ابي مساعده بليزز
 

اول شي انا ماعمري استخدمت ادويه نفسيه و ودي اخذ لان حالتي حيل متعبتني اه وربي احس اني اموت بالدقيقه احس اني ضايعه وماكو تركيز واكتئاب ورهاب ماودي اجتمع باحد والله احس بتوتر وحركه زايده يبين اني مو مرتاحه ي ربي صرت اتمنى امووت ولا احس هالاحساس لدرجه ودي اصيح وادق ع زوجي واقول طلقني وربي التفاعل مع الناس صاير حيل صعب اه بسسسسس انا تعبت تكفوون ابي دوا فعال او نصيحه مجربه

حالتي يرثا لها بس ما ابين عشان جذي احس بضغط مو طبيعي السعاده ودعتها والضحكه ماتطلع باختصار احسس ماني نفس الناسسس حياتي حيل تعبت فيها واحس الناس تشفق علي واحي يشوفوني مسكينه النظره هذي تمووت وتحسسك انسان ضعيف ومالك شخصيهه وبعد احس بخنقة وغصه والاطراف شوي تتخدر
سوري ع الكلام الملخبط بس هذا اللي طلع معاي

وبليرز ابي نصيحه تنفعني وادري ماراح تقصرون

ماتشوفين شر ان شاء الله اموري كلها سهله باذن الله كثر من الاستغفار الان و الصلاه على رسول الله و اسهل طريقه انك تروحين و دكتور نفسي صدقيني هو اللي فيدك اكثر منه في اخوان بالمنتدى هنا لهم باع طويل في الادويه النفسيه باذن الله ما اقصر معاك ابدا لكن زي ما قلت لك حاولي تحجيم موعد مع دكتور نفسي باقرب وقت وضعك باذن الله طيب و ما تشوفين شر و الله يكتب لك الاجر و العافيه ان شاء الله

اختي ممنوع طلب وصف ادويه

بدون مراجعة الطبيب المختص

م تقصر اخوي و الله النيه انشالله لان احس حالتي يبيلها حبوب يهديها لان سبق وجاني اكتئاب شديد وتشافيت واللحين احس قاعد يردلي شوي بس لازم الحق عمري قبل يتفاقم الموضوع وانشالله قاعد ابحث عن دكتور زين والله يسهلها ويشافيني واياكم

سؤال انت تاخذ ادويه نفسيه وصحيح اللي يقولونه ان مع الاستمرا ترجع الاعراض ولازم رفع الجرعه
انا احس اني مشوشه حيل ومتوتره وخوف بلا سبب
والرهاب اهو اللي متعبني اكثرر
والله ان قبل اقول انا شلون كنت اسولف مع اني كنت اجتماعيه سبحان الله مغير الاحوال💔😭

ليش غافلين عن الجلسات العلاجيه ؟؟


راجعي طبيبه فقط للجلسات العلاجيه

الجلسات مو بس للمريض الجلسات مهمه قبل الدواء الدواء مو لاي شخص !

لا تتخذ قرار حاليا قد تندم عليه

انشالله راح اروح لدكتور مختص والله يكتب لنا الشفاء 💗

وراح ابلغكم بالنتايح

بكرا باذن الله بروح

الله يوفقك اختي

ترى موضوعك بسيط لا تكبرينه

بتصرف لك الدكتوره دواء وان شاء الله ترتاحين بس يبي له وقت اقل شي شهر عشان يعمل الدواء

راجعي طبيب واذا مو قادره اتصلي على اللجنه الوطنيه للاستشارات النفسيه تحصلين رقمهم بقوقل وقدامك العافيه

شنو هاللجنه ؟؟

يعني استساره بالاتصال؟

اطباء استشاريين بالامكان استشارتهم وعرض حالتك عليهم لمن لا يستطيع الذهاب للعياده