|
في ناس كثير كذا
السلام عليكم ورحمة الله
والله ماعرف من وين ابدا موضوعي ولا هو من باب الحسد والمقارنه في ناس كثير اعرفهم او اقرا تعليقاتهم بمواقع التواصل واشوفهم عندهم فقردم ونقص فيتامينات خصوصا د بس ما احس ان احد يعاني مثلي ! يعني عادي يروحون ويجون ويطلعون و يمارسون أنشطه وحياتهم اليوميه بشكل طبيعي ولا قالوا نحس بكتمه او دوخه او الم مفاصل ..... الخ ايش اللي يفرق عنهم ؟ الخوف والقلق والنوبات والا عشان هم يطنشون و متجاهلين الاعراض! والله اعرف ناس الدم عندهم 4 و 5 و 6 يعني ناقص كثييير وفيتامين د تحت 10 ومع ذلك ماشاءالله يمارسون حياتهم عادي انا احس اني عكس هذا تماماً مجرد ما اتحرك او اسوي شغله اتعب وانكتم وادوخ و تبدا الوساوس عندي حتى وان تجاهلت وطنشت وضغطت على نفسي يرجع الالم اضعااااف بتقولون راجعي مستشفى ومدري ايش راجعت واخذ كورس فيتامينات بس د مقصره فيه اعترف جلست فتره اخذه بس افتح العلب وانسى اكملها وماينفع استخدمها بعد اكثر من اسبوع عموما موضوعي ان كيف هالناس عايشين ؟ معقوله فقرالدم لحاله ما يأثر فيهم ولا يتعبهم ! لأنه هو معروف انه يسبب دوخه و كتمه بس كيف هم كذا ! |
السلام عليكم
جميل ان يكتب الإنسان ما يجول في خاطره ونحن نشاركك كل همومك ونساعدك أي مرض ثلثه عضوي وثلثه نفسي والثلث الباقي من المحيط الذي يعيش فيه لذلك يمكنك التحكم في ثلثي المرض وهو ما يساعدك على مقاومته وإذا مرضت فهو يشفين بالتوفيق دائما ... |
انا بعد يا اختي دايما اسئل نفسي هالسؤال اذا قالوا معدة قلت الناس فيهم قرحة ويمشون يضحكون واذا قالوا نقص فيتامين د خواتي كلهم الفيتامين اقل مني وعايشين حياتهم الا انا اللهم لك الحمد
|
جوهر كلامك انه ما نعانيه من نقص في بعض الفيتامينات او الامراض العضوية كالمعدة والقولون
يوجد آخرين نفس المشكلة وربما اسواء لكن امورهم النفسيه جيدة ولله الحمد ... من جوهر كلامك هوا جوهر مشكلتنا وهوا (( العامل النفسي )) لازم نعرف انه احيانا يكون البعض منا يحمل طبيعه نفسيه ضعيفه اعصابه ضعيفه وهذا الامر موجود وطبيعي بين البشر نجد اشخاص يخافون من الطائرة واخرين لا .. والسبب ؟ السبب الطبيعه النفسيه لهذا الشخص تختلف عن الاخر هذا طبيعته شخصيه تخاف والاخر لا بعد ان عرفنا انه اختلاف بيننا وبين شخصياتنا على الانسان ان يعالج هذا الخوف اول نقطة تحديد المخاوف ثاني نقطة العمل على علاجها في امكانك ذكر ما تخافين منه وخلينا نتناقش فيها لنساعد بعضنا جميعا الله يطيل في عمرك ويديم على الجميع الصحة والعافيه |
اقتباس:
وممكن يكون في الاخوان بعد نفس حالتك بس شمعنى اخواتك عادي وانتي لا |
اقتباس:
انا ماعرف هل مشكلتي الخوف والا التخوف يعني مجرد ما اعرف ان في طلعه او شغل على طول الم بصدري نفسيتي للأمانه هشه و ابكي وازعل واتحسس من اي كلمه او تصرف حتى لو مو عفوي الاشياء اللي تخوفني اني ما اشفى من اللي فيني + افكار الاغماء و وسواس الموت ومرات اتخيل شكلي اذا تعبت اطيح ويغمى علي .....الخ طبيبي لما رحت له كنت ابكي من الكتمه والخفقان قال لي طبيعي لأن فيك فقردم و انتي متوتره وفيك نوبات هلع فطبيعي الكتمه والم الصدر بس احس مو مقتنعه لأن اللي حولي مو كذا مابغى ادخل في دوامة المستشفيات والاطباء واشك في التشخيص |
من الناحية الصحية عندك فقر دم . والحمدلله علاجه بسيط جداا وسهل .
يبقى الاهم التفاعل النفسي مع الفكرة او الافكار اللي تحدث لك ... فكرة انه بيغمى عليه .. سؤال كم مرة تتكرر هذي الحاله معك ومعي ومع الكل هنا بالمنتدى والحمدلله الامور ماشيه كل يوم والثاني نجد نفس الكلام ينكتب ويحدث معنا ونقول لنفسنا بندوخ بيغمى عليه بطيح ومع هذا ما يحدث شي والحمدلله * هنا لازم اذا جانا هذا الاحساس يكون الرد . دوخه اغماء طيب يا اغماء انت دائما تجيني والحمدلله تعودت عليك واعرف انه انا نفسيا ضعيفة وجالسه اتفاعل معك اما بالحقيقيه مافيه شي لا اغماء ولا غيره " لازم تكرار وترديد هذي الكلمات ..مهم جدا حتى يحفظها العقل الباطني " * الم الصدر والكتمه .. اقول لها نفس ما اقلت لحالة الاغماء اجلس مع نفسي واكلمها .. " ما يحدث لي نتيجة طبيعتي النفسيه وفي الحقيقة لا يوجد شي لكن هذا نتيجة القلق والا انا طبيعيه والحمدلله فتعودت عليك من كتمه ومن دووخه والم وغيره " ** ايضا طريقة اخرى اقول لنفسي دوخه ، اغما ، كتمه ، خليها تجي واللي يصير يصير .. شنو بيصير يودوني مستشفى خليهم يودوني واخذ دواء واصير طيبه ان شاء الله .. (( هذا لو كان الاغماء حقيقي )) طبيعي هالامور منشاه في الاساس لاننا نخاف من الموت .. الموت يخوف لو كنا غير مسلمين .. لاننسى اننا مسلمين ونصلي والحمدلله ونقابل ارحم الراحمين هل تخلينا معنى ارحم الراحمين ... |
لأن هم بكل بساطه ما يكبرون الموضوع ..
يعني اوكي فينا فقر دم فينا نقص فيتامين ماعليه ناخذ الدواء والحياه ماشيه اما نحن لا .. نكبر المرض حتى لو كان تافه انا بس اذا كنت محمومه اسوي عزاء في البيت مشكلتنا ان وايد نتعمق فالاشياء و ندقق فيها لو كنا نتجاهل كل شيء كنا بنكون بخير انا ما اقول ان هم ما يتعبون اكيد يتعبون لكن ما يحسون ان نهاية هالتعب الموت .. |
اقتباس:
انا بعد كذا حتى لو اصدع او اسناني تألمني احس خلاص مافي حل وافكار عن الموت والله اشوف ناس ترتفع درجة حرارتهم وعادي يطلعون ويتمشون احنا عكس 😑 |
اقتباس:
والله نفس اشي اكثر شي يوسوس لي الدوخه والصداع الباقي اتجاهلها تمام وفعلا فيه ناس عندهم نقص ووضعهم تمام |
بتعرفي اختي انعكاسات انا بلشت قصتي من الم بالصدر وما زال مستمر من شهر 3 لهسا المهم كنت محطمة فعليا ما اروح ولا اجي وازا طلعت اكون خايفة لا احب اروح عبيوت ناس ولا اعراس برمضان العزايم اشرد شراد منهم.. اخاف من الناس الي بتحكي عن الموت واخبار الموت والمرض القلب والسرطان..اي خبر اسمعو اتجمد.. هسا بخاف مش زي قبل بس بفكر مثلا ساعه ساعتين خاصة من حكي الناس وامراض القلب وبعاود بهدا ..الله يشفينا جميعا
|
اقتباس:
خصوصا لما اشتغل كثير |
اقتباس:
|
كلنا يجول في خاطرنا هذا الشيء
الله المستعان |
انا زيك بالضبط بس كمان ضغط واطي احنا بنكبر اي مرض يعني قبل الوساس مايجلي كانت عندي نفس الاعراض بس كنت بطنش بس طبعا الوساس بيخليك تركز
|
| الساعة الآن 11:01 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا