|
لو مافيني اكتئاب
كان كملت دراستي وتوظفت وظيفه مناسبه وتزوجت وكان كل سنه اسافر
وكان استمتع بحياتي وممارسته الرياضه وكان استمتع بالعبادة والصلاه كل الي قلتها ينعم بها الإنسان الطبيعي الفرق واضح والمصاب جلل الاكتئاب ماكنت أتوقعه بهالقوه الي ياثر على كل عضو بجسمك |
تصدق بالله عاد مامشت حياتي الا بعد ماصادني الاكتئاب والقلق والرهاب تخيل توظفت وتزوجت وعندي اسره واسافر كل سنه ولله الحمد سواء مع اهلي او مع صديق الغريب العجيب ماسلكت امور حياتي الاجتماعيه الا بعد المرض على الرغم ان تجيني انتكاسات احيان من تغيير الادويه
|
اقتباس:
|
احمد ربك انا فيني اكتئاب ثنائي القطب + رهاب
لي 9 سنين اول سنتين اكتئاب فقط تعافيت بعد سنه انتكست العن من قبل وجتني اكتئاب ثنائي القطب ورهاب |
اقتباس:
|
والله ي احمد الراوي اني م اكذب عليك
رحت ل دكتور مصري سنه كامله اخر شي قالي انا عالجتك وصرت احادي القطب وانا اصلا المصري غاسل يدي منه بعدها تعب مني حولني الى عياده مطمئنه عند دكتور هشام اردني وصرف لي علاج لوكسول بقوه 200ملغ يعني وش معناتها يصرف لي لوكسول |
اقتباس:
|
الاكتئاب يهدم كل شي زي ماقلت يعني اعراضه مميته لولا الله ثم الدواء لو بنسبه بسيطه يشفي بعد الله مو مشكله لاكن هاذي اقدر زي الي صدمته سياره ومات وزي العمى الي مايشوف طول حياته يعني هذا النصيب اللهم لااعتراض
|
اقتباس:
لوكسول مو شرط يكون ثنائي القطب هو مدعم لمضادات الاكتئاب ويثبت المزاج وكثير عدهم اكتئاب احادي القطب ويصرفون لهم هالدواء واسمه الثاني لاميكتال |
الابتلاء بالمرض فيه من يراه نعمة و فيه من يراه نقمة
انت اللي تحدد و ما في ابتلاء نقمة كل ابتلاء نعمة حتى الامراض النفسية هذا مو كلامي كلام رسولنا الكريم عليه أفضل الصلاة و أتم التسليم قال : ما من مسلم يصيبه هم أو حزن حتى الشوكة يشاكها الا كان له بها أجر و ترى الأزمة تبي تفتح آفاق جديدة و تفتق حيل ما كانت تبي تفتحها العافية و قالوها قديما : الحاجة ام الاختراع يكفيك الدعاء و الاحساس بمعية ربك لك اللي يدفعك اليه و يسوقك اليه انكسار المرض و هذا يبي يخليك تتجنب المعاصي و تقبل على الطاعات و تتعرف على طاعات جديدة ما كنت تعرفها او تدري عنها قبل المرض يعني نعم كثيرة : صب الحسنات عليك صب و انت جالس ما بذلت جهد لمجرد انك مهموم او مكتئب محو سيئاتك لنفس السبب رفعة درجاتك و قربك من ربك و احساسك بحبه و ما ودك تزعله بالمعاصي فتتجنبها طمعا في رضاه سبحان الله احساسك بحب الله لك و حبك له ما يجي غير يوم تقرب منه و هذا مصداقا لقوله في الحديث القدسي : من تقرب الي شبرا تقربت اليه ذراعا و من تقرب الي ذراعا تقربت اليه باعا و من اتاني مشيا اتيته هرولة كل هذا مع غناه عنا و انه ليس بحاجتنا بل نحن المحتاجون اليه و هذي المحبة اللي نتجت من قربك منه تبي تخليك تحس بحبه لك و معيته و بالتالي تستحي تعصيه و تزعله و تبي تدور رضاه و تستغل كل طاعة و بالتالي تبي تتعرف على طاعات جديدة ما كنت تمارسها قبل شفتوا كيف كل هذي النعم في الدنيا فقط لمجرد الابتلاء غير طبعا جنة عرضها السموات و الارض فاكرين حديث المرأة اللي تصرع اللي وعدها الرسول صلى الله عليه و سلم بالجنة يوم قال : أتصبرين و لك الجنة ؟ قالت أصبر و لكن ادع الله لي ان لا أتكشف عند الصرع الله أكبر حياء عظيم حتى في حالة صرعها شايلة هم تكشفها رغما عنها و الان نساء المسلمين يخترن التكشف بكامل ارادتهن و في أوج وعيهن هداهن الله الشاهد يوم قال لها : اتصبرين و لك الجنة هذي ترى رسالة لنا اهل الابتلاء ترى هذا وعد لنا بالجنة تخيل بالله شعور هذي المرأة و هي تدري ان مصيرها الجنة هل يبي يهمها مرض او فقر او شي تخيل انك عايش و تدري ان الجنة تنتظرك هل هذا شعور بسيط انا عجبني شعور الاخ اللي قال انا بالعكس يوم ربي بلاني انفتحت لي الدنيا و فعلا هذا اللي يبيه منا ربنا اسأل الله ان يديم عليه النعم و يزيدها هو ما كذب في اعترافه لأنه بيده حدد مصيره يوم وسع نظرته للابتلاء و هل فيه دنيا تفتح و نعيم يغمر غير دنيا الطاعة و القرب من ربك و هجر المعاصي الدنيا وش هي غير انها طاعة الدنيا ساعة فاجعلها طاعة و لا عيش الا عيش الاخرة اسأل الله ان يجعلنا وياكم من اهل الاخرة لأنها الخير و الابقى و جميع المسلمين اللهم آمين ابحاول ارتب هذا الرد في موضوع مستقل يوم انه طلع في لحظة تجلي و هذي اللحظات نادرا تجي راجية من الله ان ينفع به |
والله لوما المرض كان انا وين لاكن وش نقول الشكوى لله
|
اللعنه على الاكتئاب والامراض
|
اقتباس:
|
يا أخي العزيز ..
أنت معترف بمشكلتك وحاس فيها والإعتراف بالمشكلة بداية الحل ! لا تقول لو اني ولو اني .. لازم خلاص تمسك معها بالخط أنت إنسان قوي تقدر تتغلب صدقني مهما مريت بصعوبات إنت تقدر لاتقول انك ماتقدر وتستخدم لغة " التمني " .. أنت تستطيع . قادر . تتمكن . تقدر تتغلب كل هذا بيبدا منك لما تصمل عليها إنك تنتظم على علاجك و إنك تكون : ( positive person ) شيل الأفكار السوداء عن بالك و إبدأ من هذي اللحظة تعيش حياتك اللي تستحقها.. |
يمكن سنه على كتابه الموضوع والحال اخس من أول اخ بس وش هاللعنه الي نازله علي مافي رحمه ابد
|
| الساعة الآن 07:40 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا