وسلامه

ممكن تقولنا على الكورس العلاجى اللى بتأخده ؟ والاعراض اللى كانت عندك وهل قلت الاعراض باستخدام ادوية الجرثومة او لا ؟

اعراض نوبه الهلع اللي هي خفقان كتمه خوف رجفه ، لا مش جرثومه طفيليات في القولون ، العلاج نوعين مضاد للطفييليات ، في تحسن والحمدالله، لكن ما اقدر احكم الحين.