ماصدقت أعالج الاكتئاب والضيقة والوسواس إلا ويطلع مكانهم الطفش والملل
 

السلام عليكم ورحمة الله وبركاته

أخواني أنا لي فترة كنت أعاني من الوسواس
والاكتئاب وصرف لي الدكتور علاج أنافرانيل ١٥٠
وسبراليكس ١٠ وزيبريكسا ٧ ونص وريميرون ١٥
والحمدلله تحسن عندي الوسواس والاكتئاب
لكن لي كم يوم أحس بطفش وملل فضيع
مايفارقني كل شي سويته طلعت من البيت
غيرت روتيني وللأسف الملل ملازمني بكل شي
أطلع من مشكلة وأطيح بمشكلة ثانية لاحول ولا
قوة إلا بالله .. أحد منكم حصل له نفس حالتي
وهل لهالطفش والملل علاج وياليت بأسمه
عشان أترك السبراليكس واستخدمه ؟؟
ووش رأيكم بالبروزاك هل ينفع لحالتي .. اسعفوني
لاحرمكم الله الأجر ؟؟

الله يشفيك ويعافيك وان شاء الله يجي اليوم

اللي تترك فيه الادويه وما تحتاجها وتصير أحسن من اول

ما عندي اي خبره عن الادويه بس سمعت عن البروزاك

ان اعراضه خفيفه ويناسب ناس وما يناسب ناس

بس ارجوووووك لا تأخذ بكلامي عن البروزاك

وتجربه وتكون تجربه سيئه والسبب انا

أتمنى انك تكون بخير وراحه وسعاده

مثل ما أتمنى لنفسي

آااااامين الله يسمع منك مشكور وماقصرت يا أخوي

الطفش والملل يا اختي عرض من اعراض الاكتئاب .. معقول ما كان عندك ايام الاكتئاب ؟!! ولا توك تشعري به لان المرض خف وانتبهتي لنفسك ..
على العموم الاكتئاب له الف وجه والطفش والملل وجه من وجوهه ..

لا شكر على واجب

اخوي الحزين بما ان لديك خبره بالادويه

انا أخذ سيروكسات سي أر ولي 6 اشهر

ابتديت ب 12،5 مل لمدة 40 يوم

وبعدها رفعت الجرعه آلى 25 مل

لمدة 3 أشهر ونصف

وبعدها خففت الجرعه آلى 12،5 مل

ولي قرابة شهر وأسبوع

من بعد العيد زادت علي أعراض قويه جداً

ضيقه وقلق وكرهت كل شي

أعراض قويه ولا تطاق لي أسبوعين زايده علي

متى تستمر اعراض تخفيف جرعة السيروكسات

ابي مشورتك الله لا يهينك

والله كلامك صحيييح اتوقع من شدة الضيقة
ما اهتميت بالملل ع العموووم الله يشرح صدورنا
جميعا ويشفينا ويشفي كل مرضى المسلمين

هذا الشيء ليس علاجه بالأدوية
وعلاجه تدريجي مع الوقت
لازم تتحمل وتستمر على نفس العلاج بدون تغيير
واستمر بتغيير روتينك والرياضة وحاول تتدرب على رياضة تحبها

صح كلامك يبغالي أسوي رياضة باستمرار
عسى يارب يروح مني هالملل

انا بعد عندي هالشعور المملل و الطفش لازم يكون عندك هواية تحب تمارسها و عندك وسائل التواصل الاجتماعي انا والله كنت اتمنى من اهلي لما كنت صغير يدخلوني تادي رياضي لكرة القدم او كرو اليد انا متأكد ان ما اصاب بالاكتئاب كنت قبل المرض 2004 اتابع الكرة العالمية و الدوريات الاوروبية و استمتع بالمباريات و الافلام الامريكية لكن كله تبخر و انتهى حتى لما اشوف فيلم في البيت اعتبره انجاز كبير

المشكلة انه حتى الأفلام ومواقع التواصل الاجتماعي
وكل شي صار يطفش الله المستعان والصبر الجميل

كم لك تستخدمين الادويه ؟

سنة وزيادة

متى طلعت نتيجة الادويه بالضبط ؟

بعد أسبوعين