ساعدووونني 💔
 

كثير خايفه

مرحبا انا سويت غلطه كبيره ما تنغفر وابي اتوب توبه انصحوني انا عمري 22 جالي فتره مافي ثقه بنفس ولا قادره اكلم احد من اهلي صرت اكلم الغريب وارسل صور لي عشان اشوف رده فعله حسيت مو انا اللي ارسل كثيييرر خايفه ابي مساعدتكم انا حذفت الكل ما عندي احد ابي اتوب وارجع للنفسيتي مو قادره انام من التفكير وصرت اعاقب نفسي اه بس ساااعدوني انا كنت انصح البنات بس انقلب كل شي علي مادري وش اسوي انا توبت الحمدلله بس شنو اسوي انسى سالفه الصور ؟؟؟؟

تكفون احد يقدر يطمني على الفكره الصور موقته ب البرنامج وتروح بس مادري مو مرتاحه

كتبت رد طويل وطار .. أكره هالحركة :s


شويات وبرد إن شاء الله

..

السلام عليكم


حياك خيتو .. بس من اللي كذب عليك وقال لك غلطة ما تنغفر !!؟ من وين جبتي هالشيء ؟


لازم تكونين موقنة إن الله هو الرحمن الرحيم .. الغفور الودود .. ما فيه أحد أرحم منه لدرجة إنه سبحانه أرحم فيك من أمك .. هالشيء حطيه في راسك ولابد تكونين مؤمنة فيه إيمان راسخ


أنا فكرت إنك ساحرة لك عوائل و مدمرة بيوت وقاتلة أوادم وجايبة درزن أولاد من دون زوج ... أصلا كل الأشياء اللي ذكرتها يغفر الله للإنسان إذا تاب توبة نصوح .. أما اللبشر يقتصون والله أعلم .. والسؤال هنا هل أنتي ضريتي أحد و خربتي بيته ؟ كلها سالفة صور بسناب الله يهديك وهذا انتي عرفتي إنك غلطانة .. استغفري ربك واعزمي على عدم الرجوع و ربك يغفر .. وراح تسوين أخطاء بحياتك الحين أو بكرة أو بعده ... بالنهاية انتي بشر مش ملاك .. وكل الناس من حولك لهم أخطاء بين مقل ومستكثر وما بين كبائر وما بين ذنوب عادية


الله سبحانه مو بس يغفر الذنب .. إلا يبدل السيئات حسنات لمن تاب وأصلح ... شايفة كيف ؟؟ لا تخلين الشيطان يلعب عليك ويخليك يائسة من رحمة الله ويزعزع إيمانك بأسماء الله وصفاته و وعده لمن تاب واستغفر بالمغفرة


ولو هالبشر ما فيهم أحد يذنب كان الله شالهم كلهم واستبدلهم بقوم يذنبون ويستغفرون ويتوبون ويغفر لهم .. ولا يمل الله من المغفرة حتى تملوا سبحانه .. و الشيطان ودّه لو إنك تفقدين الأمل بغفران الله .. وده و منى عينه هالشيء .. وتعرفين الحديث في هالشيء أتوقع


إنتي مش ملاك الله يهديك .. الدنيا سهالات والحياة قدامك وراح ترتكبين الأخطاء ولكن لا تملين من الاستغفار و جددي التوبة وأهم شيء إجتناب الكبائر والرجوع السريع إلى الله


بالنسبة للصور .. يا ستي الصور تطير على قولتك .. والشيء الثاني حاليا تنسرق أجهزة وفيها صور وكذلك تنباع أجهزة ويطلعون الصور اللي فيها .. ولكن خلاص ما عاد فيه إبتزاز مثل زمان .. أي واحد يحاول يبتز ياكل تبن بالسجن خمس سنوات أقل شيء .. وأصلا ما عليك لا أحد يعرفك ولا أحد يدري وين ديرتك


الله يسعدك ويهديك بس .. لا تجلدين نفسك بقوة وتغلبين جانب الخوف على جانب الرجاء .. ما يجووز والله وانا أخوك .. أرفقي على نفسك لأن الشيطان ودّه يدمرك بالشيء هذا ويخليك ترتكبين أخطاء أكبر بكثير من الخطأ اللي سويتيه


...

ارسلت ببي و سناب وحاليا حذفت اللي فيه وكل شي ابي ارجع لوضعي وانتبه لنفسي اكثر واترك كلام الشباب اللي وداني ب ستين داهيه وما اقول الا حسبي الله ونعم الوكيل انا اللي كنت انصح واخاف صرت احتاج النصيحه اكثر من اعطيها لغيري .. الحمدلله تركت هذا الشي وسالفه الصور حدا اربكتني بس لو الصور عندهم ما يقدرون يسون شي لان انا تركتهم ولازيعرفون شي خاص فيني .. اهلي عرفوا اني اكلم و هزوني وعطوني فرصه اخيره 😓 ابي الثقه ترجع يااارب توبتك

ما حسيت بقيمه اهلي وقيمه نفسي الا يوم كلمني اخوي 😓

يعني الموضوع بسيط لو اترك التفكير فيه ارجع لنفسيتي ؟؟؟؟

اكيد كل اللي صارلي خيره لي 😓
والحمدلله على كل شي

الله يكتب لك الخير والأجر توبي لله توبة نصوحا
وربي سبحانه يغفر الذنوب جميعا
إبدأي صفحة جديدة وإنسي كل اللي حصل

ان شاء الله

ليش خايفه دام اهلك عارفين واعطوكي فرصه قولي الحمدلله
وتوبي من هالفعل لاترجعين له لان هذا درس من ربي وقرصه اذن عشان تنتبهين على نفسك
الله يستر عليك ويهديك وانسى موضوع الصور ولاتفكري فيه

ماعرفو موضوع الصور بس المكالمات بس يلا الحمدلله 😞

الله يغفرلك ان شاء الله
وابقي استغفري وربي يفرجها عليك