هل المستشفى الحكومي في جده يوفر ادويه؟
 

السلام عليكم



قررت الذهاب الى مستشفى حكومي لان تكاليف العلاج غاليه بالنسبه لي وتم تحويلي الى مستشفى الملك عبدالله في جده....هل احدكم زار الطب النفسي في هذا المستشفى؟ وهل يتم صرف كل الادويه بالمجان ام فقط الادويه الرخيصه؟

مستشفى الملك عبدالله في اي حي؟

ابحر الشماليه

مو بعيد عنا كيف اجراءات التسجيل فيه لو تكرمت

عن طريق مركز صحي حكومي يحولوك على المستشفى وتاخذالتحويل ويدوك موعد

جزاك الله خير

ايضا انا اشكرك على المعلومة..
اما عن المستشفيات الحكومية و من خبرتي فإن مستشفى الصحة النفسية نعم تتوفر فيه الكثير من الادوية النفسية بل قد لاتجد بعض الادوية الا عندهم..و بنسبة اقل الادوية موجودة في الجامعي و مستشفى الحرس الوطني.

للأسف اغلب المستشفيات الحكوميه ينفذ منها الادويه بشكل سريع لذا سوف تتعب قليلا الا اذا كانت حالتك طارئه

جنب بيتي اذكر اول ما فتحت قبل خمس سنين تقريبا حتى ما كان فيها دكاتره رحت انا و ماما و اختي و فتحنا ملفات عادي و دخلونا على طب الاسره جلست معانا دكتوره سالتنا عن مشاكلنا الصحيه و كتبت في ملفاتنا ايش المفروض الادويه الدوريه اللي تنصرف لنا و الجرعات و طلبت لنا تحاليل عملناها في المختبر ترى المستشفى كويسه اسمع كثير صحباتي عملوا عمليات عيون فيها و كمان اخصائيات التغذيه يمدحوهم اما بالنسبه للجانب النفسي فما ادري والله كيف وضعها.

اجل طلعت جارتي مستكفة الله يحييك على فنجال قهوة

تراها وراء بيتنا ، يمدينا نمشي على رجلينا حمستيني نفتح ملفات فيها بدال مستشفى القوات المسلحة اللي بالتحلية مشوار

هل فتحتوا ملفات عن طريق مركز صحي ؟

اهلين جارتي ربي يسعدك و يكرمك يارب
احنا زي ما كتبت بالرد السابق فتحنا ملفات عادي في نفس المستشفى اول ما فتحت الكلام دا قبل خمس سنين هي طبعا جديده ما ادري دحين كيف سياستهم بالنسبه لمركز صحي ابحر انقسم قسمين اللي بعد ارض السعاده القديم و الثاني الجديد اسمه مركز 105 خلف مستشفى الملك عبدالله ابحر كبيره و ما شاء الله صارت مكتظه سياسه المراكز الصحيه اتغيرت و يمكن المستشفى تغير نظامها ربي ييسر امرك حبيبتي و يمتعك بالصحه و العافيه.

المستشفى اول مافتح كان عادي تقدرو تفتحو ملفات لكن الان لازم تحويل...عادي روحي المركز الصحي الي في 505 وافتحي ملف واطلبي تحويل لدكتور نفسي حيحولوكي على طبيب يكتب حالتك والادويه الي تستخدميها وتختميها من الاستقبال وتروحي المستشفى يفتحولك ملف ويقولولك راح توصلك رساله بالموعد..حتوصل تقريبآ بعد اسبوع الرساله والموعد حيكون بعد شهر من استلام الرساله

عيون متفائلة انتبهي لهالنقطة اللي كتبها متحري خاص
اذا حابه تفتحي ملف
و على فكره المركز 505 اللي خلف المستشفى لجهه معينه من سكان ابحر انا لما رحت المركز الصحي القديم اللي على امتداد شاليهات ارض السعاده عشان اتطعم للحج قالوا رحلنا كثير ملفات لمركز 505 انا ملفي في المركز القديم لانه اقرب لبيتي هم قسموا منطقه ابحر شي بالقديم و شي ينتمي للمركز الصحي الجديد حسب مواقع السكان شوفي انتي اقرب لمين فيهم روحي له وخليهم يحولوك.
الله يمتعكم بالصحه و العافيه جميعا.