ضايعين ولاعارفين ايش المرض ولا العلاج
 

ضايعين بالحياه ولانعرف ماهي علتنا وماهو دوائنا
اكتئاب خوف وسواس قلق توتر هلع امراض روحيه عين حسد مس سحر ماتدري وش مرضك ووش علاجك كل يوم يمر الاصحاء يستمتعون فيه ينجزون وانا تايه اليوم قاومت نفسي صليت الجمعه وقريت قران واستغفرت وصليت عالنبي
واخرتها ضيقه شديده واكتئاب ونرفزه وكاره كل شي يعني هذا جزا الي يادي العباده بدل مايتحسن تزيد الحاله؟؟؟ابي تفسير للي قاعد يصير
لما اشد على نفسي فالعباده بدال ماتحسن تزيد الحاله ابي تفسير واضح ليه يصير كذا المفروض الواحد تنزل عليه سكينه وطمأنينة

اولا يااخي العزيز استغفر ربك مافيه شي اسمه هذا جزا اللي يأدي العباده يتعب
المساله سهله اذا اردت ذلك
اولا خذ قرارك باعلانك الحرب على الحاله اللي انت فيها
بالطريقه التاليه:
1- الكشوفات والتحاليل الطبيه
اذا قالو سليم تروح ل
2- القراءه عند شيخ راقي
اذا قال لك سليم
3- تعرض نفسك على دكتور نفسي وتبدأ علاجك
هذي افضلا خطه للعلاج
ولازم تكثر من الكلمات التفائليه دايم كل ماجاتك الحاله ارفع راسك للسماء وقل ياربي لك الحمد والشكر لازم تعترف بحالتك ولازم يكون عندك رضا بقضاء الله وقدره
بالتوفيق

ياخي ابعد عن اللي يقولك روح عند شيخ يقراء عليك

الاغلب كذابين دجال

انت مشكلتك حلها عند الطب النفسي لكن انت ماخذ فكره غلط عن الادوبه النفسيه ..ياخي ارى اغلب الناس ياخذونها وانت ماتدري عنهم

انت لو مستمر على علاجك السابق سيروكسات كان شفت العافيه بعد هالمده

بس ابي اعرف سبب لما اشد فالعباده تجيني هالاعراض وتثاوب وقت الصلاه معقوله شيطان او عارض يتحكم فجسمي ومخي والله مشكله
بنسبه للتحليل بسوي تحليل للغده ودال وانا اخذ الان فيتامين ب وزنك وغيره ومغنسيوم ملتي فيتامين
أما الشيوخ مامنهم فائده شفط فلوس ولايهتم فيك عن تجربه انا ارقي نفسي بس ما اشوف تحسن وهذا الي قاهرني

انا ابي اتحسن واصير طبيعي بدون اي دوا نفسي قلي اي دوا الا نفسي كرهت الأدوية النفسية انا اخذ فيتامينات وبشوف كان في تحسن يعطيكم خبر

بس انا ابي اعرف سبب الضيقه والنرفزه والكابه بعد أداء العبادات شي غريب الناس ترتاح وانا اتعب

ما تشوف شر يا صبري

كلنا نفس الوضع حتى انا لما اقرئ على نفسي تزيد الحالة سوء

يا رجاااال انتهت الحياة بالنسبة لي

بدون دووواء يعني انتحار

الحمدالله على نعمة الدواء

على الاقل يخفف من العصبية والاكتئاب ويضبط المخ لو بنسبة بسيطة

شي احسن من لا شي والحمدالله من قبل ومن بعد

عفوا اخي الكريم
من متى اصبح الرقاة كذابين ودحاليت ؟
احمد ربك على العافيه لانه لو صالك مس او حسد او سحر
وقتها راح تعرف قدر العافيه

انت من وين

مل الصبر مني وانا منه مليت

خلها على الله ي صبري

محمد
الوضع مزري يبغاله انتشال النفسيه محطمه والي يغبن لما تبي تشد عنفسك فالعباده تتعب وهنا المشكله والله الدعوه فيها شي روحي واضح

بن دايم يارجال الرقاه أكثرهم قراءه جماعي وهذا تزيد المرض ولا تنفع يشغلك مسجل وبس
كان تعرف احد بالدمام كويس

بدون خطه
طال الصبر والمنتضر مل صبره
لوتقولي شي عالاقل يهدى الوضع مثلا هل انت تصلي لما تصلي ترتاح ؟
ووش تفسر أن لما اصلي واستمر اتعب واوقف

هل الشيطان والجن قوي لهدرجه أن يتحكم فيك وفي مزاجك
والله اني من فتره طويله ماذكر اني استمتعت بلمذات الحياه الدنيا متاع وانا ماشفت أي متاع وكله من الاكتئاب اللعين

صبري شوف مشكلتك تتمركز بين ثلاث اتحاهات


اولا الانسان اذا من زمان ماصلى يشعر في بدايتها بتعب من الذنوب كانك تطهر جرح بمعقم ثم ترتاح


ثانيا الاكتئاب يسبب تعب بكل امور الحياه مثلا بتروح مشوار تخلص شغله الحل الانسان يرضى بقدره والمرض ويجد الراحه بصلاه لكن اهم شي لازم يرضى

ثالثا المرض روحي اذا صلى يتعب واذا ماصلى هم يتعب الشخص لازم رقيه شرعيه عند راقي ثقه وسوف يتحسن ويشعر الراحه بصلاه بعد مايضعف العارض

صبري انت لازم تشق لك طريق ياتلتزم بصلاه وتصلي الفروض الخمس مايصح انسان يصلي يومين ويترك اسبوع ثم يصلي يوم ويترك اربع ايام لان راح يتعب لاتستعجل ولا تفكر بشي الا انك تصلي وبس انت فاهم قصدي لاتصلي الفجر وتنطر وتقول ماتحسنت وتقطع الصلاه لازم الاتزام لازم تاخذ حبوب وتصلي صدقني بتشوف الفرق بمحجر عينيك اجبر نفسك شد عليها خل همتك قويه خاصه بصلاه

انت من اضاع نفسه لأنك تقارن نفسك بفلان وعلان


انا لم اضيع لاني اريد العيش ولا اعلق نفسي بما اقرأ

بسم الله
من تجربه
لاتشد ع نفسك بالعباده ادي من العبادة ماتستطيع وراح ترتاح الله ماطلب فوق طاقتك