رجعتلكوا بعد شهور :)
 

ازيكم انا غبت فترة طويلة :)
عايزة احكيلكم علي تجربتي الفترة اللي فاتت انا الفترة اللي فاتت كنت اتحسنت كتير جدا صحيح الوسواس كان بيتنقل من حاجة لحاجة بس كنت متقبلة الأفكار جدا ومكنتش بتاثر عليا وكنت بتستغرب من نفسي ازاي كنت بخاف كدة
المهم الشيطان كان بيقعد يتلاعب بيا وافتكر أحلام واربط أحداث والمشكلة أن انا التفكير دا عندي بقي مرض بحلل كل حاجة حاجة تتعب بجد
في وقت حصلت مشكلة عندنا ف البيت أثرت علي نفسيتي وبدأ أفكار تجيلي بس رجعت تجيلي علي حد معين ونمت مضايقة وحلمت حلم ضايقني اوي ومن ساعتها وانا مش مظبوطة والأفكار مش سايبني وعلطول بعيط ف البيت وف الشغل
حد بيحلم أحلام فيها اشارات حتي لو كان بقي كويس؟

انا لسه كنت كاتبه موضوع عن الاحلام اللي بتيجي بعد ما اتحسنا بس انتي مفيش داعي تقلقي لانك بتقولي مشكلة حصلت عندكم في البيت وبعدها حلمتي الحلم ده يبقي اكيد من تفكيرك ونفسيتك

يارب يبقي كدة
حلمتي قبل كدة باشارات وفسرتيها؟

يعني ايه اشارات قصدك رموز يعني

ايوة حلم يبقي ليه رمز يفسر
انا قلقانة من كدة اشمعنا الرمز دا الي يجيلي حتى لو قلقانة

ايوه حلمت برموز انتي الرمز اللي حلمتي بيه تفسيره سيئ

احلامنا كلها مرتبطة بمخاوفنا وحالتنا النفسية
انا زيك بتحسن وابقى كويسة واقعد شهور مفيش وسواس ولا نوبات هلع وفجأة كل ده يختفي وارجع أسوأ بسبب مشاكل ف البيت او الشغل وابقى حاسه اني بموت
١٠٠ مره في اليوم .. مش قادره اقولك تجاهلي وخلاص بس حاولي تكوني اقوى واحنا كلنا معاكي

متخافيش ومتفسريش استغفري ربنا كتير
وقولي لا اله الا الله وحده لا شريك له له الملك وله الحمد وهو على كل شيء قدير مش هيحصل حاجه وحشه ان شاءالله

انا مواظبه عليها صباحا ومساء وكنت بحلم عادي 😥 بس لما قررت اتجاهل الاحلام وبطلت افكر فيها واعيش يومي عادي خفت الاحلام الحمد لله ربنا ينجينا من شرها

ايوة أنا تعبانة من وقتها

انا فعلا دي نفس الكلام أي مشكلة بتاثر فيا نفسيا وارجع أفكر تاني واتعب ..الوسواس اللعين مخليني مش ببطل تفكير

لا متخافيش ان شاء الله خير عقلنا الباطن زي ما يكون مخزن الوسواس والافكار جواه لان مهما نكون كويسين ونتجاهل وعايشين حياتنا طبيعي الافكار تيجي في بالنا برضه حتي لو لثانيه واحدة وطبعا الشيطان هيخليكي تحلمي علشان يرجعك لدوامه الوسواس والتفكير
حاولي تتصدقي باي حاجة لدفع اذي الحلم اللي انتي حلمتيه وادعي طبعا واستغفري

كلنا نخاف من الاحلام .

الله يشفينا يارب