وسواس الموت المفاجئ والخوف من الاحلام
 

اسمحولي افضفض معاكوا شوية انا زيي زي ناس كتير هنا حياتي كلها خوف وتعب بس الفرق بيني وبينكوا أن بقالي حوالي ١٧ يعني نص عمري ضاع وانا خايفه انا حاولت كتير ابطل خوف وقلق ورعب ..
بدأت القصة لما جالي نوبة هلع وانا ف باص المدرسه
وحسيت ساعتها اني فعليا بموت الدكتور قال توتر عصبي ساعتها مكنتش اعرف اي حاجه عن مرض الهلع عدت الايام دخلت الجامعة وحاولت انسى ..
ورجع الخوف تاني اقوى لما حلمت حلم بجدي وبعدها على طول توفى خفت من نفسي وحسيت اني غريبه وفيا حاجه انهرت وتعبت وخفت اكتر بعدها الوسواس زاد ومع كل حلم بدأ يزيد خوف وأحس أن الموت قريب مني ..

كبرت وكبرت مخاوفي وهواجسي ورعبي معايا ..
ملخص حياتي اني متعايشه مع وسواس الموت المفاجئ والخوف من المرض مع كل حالة وفاة أو خبر مرض اي شخص الرعب بيبدأ والاعراض تشتغل الخوف الرعب وجع البطن نغزات صداع دوخه وإحساس بالاغماء قلق وارق رهيب اخدت مهدئات وأدوية قولون عصبي وجربت اعمل انشطه وانخرط ف المجتمع ومفيش فايده ..
اي حد توفى بيجي على باللي اقول اكيد جه على باللي لاني هموت ..
والموضوع زاد بعد وفاة جار ليا فجأة ف حادث برمضان
وبعد ما سمعت عن بنت قلقت من نومها على أية قرآنية وفسرت الأمر بدنو الآجل وبعدها فعلا بثلاث اشهر توفت

انا في دوامة من الخوف والقلق والرهبه والهلع
صحيح بشتغل وبخرج بس مفيش حاجه بعملها وانا مش خايفة .

عايزة حلول مش عايزة حد يقولي كلنا كده لاني بجد تعبت انا الحمدلله بصلي وعارفه ربنا بس ده ملوش علاقة بالدين ده مرض خارج عن ارادتي

كويس انك عارفه ان ده مرض وملوش علاقه بالدين لان للاسف كتير مش فاهمين كده ليه متروحيش لدكتور نفساني تتعالجي ويديكي ادويه علشان نوبات الهلع والقلق ده
ونفسي اعرف مين البنت دي اللي كل بيحكي عنها اسمها ايه؟

رحت لدكتور كتبلي شوية فيتامينات وأدوية قولون عصبي ودوجماتيل ٢٠٠ مل ٣ مرات في اليوم وحاجه اسمها مودابكس ..
الكلام ده من ٥ سنين تقريبا الوحيد اللي ياخده دوجماتيل بس تركيز ٥٠ مرتين او مره في اليوم ومبحسش بفرق بس انا بحاول لما تجيلي فكره وحشه بموت أو مرض أو دعاء على النفس اقول ده مش حقيقي ده وسواس ده مجرد وهم ساعات بينفع وساعات لا

دي بنت صغيره ف اعدادي اتوفت ف رمضان والبوست ده كانت كاتباه من قبلها بشهور على الفيس بوك والناس تداولت البوست بس حقيقي رعبني مع إن ناس كتير شايفين إنه كلام عادي و ملوش علاقة باللي حصلها

ربنا يشفينا كلنا والله انا كمان تعبت جدا لان وسواس الموت مسيطر علي من خلال الاحلام. الاحلام بس كل حاجة تانيه بقدر اسيطر عليها الا الموضوع ده 😞

اهلا اختي مها المصريه .انا كمان مثلك مصريه وعندي وسواس الخوف من الموت والخوف من توقف القلب .والخوف من الموت المفاجيء .وخوف من الاحلام .
وعندي وسواس منذ ٦ سنوات واكثر .أخاف في كل وقت .وكل وقت افكار وتخيلات.

المشكلة إن نحن جميعنا على علم أن ما باليد حيلة وان الموت أمر حتمي ولكن نخافه ونفسد لذه العيش على أنفسنا ..
نصيحتي لكي من خلال تجربتي مع الوسواس لسنوات طويلة التجاهل ثم التجاهل ثم التجاهل
والتوكل على الله حق التوكل
والدعاء بالخير للنفس والأولاد والتضرع لله
كثرة الصلاة والتفاؤل

هيجي عليكي اوقات هتضعفي وخوفك يزيد وتحسي انها النهاية لكن انصحك بعدم الاستسلام انتي اقوى من هذه الخيالات المخيفه ..

ادعو الله لي ولكي بالشفاء العاجل

اختي الحبيبه زهرة الآلام
انا كانت حالتي جداً سيئة ف البداية كنت مش بخرج من البيت أيام بسبب الخوف والرعب من اني اموت ولكن فكري معي هل نتستطيع ان نمنع الموت عنا بالخوف !!!!!!

والله ما نستطيع ...

من تجربتي انصحك بالاستعاذه من الشيطان فور رؤية اي حلم يبعث الخوف في نفسك ولا تحكي الحلم ولا تفسري وتجاهلي ... وكوني على يقين أنه لن يصيبك شيء بإذن الله

الله يشفيكي ويعفو عني وعنك

امين يارب

الله يشفينا جميعاً يا أختي لو تلاحظ أعراضنا متقاربة وتتغير مع كل موقف صعب يمر بحياتنا أسأل الله العظيم أن يفرجها علينا عاجلاً غير آجل

فكرتي تستخدمي علاج دوائي؟

ايوا تتغير عشان الشيطان يخلينا نتوهم انو اللي فينا شيء عظيم او لسى الاطباء ماعرفوا ايش فينا
ربي أرحم الراحمين يرحمنا برحمته الواسعه

استخدمت دوجماتيل فقط وهو مهدىء خفيف يستعمل كعلاج للقولون العصبي

اللهم آمين

فعلا نفس الاحاسيس والمشاعر والاعراض ربنا يعفو عنا

اللهم آمين

فعلا نفس الاحاسيس والمشاعر والاعراض ربنا يعفو عنا

الله يشفينا جميعا