هل يوجد بديل لإندرال لا يتعارض مع الربو
 

حظنا هباب في كل حاجه حتي الدوا
علي العموم بعد ما لقيتش حد هنا يفيدني
عملت بحث اخد مني يوم كامل
ووصلت ان مجموعة (حاصرات بيتا ) كلها تساعد بدرجات متفاوته في السيطرة علي اعراض القلق والرهاب
ولكن تختلف فعاليتها عن بعضها
والمجموعة دي تنقسم لتلات اقسام
حاصرات بيتا 1انتقائية وحاصرات بيتا 2 انتقائية وحاصرات بيتا1مع بيتا 2 غير انتقائية
حاصرات بيتا 2 الانتقائة هي الاقوي وعلي رأسها البروبرانولول (اندرال)
ولما ان مرضى الربو بيحتاج مستقبلات بيتا 2 بالذات تفضل مفتوحه فبالتالي لما بياخد اندرال مثلا بيحصل عنده ضيق في التنفس نتيجه غلق مسارات بيتا 2 .
عشان كده مريض الربو مينفعش ياخد بيتا 2 انتقائية للاسف
والحل انه ياخد بيتا 1 زي بيسوبرولول ( كونكور) مع الحذر من الجرعات يعني بجرعات قليلة لانه مش معني انه بيتا1 انه مش هيسبب ضيق في التنفس
الصحيح ان بسبب لكن بصورة اقل لانه بيعمل علي بيتا 2 برضه بس بصورة قليله جدا
وطبعا الكونكور مش بكفاءة الاندرال في السيطرة علي اعراض القلق
ممكن برضه ناخد بحذر حاجه تكون غير انتقائية بتلعب علي بيتا 1 وبيتا2 والفا كمان زي الكارفيديلول ( كارديلول ) بيسبب ضيق لكن بصورة اقل من البروبرانولول ومفعولة وسط مابين الاندرال والكونكور

حسبي الله عليه توكلت وهو رب العرش العضيم