القلق العام & الاكتئاب + الكويتين
 

ياجماعة انا شخص وايد تأذيت من القلق العام بس الي يتعب اكثر الاكتئاب بس اتوقع ان يقولون الاكتئاب الي يصير من القلق العام يعتبر اكتئاب ثنوي يعني بسيط وصارلي فتره مع الدوا تقريبا اربع سنين
وحالياً مستمر على علاج ( سامبلتا 30 ) ولكن بعد تعمقي للمرض عرفت ان الحبوب وسيلة للعلاج وليس علاج ... يعني ان الحبوب وسيله عشان تخليك تروح حق دكتور معالج سلوكي وليس مختص سلوكي في فرق ترا
وهذا مانتفقده بالكويت وكافة دول العرب ان المعالجين النفسين الحقيقين مو موجودين ولكن متوفرين بدول الي برا ... يعني علاجهم فقط بجلسات وتغير التفكير وادراكك ان هذا مجرد تفكير وانت تقدر تسيطر عليه وبعدها ماراح تحتاج لا حبوب ولا شي
وعطوني ارائكم خاصتاً الي من دولة الكويت

الحبوب النفسيه كذبوا علينا و قالوا انها علاج

ماهي بعلاج أبدا فقط تغطي عن المرض مثل البير و غطاه
لما تجيب الغطا على فتحة البير ما ينشاف مافي داخل البير
لما تكشف الغطا ظهر لك البير

هذي الحبوب لما تتناولها تغطي المرض
لما تتركها يظهر المغطى عيانا بيانا

المرض النفسي أخي مثل السكر و الضغط و غيرهم من الأمراض المزمنه هو مزمن هذا اللي رأيته خلال مسيرة المرض و اللي هنا من المصابين يؤيدون هذا
و العلاج أشوفه طول العمر

ابداً اخوي ابو نجلا هالكلام غير صحيح وهالمرض الي احنا نعاني منه مجرد ناخذ الدواء كـ وسيلة للعلاج
والعلاج الحقيقي اهوا العلاج نفسي على ايد دكتور فاهم وليس مختص فقط
ياليت تسمع مقاطع باليوتيوب حق الدكتور أحمد هارون

من قبل اخذ حبوب وانا اعرف انها وسيله للعلاج شلون انتم اللي صارلكم دهر تاخذونها الحبوب تدرون شنو فايدتها تمسك المرض وانت دورك يكون بتغيير طريقه تفكير وتطلع وتختلط بالمجتمع بعدها راح تنسى المرض بس سالفه تاخذ حبوب وتقعد بروحك وتفكر بالمرض ولا تطلع اكيد ماراح تفيد المريض

صح كلامك ولكن تغير التفكير مو بس بمجرد اني اطلع وانسى المرض!! تغير التفكير لازم يكون عند دكتور معالج سلوكي محترف يعلمك شلون تقدر تسيطر على هالتفكير السلبي

صح وفاهم قصدك طريقه تفكير تقدر تتعلمها بحيل او البرمجه العصبيه بجلسات الاسترخاء والتامل ولا يخفى عليك دور حبوب نفسيه 40٪. ومعالج 30% والممريض30%

ابو محمد ترا التفكير السلبي مو مرض بخد ذاته انا اعرف اشخاص مايعانون امراض نفسيه لكن فكرهم سلبي اهم شي المريض يفك عن زنده من الاكتئاب والقلق او اقل شي يسطر عليهم

وبهالحاله تتوقع ان راح نقدر بعدها نترك الحبوب نهائياً؟

ياخوي التفكير السلبي حق الي عنده قلق واكتئاب غيز عن الشخص العادي ... يعني احنا قام نفكر فيه ونحس فيه بنفس الوقت ونحس ان خلاص راح انتم جذي طول العمر

جاسم والله نقدر تترك ابو الحبوب بس بشرط تكمل المنظومه العلاجيه تاخذ حبوب وتختلط بالمجتمع ماقولك فكر باجابيه ابيك بس تعد النعم بعد كورس راح تشوف العافيه صدقني اللي يقول غير هذا الكلام انسان مالتزم بالعلاج تلقاه استخدمه سبوعين وتركه او ان انسان في مرض روحي مو نفسي

انا الي يحبطني اني تشافيت وانتكست اثناء الفترة الي كنت لازم اقطع فيها الحبوب
وبعدها الدكتور غيرلي الحبوب عشان جذي فاقد الامل شوي
والي يخليني افقده اكثر لمن اقرا هالناس الي يكتبون ان صارلهم 20 سنة واكثر والي خلاص استسلم وقام يسوي جلسات كهربائيه 😐

جاسم انت لازم تكون بدرايه ان القلق يضخم الامور انت حاول تصغرها قول انا مافيني الا العافيه انا راح اتحسن واشفى ع قوله المثل اذا كبرتها تكبر واذا صغرتها تصغر

اخوي انت شكثر صارلك بهالمرض؟ وعند منو تعالج؟
والي تعالج عنده يقولك ان هذا مجرد وقت ويروح ولا ان يمكن يتم معاك؟

احمد ربك ان في ادويه تريحك في ناس هني في المنتدى الله يكون بعونهم ويشافيهم الحبوب ماتفيدهم كانهم ياكلون هوا عشان جذي ماكو الا الجلسات الكهربائيه نزين قولي الدوا اللي قبل تقطعه وانتكست شنو بورزاك صح

لا كنت اخذ السيبرليكس وبعدها قالي خلاص الحين لازم تقطع العلاج بالتدريج وبخلال الفتره هذي ابيك تروح عند معالج سلوكي
ورحت حق معالج سلوكي حبطني من اول يوم قالي ترا مافيها شي لو تاخذ الحبوب طول عمرك ....
وانا خايف اوصل هالمرحله بعدين ان حتى الحبوب ماتفيد معاي !!! لان في ناس فادتهم الحبوب بالبداية بعدين اشوفهم كاتبين ان خلاص ماقام تفيدهم