مفعول الانفرانيل بدأ يريحني بالتدريج ولله الحمد
 

السلام عليكم ورحمة الله وبركاته

اليوم حسيت براحة ولله الحمد وخفت الافكار التشاؤمية
ماعاد اتضايق او اقلق منها وان شاءالله التحسن يزود
لأن اليوم على ما اعتقد لي 10 أيام يعني تونا لسه
وجرعة الانفرانيل هي 75 والسبراليكس 10
وان شاءالله اوافيكم بالاخبار بعد كم يوم

إحمدي الله و استمري و فالك التوفيق و لا يريك رب العزة و الجلال في نفسك مكروه

انا اعراضي مثلك قولون عصبي مع وساوس بالامراض والموت مع تشاؤم استخدمت السيروكسات لكن للاسف ماراحت الوساوس ممكن تشرحيلي حالتك بالتفصيل

الحمدلله والشكر يعطيك العافية يااارب

شوفي بالنسبة للقولون استخدمت له بذور القطونة
وبذور الكتان اخذتهم من العطار كنت اخذ ملعقة
لكل واحد فيهم استخدمهم لهوم مع 2كاس موية
مرتين باليوم لمدة اسبوع والله ودعت ألم القولون
وبعد كان عندي حموضة شديدة وخفت شوي
ورحت للطبيب واعطاني اقراص ( نيكسيوم 40 )
وماشاءالله ماعاد أحس بأي شي يارب لك الحمد والشكر..

حاولي تجربين اللي انا ذكرتهم والله ان شاءالله بتدعين لي

بالنسبة لحالتي كنت أنا أعاني من الخوف الشديد
خوف من الجن والناس وأخاف اجلس بلحالي
واستخدمت السبراليكس10 وراح مني الخوف للابد
وحاليا أعاني من وسواس النظافة ومع العلاج خف 75%
وأيضا أعاني من الاكتئاب صار لي فترة جدا حزينة ومتضايقة
بدون أي سبب ومع الأنفرانيل أحس بدأ يخف كل يوم أفضل من اللي قبله وان شاءالله اتشافى قريب
واياكم وكل مرضى المسلمين

عسى الله يتمم عليك التحسن ويزيده وتخرج من سجن المرض

اتمنى لك التوفيق

آاااامين جزاك الله خيييير