ناصح لكم
 

ي جماعه انا اكثر انسان في المنتدى يخالط الناس

بحكم اني عسكري ودوامي عباره عن مجلس وسواليف

صدقوني والله الوحده تخلق لك مشاكل بالحقيقه مو موجوده

انا مع بدايه الامر كنت احب اجلس وحيد لكن مره تلو المره صرت اكرهه الوحده

والله العسكريه افضل علاج سلوكي يعلمك الانضباط والتحكم بانفعلاتك ولا تبين خوفك

نرجع للموضوع ترا كل الناس ماتسوي الا اللي يرحيها يعني تشوف وحيد تسال نفسك ليش منعزل عن الناس بس هو تلاقيه مرتاح

بس الوحده شي غلط ودمار اللحين تقول مدمن مخدرات ليش تتعاطى يقول كذا ارتاح بس غلط نفس الوحده عرفتم نصيحتي لكم

حاولو تجلسون مع اخوانكم او جيب اخوياك المجلس حتى لو ماتسولف اهم شي في ناس جنبك يسولفون صدقوني هذا الصح

تصدقون معاي ناس مندمره اللي يتعاطى واللي يحشش والخ

واقول بقلبي سبحان الله انتم تتعاطون عشان تفقدون عقلكم اما انا اكل حبوب نفسيه عشان تعدل عقلي

احيان اشوف نفسي ان الله انعم علي واني احسن منهم وهم اقل مني ل حد يتفشل من حبوب ترا غيرك حمير يتعاطون بلا عقل

والله محد اقل من احد في شخص يرضى يظل طول عمره طايح وفي شخص الدنيا عجزت تكسره

امنا بالله انك مريض بس في علاج يضبطلك كل امورك السوال ليه انت طايح لاتقول انا مريض دام علاجك موجود

ياخواني الحبوب ماتغير الواقع ولا تعيشك بوهم المساله ان الحبوب تقومك ع رجلينك وانت واجهه الدنيا انت وشطارتك

ياخواني الحبوب تقولك يافلان روح دور راحتك وان حصلتها انا عزيزه نفس انت الان مو بحاجتي وتقدر تتركها

بالمعنى اسعى روح بر اطلع بحر خالط الناس اذا وجدت ضالتك وراحتك خلاص ماراح تحتاج حق الحبوب

ما شاء الله عليك ربي يقويك
و يجزاك خير على النصايح الجميله.

اهلان وسهلان بمستكفه ويجزاك بمثله ي رب

اكثر موضوع محفز وداعم

شكرا لك

بالتأكيد أن الإختلاط بالناس ((((( ليس اي ناس ))))) يساعد المريض النفسي

الرفقة الطيبة والرجال اللذين يعرفون الأصول كنز وأي كنز

ايوا صح الاجتماع بالناس مطلوب بس بحدود
لأن وانا اختك مو كل الناس على قلبك
بالعكس بعض الاختلاط يزيدك هم وبلا
اخوي نصايحك محط اهتمام
شكرا اخي