يا جماعة الخير اللي جرب مثل اعراضي يفيدني ؟
 

السلام عليكم جميعاً

في البدايه كان عندي نوبات هلع

بدأت معي في ايام المراهقه وعمري وقتها 14 سنه

هلع وضيق تنفس وبرود أطراف ونفضه في الجسم

وكأني بموت واقعد اخاف وأغير مكاني وأدور في البيت

وأتعوذ من الشيطان واسمي بالله ربع ساعه وأهدأ

المهم قبل 10 شهور رجعت النوبه وكانت قويه قويه جداً

وأعراضها كالسابق بعدها بنصف ساعه ذهبت للمستوصف

السكر 120 سليم والضغط 135 سليم والحراره 37 طبيعية

ما صدقت أبد ، خذيت حبه للدوخه ونمت وفي الليل جاني

وسواس الموت وجنن عيشتي بعدها بأقل من شهر

جاني قلق فظيع جداً لدرجة اني أتحرك ما اقدر اقعد

بعدها بأسبوع اسودت الدنيا بوجهي وخوف وتغير في كل شي

وآخر شي وسواس الموت

علاجي سيروكسات سي آر 25 مل لي 7 شهور ونصف

3 شهور ونصف حبه كامله وبعدها خفضت الجرعه

الى 12.5 مل من تلقاء نفسي

فيه تحسن من ناحية الاكتئاب

والسوداويه خفت بكثير لكن بعد تخفيض الجرعه

رجعت اغلب الأعراض ومن ضمنها القلق و وسواس الموت

وش الحل يا جماعة الخير ؟

هل الأعراض هذي من تخفيض الجرعه ؟

وماهى العلاج المناسب لي ؟

وحبيت أضيف ان في الفتره الاخيره

اذا اشتغلت مثلاً انظف غرفتي

يزيد عندي الهلع والقلق والتفكير بشكل فظيع

!!

حياك الله اخوي
طبعا اغلب الاخوان اعراضهم متقاربه وايضا اعراضك
فلو تقرا المواضيع راح تشوف مواضيع كثير مكرره واساله بعد
بالنسبه لعودة الاعراض انت اخطيت بانزال الجرعه من نفسك
لكن كم لك الان وانت منزل الجرعه ؟
وكم عمرك ؟
في انتظارك

صحيح اخطيت لكن بحكم ان العلاج ما ناسبني

قلت صعب اتركه فجأه لازم اتدرج فيه .

لي تقريباً من بداية شهر 11 ذو القعدة الى الآن

4 شهور تقريباً على جرعة 12،5 مل

العمر 28 سنه

ممتاز
العمر كله يارب
اجل وانا اخوك استشر طبيبك علشان يرفع جرعتك
وباذن الله شهر وراح تحس بالتحسن
المهم انك تساعد العلاج بالمحاربه والمقاومه والتطنيش
انت تتابع مع اي دكتور ووين ؟

آمين وياك يا الغالي

ما عندي دكتور للأسف

السيروكسات صرفه لي طبيب عام

وكل ما أخذ موعد يتغير الدكتور

وكلهم حولوني للطب النفسي في الحكومي

بس ما رحت أفضل عياده نفسيه خاصه

وعن قريب بإذن الله بروح

سيروكسات فقط