المرض العصابي يتحول إلى مرض ذهاني
 

ياجماعة والله حدي خايف
انا اساس تشخيصي قلق عام وعندي اكتئاب ولا اعلم اذا كان هذا اكتئاب ثنوي ام اكتئاب رئيسي
ولكن سمعت من كذا دكتور على اليوتيوب ان هالامراض مع السنين ممكن تتحول إلى امراض ذهانية مثل الهلاوس والانفصام
تكفه شنو اسوي مافيني اتحمل هالخوف لان خلاص قام احس ان صج مع الايام راح يصير فيني انفصام ومابي هالشي يصيير
في احد صج المرض ماله تحول إلى هلاوس وانفصام؟ وهالكلام صحيح ولا مستحيل؟
واذا كان مستحيل شنو الدليل؟ لان قام افكر واقول يمكن صح كلامهم ان يتحول هالشي حق مرض ذهاني لان بالاساس انا فيني مرض نفسي وهالمرض النفسي مثل ما احنا عارفين ان خلل بكميائيات المخ فـ هالشي معناته يمكن مع السنين يأثر على العقل ويصير فيني انفصام؟
امانه شاركوني بكل صدق

اخوي لن يصيبك الا ما كتب الله لك

و ربي يحفظنا وياكم و المسلمين من كل سوء و مكروه

اقرؤوا عن الامراض و اذهبو ل يوتيوب و قوقل و خذوا معلومات من هب ودب و ثم ادخلوا بدوامة القلق


بالفعل عصر التكنولوجيا سبب رئيسي لتفاقم الامراض النفسيه

اخوي ياليت تفيدني هالشي صحيح ولا لا

اسمع مااحد يعلم بالغيب .... اول شيء ياكثرهم اللي تشافو وتركو الادويه .. ولكن نصيحتي لك اجمع مابين الرقيه والعلاج وبأذن الله راح تتشافى ... لان اساسا المرض النفسي لو مافيه سبب وجاك فجاة ممكن سبببه عين حسد ...الخ فانت للأحتياط اجمع بين الاثنين لاسيما ان كلام الله شفاء وراحة للصدور

ياخوي سوينا كل شي والحمدالله انا انسان ملتزم بصلاتي ...
بس الموضوع الي سمعته صدمني وزاد قلقي وايد
مو متصور ان مع الايام احتمال مرضي يتحول الى انفصام

ياجماعة اتمنى تفيدوني ... المرض العصابي يتحول مع السنين إلى مرض ذهاني ولا هذا الكلام غير صحيييح؟ واذا صحيح شلون؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

للأسف ماكو ردود ولا مشاركات 👎🏼

غير صحيح

اساسا المستقبل في علم الغيب
حتى الانسان الطبيعي معرض للمخاطر ايآ كانت

ريح بالك يابن الحلال كل شي مكتوب وكل شي منتهي (:

انا مع القلق والتوتر والقيلون والخوف من 23 سنه
وبالعكس انا الان افضل من ناحية الاتزان العقلي والنضج الفكري (:

لكن طبيعي يكون عندك احاديث نفس اوفر شويه (:

لا تشيل هم الدنيا .. والله يشفيك

من 23 سنة عندك قلق وتوتر؟ معقوله ماتشافيت منه نهائياً؟ وبخلال هالفتره اخذت ادويه ولا لا؟

الامراض النفسية لاتتحول الى امراض عقليه وهذا كلام الدكاتره لذلك كن مطمئن

اراك شخصية موسوسة وقلوقة كثيرا

كن مطمئن لن يصيبك مرض ذهاني

والله ان مو هذي شخصيتي ولكن المرض تعبني وعندي خوف من المستقبل بشكل مو طبييييييعي

اي نعم اخوي
للاسف لم اتخذ قرار العلاج الا متاخرا
قررت تغير وضعي قبل ١٠ سنوات
واخذت العلاج الكيمائي الادويه قبل خمس سنوات فقط
ام السنوات اللي قبل كانت ضياع في عالم الوحده (:
وتحسنت الحمدالله بنسبه معقوله وتغيرت امور كثيره في حياتي
طبعا الشفاء التام نرجوه من الله لكن الوضع مستقر (:
الحمدالله .. هذا المكتوب وكل شي خيره

وزي ماقالك ابوتركي لاتوسس واجد
ماراح تنهبل ههههه

ترى اغلب النفسانيين اصحاب ذكاء وعقول جباره (:

تطمن ياشكناني ..
وقاوم مشكلتك النفسيه بجميع الطرق
وراح تتحسن امورك ان شالله

اترك المستقبل وتفاءل واحسن الظن ب الله

كلمني عن شعورك بعد تركك للدواء؟