مزاجي سئ
 

تشوف ناس تضحك وأنت مزاجك سيء

الناس تطلع وتجي وأنت في مكانك سر

الناس تتزوج وأنت لا

الناس تخلص أشغالها وأنت بالكاد تلبس ثوبك

آه يا ضيم السنين بس

هل من المعقول مقارنة حياتك بحياة غيرك
اللي تشوفه يضحك تراه بيوم من الايام كان يبكي
واللي تشوفه يلبس وعايش حياته تراه بيوم من الايام كان مايملك ريال واحد
ماتدري ايش صاير لكل واحد فيهم اكيد له قصه صارت له قبل مستحيل تلاقي واحد طول عمره سعيد او واحد طول عمره حزين
فلاتقارن حياتك باحد لانك بتتعب وهذي ابتلاءات واشياء كتبها الله علينا الواحد لازم يرضى ويصبر واالي يجي من الله حياه كله باجره مافيه شي يضيع عند ربي العالمين
تمنيت تكتب موضوع افضل من هذا
الله يهون عليك ويصبرك

مافيه أحد كامل
كل شخص في هذه الحياه عنده مشاكل
ولكن بالعزيمه والاصرار والصبر تتحصل مرادك

الله يفرج عليك اخي
ويوفقك ويرد لك صحتك آمين
ولولا الضيق بهالدنيا ما جعل الله الجنه لمن صبر وشكر .
الله يجعلنا منهم جميعا آمين

سبحان الله

يعني حتى لو انت مكتئب

هل تتمنى لغيرك نفس ما انت تعاني منه

هل هذا يرضيك

و ليش ما تذكرت تقصيرك و يمكن ذنوبك

و ليش ما تقول انه الحال اللي انت فيه الآن خيرة لك

و الله يعلم عن مستقبلك

لعلمك حتى الدنيا اذا اقبلت عليك ففيها فتنه

قد تكون انت ما عندك من الدين و الثبات ما يواجه هذي الفتنه

المال فتته

و الولد فتنه

احنا قلوبنا ضعيفة

حاول تستغفر كثير عن ذنبك و عن تقصيرك و قلة صبرك و قلة شكرك

و ادعي الله ثم ارضى بقضاءه .. كل تأخيرة و فيها خيرة

الشي الثاني لا تلوم الا نفسك

لا تعترض على قسمتك و نصيبك احمد الله تأكد اللي بتعاني منه مؤجر عليه ياما ناس بتضحك و حياتها سهله يسافروا يشتغلوا يتزوجوا يمارسوا حياتهم عادي لكن خارجين منها صفر
العبد الغير مبتلى ربي غاضب عليه و متى احب عبده ابتلاه
هذه ما نسميها مصخره هذه ارزاق و قسمه ربي كاتبها و موزعها على عبيده انت واجبك تحتسب و تصبر و تطلب الله اللي ابتلاك يغير حالك و يرد لك عافيتك و يعطيك حتى يرضيك لا تحسد الناس وانت مانت عالم ايش وراهم و ايش عندهم و ايش اخر ضحكهم الانسان خلق في كبد خذها قاعده في حياتك ان ما عانيت من مرض عانيت من اهل ان ما عانيت منهم عانيت من اصحتب سوء ان ما عانيت منهم غرقتك الديون المصايب في الحياه كثيره وهي كلها بكبرها بنيت على كدره السعاده الحقيقيه ماهي في الضحك ياما ناس تضحك من الوجع ولا في الزواج اللي اتزوجوا ايش اخذوا تراه قلق و مسؤوليه و سهر و تعب و كرف و شيله هم تشيل حمل فوق ظهرك كذا نفس وراك تطعمها و تكسيها و تعالجها ماهو لوف استوري و رومانسيه افلام السعاده الحقيقيه انك ترضى باللي الله كاتبه و تؤمن انك بخير و تسلم امرك لله تفوض امرك اليه وهو احن عليك من نفسك تأكد ان امرك كله خير و كل اللي تعانيه فيه رحمه لك انا ما اقلل من مدى المك ولا استهين باللي تحس فيه و تعانيه انا والله اقولك كلامي والله من قلب صادق مخلص لله فيك حتى لو كانت صحتك طيبه و بتضحك و حتراقب الناس بتموت هم قول الحمدلله و استغفر ربك استغفره كثيرا و احسن الظن فيه اياك تيأس او تقنط مهما اشتد بك الالم لا تضيع حياتك في مراقبه الناس و التحسر ولا تضيه اجر صبرك في الندب اجعل شكواك لله في سجودك و ابكي بين يديه اطلب الرحمه و صلاح امرك و احنا في ايام فضيله اقرأ سوره البقره والله راح تصنع فيك العجب بإذن الله.
سلامتك ياخوي

خلوهم أصلا ما دهور حالتهم الا عيونهم المفككة و المنطلقة على خلق الله اعوذ بالله

وش ذا الحسد و الشر

ما يرتاحون إلا لا صار كل الخلايق مثلهم

و نفس الأشكال هم هم و نفس الشكاوي

ما غير اعتراض و سوء أدب مع اللي خلقهم كأن اللي خلقهم ما كان عادل في توزيع الارزاق و كأنه عاجز عن تحقيق الآمال تعالى الله عن ذلك علوا كثيرا


راجعوا ايمانكم و ثقتكم بربكم و انتم تربحون

ربي ينور بصيرتكم و يرزقكم الرشاد

هذا يقول مصخرة و الثاني يقول عيب اعوذ بالله مدري كيف جاتكم الجسارة انكم تسيئون الادب مع اللي خلقكم و رزقكم و جعلكم مسلمين

يبغون من ربهم الخير كله و اذا ما اعطاهم قلوا ادبهم

انت لو عندك حاجة عند واحد من اهل الدنيا تحب خشمه حتى يعطيك اياها ، و اذا ما اعطاكم اياها خرجتم من عنده و انتم روسكم في الارض ما تتجرؤون ترفعونها

فما بال ربكم ، يوم يمنع عنكم شي لمصلحتكم تقلون ادبكم اعوذ بالله منكم

توبوا و استغفروا ربكم حتى يرضى عنكم و يعطيكم ما تتمنون

الاستغفار والتسبيح يااخي عود حالك عليه بتقول بالبدايه ماتقدر مع الوقت بتلقاك تسبح وتستغفر تلقائي وارحم حالك ولا تتابع الناس تموووت هم وغم وأعلم ان الله مقسم الارزاق كرر اللهم انك عفو تحب العفو فاعفوا عنى وخذها مني ياصاحبي بهالطريقه والجاده ألي أنت ماشيها بيمل منك المنتدى حتى حياتك بتمل منها مو العكس ...

اشعر بمعاناتك لا تبتئس ..الايام تدور..والحال ان شاءالله يتبدل فقط الصبر..

ردد دائما الحمدلله على كل حال وربي اجعل همي الاخره ترى الدنيا قصيره لاتفكر انت او الناس اللي تحكي عنهم راح يعمرون عليها فكر انه بلمح البصر راح يقولون فلان مات وقتها كل الاشياء اللي حكيت عنها ماراح تنفعك بشي ماينفعك الا العمل الصالح ادري انك تسخر من كلامي او تقول ماجربتي الاكتئاب مع اني مجربه شي اكبر وكان يجي ببالي الاشياء اللي ذكرتها لكن بوقتها استغفر الله وما اصرح فيها واعرف انها من الشيطان عشان يزيدني هم فوق همي لكن الحمدلله تحسنت لما تقربت من ربي وعرفت ان الدنيا ماتدوم لاحد وان اللي يبغى السعاده الابديه يجعل همه الاخره

هذا امر الله اخى .. تلك مشئته
فسبحان من وسعت رحمته غضبه وغلبت مشئته كل الحيل .
اصبر وما صبرك الا بالله

دنيا فرنتكس تزرع فول يطلع عدس