نفساني - ادوية الــSSRIs ونسيان المفردات

أنا مريض اكتئاب وقلق ورهاب .. المجموعه دى كامله وبتكاد تكون بنفس الدرجه عندى .. استخدمت طبعا ادويه كتيييييييييييييييييييره .. والدكاتره النفسيين قالولى انى بقى عندى خبره كبيره فى الادويه بتاعتى ومنهم اللى قالى انى اقدر الظبط جرعتى بنفسى .. المهم ... مشكلتى ايه؟ الاكتئاب يميل عندى الى الخمول والنوم وعدم الرغبة فى عمل او ممارسة اى شيئ والتأجيل والتسويف لكللللل حاجه ... الادويه اللى بتعالج الرهاب والقلق والاكتئاب بشكل جيد وبتسبب خمول وهدء ما تنفعش معايا على الرغمن من عملها وقضاءها على اعراض المرض .. زى مثلا السيروكسات والسمبالتا ... فالبالتالى الادويه اللى بتسبب نشاط وحيويه زى الافكسور واللوسترال (زولوفت) ممتازة لى ... المشكله بقى انى الادويه دى لما باوصل بيها للجرعه الفعاله .. سيروكسات 150 او 225 او اللوسترال 100 مثلا مع لاميكتال 100 والاقى الرهاب والقلق والاكتئاب اختفوا بشكل كبير والحمد لله .. تظر المشكله الكبرى .. اللى هى نسيان المفردات اللغويه تماما وفقدان القدرة على الحديث والتعبير عن اللى عاوز اقوله .. لدرجة انى باستغرب الناس بتجيب الجمل دى ازاى وبتعبر عن الافكار ازاى .. بيبقى صعب جدا على اى الاقى المفردات والجمل وباقول كلام مكرر ومختصر جداااا وماباقدرس استرسل فى الكلام .. غير ان كماااان الذاكرة القصيره عندى بتضيع تماما وبانسى الاحداث اللى لسه حاصله من وقت قصير بس بابقى فاكر اللى حصل من مدة كويس ... المشكلة انى شغلى كله باللغة الالمانية اللى هى دراستى والمفروض انى باجيدها .. بس بانساها وبانسى المفردات لدرجة ان اللى بيسمعنى بيقو انى ما باعرفش المانى اصلا .. مع انى باعرفها بطلاقه فى غير وقت الدوا!!!!! ... لو ما خدش الدوا بافتكر المفردات كويس بس الرهاب والتعرق والقلق على كل حاجه والاكتئاب بيظهر بشدة وبافقد الرغبة فى كل حاجه .. الدكاتره بيقولوا ان ده مش معروف عن الادويه اللى باخدها كاثر جانبى ومنهم اللى مش بيصدقنى!!! .. الادوية اللى اشتغلت كويس على الاكتئاب والرهاب هى الافكسور مع لاميكتال .. او سيمبالتا مع لاميكتال بس سبب خمول وتسويف شدييييد ونوم ... الادويه ثلاثية الحلقات زى الانافرانيل ولا التفرانيل ماخدتش منهم غير اعراض جانبيه وبس .. مالهمش نتيجه على الاكتئاب ولا الرهاب .. جفاف حاااد فى الفم وتتنيحه وتوهان .. البروزاك عملى وش بلاستك ولامبالاه تماما ... المشكله والدايره المفرغه دى بقالها 10 سنين تقريبا والمرض عموما عمره معايا 20 سنه تقريبا .. على فكره الموضوع ده وراثى جداا من والدى واعمامى وعماتى .

هل من مساااااعده؟