في احد منكم تشافى؟
 

معقوله كل الي بالمنتدى حياتهم مثل ماقام اقراها
ان خلاص ماكو علاج والدكاترة مو زينين والمرض راح يبقى معاهم طول العمر والي يقول نهايتنه انتحار
بفهم شي واحد وين الي تشافووو من المرض؟
ابي الي فيهم قلق واكتئاب يجاوبوني الحياة بتم جذي ع طول ولا انتو حياتكم ترد طبيعيه ولمن تنتكسون تردون ادشون المنتدى بس خالنفهم عشان انعرف ان انتو العلاج قام يفيد معاكم ولا بس ماكو امل؟
واذا صج كلامكم ان خلاص ماكو امل هذا معناته ان خلاص احنا بعد نروح نموت احسلنه استغفرالله
العلم كل ماله ويتطور ياجماعة
.
.

الشفاء بإذن الله موجود

لكن مو في يوم او يومين

الإكتئاب قبل ما يُصيب الإنسان

كان يأتي بمؤشرات تدل على وقوع الإكتئاب حتماً

فنتيجة العلاج وسرعة الشفاء ليست بالأمر السهل

الصبر واجب والعلاج بالطريقه الصحيحه واجب

والإبتعاد عن الضغوطات النفسيه واجب

و الإبتعاد عن الأفكار السلبيه واجب بل فرض عين

حتى يتم الشفاء بإذن الله .

كثير اللي تشافوا
لكن اللي يشفى من الامراض النفسية ما يحب يتكلم عن مشكلته السابقة وهالصفة فقط في الاضطرابات النفسية

جاسم ركز بمشكلتك فقط لاتدور في حلقه مفرغه

العلاج يفيد 50% من المرضى ويتعافون لاتنظر الا الجانب المظلم

انا الادويه فادتني حيل فادتني وفي غيري واجد فادتهم الانسان طماع ياجاسم لو تحسنت 20 بتقول ابي 30 ،40، 50 ، 60، 70، 80 ، 90 ، 100 وهكذا

انا الحمدلله انتحسن فتره وانتكس
مادري عن السبب وانا مستمره بالعلاج

ممكن تحتاج مثبت مزاج

اخخ سامي مثبت المزاج حق الي عندهم ثنائي القطب مو حق الي عندهم اكتئاب عادي

اتحدى احد استخدم ادويه وتركها للابد بدون معاناه

مشالله عليك اخوي
اتوقع وجودك بالمنتدا عشان تبعث الطاقه السلبية بينا لا اكثر ولا اقل

مااعرف مثبت مزاج ولا عمري استخدمته
وشلون هو يستخدم دائم مع العلاج ؟

العلاج يحتاج الى صبر و مثابرة ، و ليس مجرد حبة دواء تبلعها و خلاص !

انا استخدم سيبراليكس ، بالإضافة للمشي السريع نصف ساعه يومياً ، و شرب الماء و التغذيه السليمة ، و العلاج السلوكي المعرفي و الإسترخاء ، كل هذه الأشياء نفعتني و خففت معاناتي بنسبة 80٪‏

اخوي دكتورك قالك انك راح تستمر على الحبوب طول العمر
ولا راح يوقفلك ياها على يوم

بالنسبه للدواء حاولت إيقافه بالتدريج ، ولكن عادت الي اعراض القلق و الإكتئاب ، فإستخدمته مرة أخرى ،، بصراحة العيش بدون الدواء مؤلم جداً ، و الدواء امن جداً حسب كلام الطبيب ، الحمدلله على كل حال

حق الي نفس حالتي وحالتك الي عندهم قلق عام
الدواء زين معاهم وحالتهم تستقر الحمدالله
ولكن الي يخوف لمن تسمع الي يقولون ان الدواء له اثار ع المخ ع المدى البعيد

لازلت مقتنع ان المرض النفسي واحتفظ ع النفسي لان اصلا يسموه المرض العقلي او الدماغي المهم لان هو اصله عضوي بحت بالراس بس لانه يؤثر ع امور حساسه كالافكار والشعور والوجدان والذاكره حسبوه نفسي المهم من معاناتي للمرض قرابة ال15 سنه اشوف ان الادويه تمشية حال وماعندنا بديل
الشكوي ع الله