|
فائدة الاندرال وهل هنالك افضل منه ؟
السلام عليكم ورحمة الله وبركاتة.. معكم زياد المطيري عمري 17 سنة بالموضوع هذا بكون صريح .. ياخوان والله م يحس بألم الرهاب الاجتماعي هذا الا من جربة والله اسوأ مرض طحت فيه والحمد لله اني م طحت اقوى في الاكتئاب ولا غيره ولله الحمد لاكن احنا نعرف في المملكة العربيه السعودية خصوصاً بالقبائل العريقة لنا عاداتنا وتقاليدنا والي يجلس ببيته هذا باختصار - مثله مثل الحرمة - والله ياناس قد م سمعت عن خالي يوم انه يتكلم عني يعني شيء مؤلم يوم تسمع احد يذكرك بسوء وانا المشكله زمان كنت والله جريء يوم كنت 10 سنوات وكذا الين م طحت بالجوال والكمبيوتر والله م صرت اطلع من البيت بس الحين بديت رحلتي ان شاء الله اعالج نفسي وقررت اروح طبيب نفسي وافتك من الحالة ذي عندي مليون عيب من الرهاب هذا رعشات فالراس واليد ودق قلب سريع واحمرار في الوجه ونشفان في الحلق تلعثم بالكلام كل شيء متجمع فيني حاله صعبه وانا مجربها رغم انها م تجيني الا باوقات معينه اذا كانت عزايم او اماكن نجلس فيها ضيقه زي المجالس والقهوه وكذا انا بس ابغى شيء من الناس المجربة .. انا بحثت عن الاندرال يقولون ممكن يساعدك تروح للعزايم وتختفي الاعراض وهل هو مناسب لعمري ؟ من 16 الى 17 عمري بينهم وكم سعره انا الى الآن م سألت ولا رحت اشوفه علماً اني بالسعودية , وكم الجرعه الي اخذها قبل الموقف او المواجهه وهل اقدر اخذه كل يوم بجرعات 20جرام حسب كلام الدكتور عبد العليم يعني الصباح والمساء 10جرام واذا شريت اندرال 10 جرام ينفع اخذ حبه فالليل وحبه الصباح ؟ تصير 20جرام ولا لازم 20جرام الدواء واذا فيه ادوية اخرى افضل منه وم فيه اعراض انساحبية م تقصرون افيدوني جزاكم الله خير |
بحكم انك بعمر الـ 17 ، فأنا انصح ان يكون كل شئ مع الطبيب كما اني افضل ان يكون معك شخص تثق به ، ليس لصغر سنك ولكن تحتاج من يكون عارفا بوضعك حتى يكون مساند لك... المرض النفسي يحتاج مسانده فإن وجدتها فقد وجدت نصف العلاج
اندرال قد يكون مفيدا ، وتستطيع ان تتبع وصفة الدكتور عليم مع اني انصح ان تسأل عن حالتك فكل حاله تختلف جرعتها عن الاخرى نعم بالنسبه للادويه النفسيه تحتاج ان تكون تحت مراقبه اذا كنت اقل من 21 سنه ولكن الاندرال ليس دواء نفسي بل هو مخصص اساسا لارتفاع الضغط ولكنه مفيد لأعراض الرهاب الجسديه اتمنى لك الصحه |
منتظر الأخوان .. ملخص اسألتي : 1- كم سعر دواء الاندرال 10ج بالسعودية 2- كم يفضل اخذ قبل المواجهه 20 ولا 10 3-هل يناسب عمري 16 - 17 4-هل فيه ادوية افضل منه بدون اعراض جانبية او انسحابية ؟ |
اقتباس:
يعني الاندرال بيساعدني بنسبة 80 في المواجهه الي بروحها لاكن حسب كلام الدكتور عبد العليم ان الدواء هذا مو دواء نفسي و10 جرام او 20 جرام قبل المواجهه سليمه جداً انا فقط ودي اعرف سعره + هل يناسب عمري ؟ وراح استخدمه قبل المواجهات فقط وباخذ علاج بتشخيص دكتور نفسي ويعطيك العافيه |
اقتباس:
سعره رخيص ما يتعدى 20 ريال |
اقتباس:
|
اقتباس:
|
الاندرال متوفر في المستشفيات الحكومية سبق وان استخدمتة وصرفته منهم
انا استخدمته للاكتئاب في بداية مرضي لم يجيب نتيجة ممكن ينفع لحالتك وارى ان تعرض نفسك على دكتور نفسي مختص . |
اقتباس:
لاكن بسألك اخوي الاندرال بوصفه ينوخذ ؟ |
يصرف اخي بدون وصفه
|
بدون وصفه يعطيك وهو مغمض
اقول لك يا اخي الاندرال ما يشيل الخوف اللي تحس به داخل قلبك بس ينفع للأعراض مثل الخفقان و الرعشه واحمرار الوجه نصيحتي لك اذهب الى طبيب وتعالج وعاد عمرك صغير |
اقتباس:
سألت الصيدلي هل ينفع للعمر 16 - 17 قال ايه بس ابي ناس مجربة او لها خبره وهل 10ج عند الزوم بتأثر علي ؟ |
مرحباً اخوي زياد
الاندرال دواء بسيط ماله أضرار ان شاءالله وخاصة الجرعة صغيره 10 ملغ لكن يستخدم عند زيادة ضربات القلب وما يتبعها من احمرار الوجه والرجفه أنصحك يأخوك تعالج نفسك بالعلاج السلوكي وتعرض نفسك للمجتمع تدريجيا احسن لك من الادويه بحكم تجربتي المريرة لسنوات من انا بعمرك وكلها مسكنات تركتها ترجع لك الأعراض |
| الساعة الآن 11:17 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا