هل ارتجاع المريء من اعراض نوبات الهلع
 

لو سمحتم هل ارتجاع المريء من اعراض نوبات الهلع
وماهوعلاجها
ولكم جزيل الشكر

نوبات الهلع تسبب القولون العصبي والتهاب المعده
فالجواب نعم
بالتوفيق

طيب
شنو علاجها لاني تضايقت منها
هل اخذ ادوية ارتجاع ام كافي ادوية نوبات الهلع

عالج السبب وهو الهلع
والهلع اصلا قلق نفسي حاد
ولو تكتب قصتك بالتفصيل افضل وباذن الله اساعدك

للارتجاع عدة اسباب منها التهاب المعدة و فتق الحجاب الحاجز و ارتخاء المصرة السمنة المفرطة.الى غير ذلك و لا يدل على شيء خطير
و اصحاب الهلع كثيرا ما يعانون التهاب معدة مزمن الذي يؤدي الى ذلك.و علاج الهلع يفيد في كل الحالات.تفيد مضادات الحموضةالعادية في تخفيفه
اذا استمر معك لمدة طويلة عليك استشارة طبيب للوقوف على العلاج الناجع.

انا من كتر الهلع والخوف والقلق والتفكير جالي التهاب اثني عشر وايضا ارتجاع مرئ وباخد ادويه مضادات الحموضه بس انا ماخذتش اي علاج للقلق ولا الهلع

عندك حق وكلامك صحيح بس بعد علاج الجرثومه لابد من الاستمرار علي ادويه الحموضه والارتجاع لمده طويله

اية الاخبار دلوقتى هل مستمرة على نفس الجرعة ولا غيرتى الجرعات وهل فية تحسن ؟

المهم يعمل تحاليل عند طبيب متخصص وهو اللي يقرر

اخي احمد انا سبت النكسيوم واخدت جاستروفيت قرصين الصبح وقرصين قبل النوم بس الالم بيروح ويرجع انا بلاحظ انه نوعية الاكل ليها دور فى رجوع الالم مع اني ولا باكل حراق ولا مشروبات غازيه بس والله نفسيتي بتتعب قوي لما بحس بالوجع وكلبشة البطن بس الحمد لله ...طمني علي حالك انت وضعك عامل ايه وهل انت متبع نظام غذائي معين ولا بتاكل اي حاجه

أختى ام حمزة ويحيى انا الحمد لله حاسس بتحسن بس هو بطي نوعا ما ..وبالنسبة للاكل يعنى الى حد ما بتجنب بعض انواع الاكل المسبك اوى والمقلى بصفى منه الزيت ...بس انا فى بداية علاجى مكنشى ينفع اكل اى حاجة من الاكل اللى بيتعب ده واى اكل تقريبا كان بيتعبنى بس الموضوع مع الاستمرار على الادوية احسن شوية بقيت اكل بعض حاجات كانت بتتعبنى الاول الحمد لله على كل حال ...اللى عاوز اقولهولك انتى لية وقفتى دواء المعده النكسيوم هو ده الاساس صدقينى ...الجاستروفيت ضعيف جدا مقارنة بيه وبعدين فى حالة وجود الالتهاب المشكله الحمض بيتعب جدا وانتى كده مش بتاخدى حاجة تقلل منه ..

والله انا حسيت اني بتحسن شويه مع الجاستروفيت بس احيانا اخد وااحده نكسيوم كل كام يوم كده لما احس بحموضه شديده بس لو اكلت مثلا جبنه تركي او شيكولاته او لحمة بيجيلي الالم الي بالجانب الايمن الي هو مكان الاثني عشر تقريبا وبيضايقني .. شكلي كده هرجع تاني اخد نكسيوم مع الجاستروفيت ممكن اخد حبايه واحدة نكسيوم 20 ....الغريب ان الالم ده بيخليني عصبيه ومتوتره جدا لما بيجيلي سبحان الله ...انا لقيتك رادد علي اتنين في موضوع الاخ ربي يحبك عندهم نفس الاعراض وسبحان الله بيقولو المنظار بين التهاب بالمعده مع انه لا يشعر بالام او قئ كل الاعراض نفسيه بردو الغريب ان الاعراض دي بتستمر فتره طويله قوي وبتخليني عايشه في توتر وخوف وقلق

كويس انك حاسه بتحسن مع الجاستروفيت وان كنت اعتقد ان لازم معاه النكسيوم ..عامه ربنا معاكى ويشفيكى ويشفينى وجميع مرضى المسلمين ..هو تقريبا التهاب المعده ده اعراضة بتختلف من شخص لاخر وان كان الشائع منها هى الاعراض المعروفة من حموضة والم موضعى بالبطن وقئ والاعراض اللى كلنا عارفينها بس فى ناس معينة ونسبتها بسيطة التهاب المعده بيقلب معاه لحاجات تانى زى مثلا الشكوى بتاعت تسارع نبضات القلب انا سمعت شكوى من كذا حد انه فجاه حصله تسارع فى نبضات القلب واحساس بالهلع وخوف من الموت الموضوع ده سمعتة من ناس كتير ولما بيقوموا بعمل فحص طبى بيلاقوا مفيش حاجة وكله سليم وعاده راى الطب بيبقا ممكن تكون بتوهم نفسك او انك عاوزة راحة او روح لدكتور نفسى ...انا لما حصلى الموضوع ده اتجهت لدكتور نفسى وقعدت فترة طويله فى المتاهه ده بس المشكله مكنتشى نفسية وعلى ما اعتقد ان اى انسان هيجيلة مرض نفسى لازم تكون فية صدمه حصلتله يعنى صدمه نفسية انما يصحى من النوم يلاقى الاعراض ده موجوده بدون اى صدمات نفسية او مشكلات اعتقد صعب تحصل

انا بدات معايا كنت وفتها مضغوطة جداااا ومش مستقره وبنقل من بيت لبيت وكنت قلقانه من كزا حاجه وواخده كل حاجه علي اعصابي ممكن انت بتقلي انك من سبع سنين ممكن وقتها كان عندك ضغط امتحانات مثلا او قلقان من حاجه مش شرط صدمه معينه